মুম্বাই/গোৱা, জুলাই ২৩, ২০২০

লোকদাউননা মরম ওইদুনা মহৌশাগী পুন্সিদা অকায়বা পীবা নত্ত্রগা য়ুমদা লৈনবগী য়াথংনা মীয়ামগী ৱাখলগী হকশেলদা অকায়বা চাউনা পীরে। "মসি মীপুম খুদিংমক্তনি" হায়না প্রোফেসর আসা বানু সোলেতী, মুম্বাইগী তাতা ইন্সতিত্যুৎ ওব সোসিএল সাইন্সকী সেন্তর ফোর হেলথ এন্দ মেন্তেল হেলথনা হায়রি। অঙাং অমসুং মহৈরোইশিং, মীয়াই চল্লবা অমসুং অহলশিং, নুপীশিং, এল.জি.বি.তি.ক্যু.আই.গী সমাজ, হেলথ কেয়র প্রোফেসনেলশিং অমসুং তঙাই ফদবা থবক পীরিবশিং, শেন্থোক লম্বী লৈজদবা কাংবু, অৱাবা তারবা ইমুং, অমসুং মসিগী মথক্তা নাম্মা শোইরবা কাংবু অমসুং হান্নদগী ৱাখল লাইনা লৈরবা মীয়াম য়াওনা কোবিদ-১৯না মখোয় কয়াগী ৱাখলদা চঙদুনা অৱাবা পোকহল্লি হায়না প্রোফেসর অসিনা ফোংদোক্লি। মহাক্না '্কোবিদ-১৯গী মতমদা মেন্তেল হেলথ' হায়বা ইনফোর্মেসন অমসুং ব্রোদকাস্তিংগী প্রেস ইনফোর্মেসন ব্যুরো (পি.আই.বি.) অমসুং রিজনেল আউৎরিচ ব্যুরো (আর.ও.বি.)গী মহারাস্ত্রা অমসুং গোৱাদা লৈবা ওফিসনা গোৱা কোলেজ ওব হোম সাইন্স (জি.আই.ঐচ.এস.) পনাজিগা খুৎশম্নদুনা জুলাই ২৩, ২০২০দা পাঙথোকখিবা ৱেবিনার অমদা ৱা ঙাংখি। এক্সপর্তশিংগী পেনেলিস্ততা তাতা মেমোরিএল হোস্পিতাল, মুম্বাইগী  হোস্পিতাল শ্রীমতি সবিতা গোস্বামি, ক্লিনিকেল সাইকোলোজিস্ত অমসুং সাইকো-ওঙ্কোলোজিস্তনা তোঙান-তোঙানবা মীওই কাংলুপনা থেংনরিবা ৱাখল লাইনাগী মওং অমসুং করম্না থেংনগদগে হায়বগী মতাংদা মীয়ামদা ৱা ঙাংখি। মসিগী মথক্তা, জি.আই.ঐচ.এস.কী হ্যুমেন দিবেলপমেন্তগী এসিস্তেন্ত প্রোফেসর ওইরিবী শ্রীমতি লারিসা রোদ্রিগেসনা খুনাই অসিনা মহৈরোইশিংদনা হেন্না মীৎয়েং থমদুনা করম্না ৱাখলগী ওইবা হকশেলবু লাইচৎ অসিগী মরক্তা থেংনরিবগে হায়বগী মতাংদা থমখি।

প্রোফেসর সোলেতীনা হায়খি মদুদি কোবিদ-১৯না "অকনবা নোংলৈ" শেমখ্রে, নুংঙাইতবা ফিবম কয়া অয়াম পুনশিন্দুনা কা হেন্না ফিবম শোক্লবা মতাং অমা হায়বদু ওইহনখ্রে। "হন্দক্তা নৌনা ক্বারেন্তিন অমসুং মসিগা মান্নবা লাইচৎ থিংনবগী থৌরাংশিংদা পাঙথোকখিবা নৈনবা অমদা ফংলে মদুদি দিপ্রেসন, এংজাইতী দিসওর্দর, পেনিক, স্তিগমেতাইজেসন, ইশানা ইশাগী ৱাখল ঙাকপা ঙমজদবশিং অসি মীয়ামগা পুন্দনা তোঙান্না লৈরুরবা মীওইশিংদা চাং ৱাংবা থেংনরে। অতোপ্পা অনৌবা নৈনবা অমদনা ৱাখলদা অৱাবা পীরিবা পোৎশিং অসিনা কনাগুম্বা অমদা চমম্নবা, খোইশাউনবা অমসুং অসিনচিংবা মতম কুইনা লৈগনবা পোস্ত-ত্রোমেতিক স্ত্রেস সিন্দ্রোম কয়া লৈহল্লে।" মসিনা নাকন্দা থমখ্রগা, মসিগী থৌওংশিং অসিগা মরী লৈনবা খুদোংচাদবশিংদি লাইচৎ অসিগী অঙনবা শরুক্তা ইমুং মনুং খৎন-চৈনবা থোকপসিসু অমনি। "হায়রিবসি অনৌবা মহৌশা, ন্যু নোর্মেলগী মতমদনা হেন্না থোকই" হায়না মেন্তেল হেলথ এক্সপর্তশিংনা হায়রি। সরকার অমসুং অতোপ্পশিংনা খুনাইদা অপুনবা ওইনা, হায়রিবা খুদোংচাদবশিং অসিবু ইন্তর্নেত অমসুং কম্ম্যুনিকেসন্দা য়ুম্ফম ওইবা সর্বিসশিং থেংননবগীদমক ৱাখল তাহন্নবা কন্না হোৎনরবসু মরুওইনা খুঙ্গং অমসুং ত্রাইবেল তাবা লমশিংদা মেন্তেল হেলথ রিসোর্সশিং (অমসুং প্রোফেসনেল হেল্প)শিং পীনবা হোৎনবদি খুদোংচাদবা অদুমক মাইয়োক্নরি হায়না প্রোফেসর সোলেতীনা ফোংদোকখি।

তোঙান-তোঙানবা কাংলুপশিংদা থোকপা ৱাখলগী হকশেলগী সমশ্যাশিংগী মতাংদা ৱা ঙাংলদুনা শ্রীমতি গোস্বামিনা হায়খি, "মীয়ামদা তম্বা ঙমদবা অমসুং উপাই লৈতবগী ফিবম অমা লৈরে। হায়রিবসি মমাংদা অমুক্তা ওইখিদ্রিবা মওংদা তোপ-তোপ্পী। খ্বাইদগী য়াম্না থেংনরিবা অকিবশিং অসি চেকশিন থৌরাং কয়া লৌখৎচবা তারবসু মফম খঙদনা লাইচৎ অসি শন্দোক্কদ্রা অমসুং লান্নরক্কদ্রা হায়বসিনি। লোকদাউন অসিনা মীয়ামগী হৌন-লোনচত্তা চাউনা অহোংবা অমা পুরকখ্রে। থবক তৌবগী মওং অমসুং অনৌবা কন্সেপ্ত 'য়ুমদগী থবক শুবা' হায়বা মমাংদা কয়া চৎনরমদবশিংনা হৌজিক্তি মীয়াম্না শীজিন্নবা থবক ওইরক্লে। এদিক্সন অমসুং য়ু থকপগী চাংসু হেনগৎলে। শম্না হায়রবদা, হায়রিবা ফিবমশিং অসিনা কনফ্লিক্ত, নৌনা হৈননবা হোৎনবা, নাইতোম তাবা অমসুং সমশ্যা কয়া খঙবা হেল্লকপা থোকহল্লে। কা হেন্না শাথীবা ফিবমদনা, আশা মাঙলকপা অমসুং শিনিংবগী ৱাখল ফাওবা পোকহল্লি।

লোকদাউননা ৱাখলগী হকশেলদা পীরিবা শাফুগী মতাংদা ঙাংলদুনা শ্রীমতি রোদ্রিগেজনা হায়খি, পুম্নৌ নৌবা সোসিএল দিস্তেন্সিংগী ৱাখল্লোন অসিনা মাংহল্লিবসি করিনো হায়ববু মীয়াম্না অমগা অমগা পাউ ফাওননবা হোৎনবা মতমদা, অনৌবা হৈনবী শেম্নবা হোৎনবা মতমদা তোইনা নাইতোম তাহল্লি অমসুং দিপ্রেসন লাকহল্লি। অদুমওইনমক, খরা শাফবা মওংদা হায়রগদি, মীয়াম পুম্বা অমগা অমগা হেন্না পাউ ফাওনবগী চাং হেনগৎলক্লি অমসুং মমাংদা হুন্দোক্লম্লবা হৈনবীশিং মীয়াম্না লৌখৎনরক্লি হায়না মহাক্না হায়খি।

প্রোফেসর সোলেতীনা হায়খি, দব্ল্যু.ঐচ.ও.গী মেন্তেল হেলথ পোলিসী ফ্রেমৱার্কনা হৌজিক লৈরিবা লাইচৎ অসিদা মরুওইনা পল্লদুনা, খুনাই অপুনবগী ওইবা মওংদা হোৎনদুনা অমসুং মেন্তেল হেলথতা থেংনরিবা সমশ্যাশিং থেংননবা হোৎনবা মতমদা মীয়াম পুম্বদা রিসোর্স ফংহন্নবা হোৎনগদবনি হায়রি।  দব্ল্যু.ঐচ.ও.না প্রো-এক্তিব ওইবা লাইচৎকা মরী লৈননা থোক্লকপা মেন্তেল হেলথতা অকাইবা পীবা  অমসুং কা হেন্না ফিবম শোকচিলহনবা য়াবা থবকশিং থোকখ্রে। মসিগী মথক্তা মেন্তেল হেলথকী মতাংদা মেনুএল অমসুং ভিদিও দোক্যুমেন্তরীশিং মীয়ামদা ফংহন্নবগীদমক পুথোকখ্রে।

মেন্তেল হেলথকা মরী লৈনবা হীরমশিং কোক্নবগীদমক শ্রীমতি গোস্বামিনা মখাগীশিং অসি হায়রিঃ

১. মিনুংশিগা লোইননা অৱাবা উবীবা মওংদা ইশাগীদমক, ইমুং মনুং অমসুং খুনাইদা অপুনবা ওইনা হোৎনমিন্নবা

২. তোঙান-তোঙানবা কাংলুপকী মীওই (খুদম ওইনা অঙাং অমসুং অহল) খুদিংমক্তা মখোয়না লৌশিনবা ঙমগদবা মওংদা ৱাখল লৌশিং পীবা

৩. মরুপ মপাংশিং অমসুং ইমুং মনুংগা মখোয়দা থেংনরিবা নুংঙাইতবশিংগী মরমদা ৱারী শাবা। মীয়াম্না প্রোফেসনেলগী ওইবা মতেং অমসুং পাউতাক লৌবদা ইকাইরোইদবনি।

৪. ঈ পাউ লৌবা মতমদা চুম্লে হায়না খঙলবা অমসুং থাজবা য়াবতমক লৌনবা হোৎনবা

৫. পুক্নিং ৱাখলদা অফবা পোকহনবা ঙমগদবা হকচাং শাজেল, নোংমগী তৌগদবা থবক শেম্বা, নুংঙাইবা থবক থৌরমদা থবক চিলহনবা

৬. ইমুং মনুং তৌমিন্নবা য়াবা থবকশিং তৌমিন্নদুনা ইমুংগী মীওইশিংগা লোইনদুনা লৈবা খুদম ওইনা ইমুং মনুংগা লোইননা তেলিবিজন য়েংবা

থাগৎ ৱাহৈ ফোংদোক্লদুনা দি.ভি. বিনোদ কুমার, দিপুতী দিরেক্তর, পি.আই.বি. গোৱানা হায়খি, কোবিদ-১৯না ৱাখলগী হকশেলনা ঙাইদুনা লৈরকপা মীৎয়েং চঙবীনবগীদমক মতম অমা পীবীরে।

থৌরম অদুগী ৱাতেম্বা ওইখিবা ধীপ জোই মাম্পিতী, দিপুতী দিরেক্তর, পি.আই.বি. মুম্বাইনা হায়খি মদুদি ভারত সরকারনা মেন্তেল হেলথপু ভারতকী জাতী অসিনা কোবিদ-১৯ থেংননবা হোৎনবদা লৌখৎলিবা থৌরাংশিংগী শরুক অমা ওইনা লৌরি। বেঙ্গলুরুদা লৈবা মকোক থোংবা ইন্সতিত্যুৎ অমা ওইরিবা নিমহান্সনা সাইকো-সোসিএল হেল্পলাইন নম্বর 080-46110007 হাংদোকখ্রে। মসিগী মথক্তা মহৈরোই, ওজা অমসুং মমা মপাশিংদা সাইকোলোজিকেলগী সপ্পোর্ত পীনবগীদমক হ্যুমেন রিসোর্স দিবেলপমেন্তনা মনোদর্পন পোর্তেল অমসুং হেল্পলাইন (8448440632) হাংদোকখ্রে।

এক্সপর্তশিংনা পীখিবাই প্রজেন্তেসনশিং অসি মখাগীশিং অসিদসু ফংবীগনি - প্রোফেসর সোলেতী , শ্রীমতি গোস্বামী

মসিসু পাবীয়ুঃ কেন্দ্র সরকারনা রাজ্যশিংদা কোবিদ-১৯না মেন্তেল হেলথতা পীরিবা শাফুশিং কোকহন্নবা মেকানিজম মপাঙ্গল কলহনগদবনি

******