পৃথিবীগী নুমিদাংগী অতিয়াদা মিৎনা কোমেৎ অমা উবা ফংবা অসি চহী কয়াগী মতুংদা থোক্লকপা য়াম্না তাংবা সেলেসিএল ইবেন্ত অমনি।

নেহরু সাইন্স সেন্তরনা মখোয়গী লোকদাউনগী লেকচরগী পরিংদা ‘কোমেৎ এন.ই.ও.দবল্যু.আই.এস.ই.- এ প্রাইমর’ হায়বা অমা শিন্দুনা কোমেৎশিং য়েংশিনবা অমসুং থিদোকপগী হীরমগা মরী লৈনবা কয়া খন্নবগী থৌরম অমা পাংথোকখ্রে। নই-দিল্লীগী নেহরু প্লানেতরিয়মগী দাইরেক্তর দাঃ এন. রত্নাশ্রীনা কোমেৎশিং, অতিয়াদা মখোয়গী লৈফমশিং অমসুং মীওই অমনা তেলেস্কোপ, দি.এস.এল.আর. কেমেরেয়া নত্ত্রগা ইশাগী মিৎ না মতৌ করম্না য়েংগদগে হায়বগী মতাংদা তাকখি।

ওফিসিএল ওইনা সি./২০২০এফ.৩ হায়না খংনবা  কোমেৎ নেওৱাইস অসি অতিয়াদা উবা খ্বাইদগী লংবা কোমেৎনি অমসুং মসিনা হৌজিক হৌজিক পৃথিবীগা নক্ননা লৈবনা মালেম শিনবা থুংনা উবা ফংগনি। নেওৱাইস অসি হেক মাংখ্রবদি চহী ৬৮০০গী মতুংদতা অমুক উবা ফংগনি।

“কোমেৎ নেওৱাইস” অসি অহানবা ওইনা নাসাগী স্পেস্ক্রাফত মিসন ন্যার-আর্থ ওবজেক্ত ৱাইদ ফিল্দ ইনফ্রারেড সর্বে এক্সপ্লোরর (এন.ই.ও.দবল্যু.আই.এস.ই.)না মার্চ ২৭, ২০২০দা উবা ফংলকপনি মরম অদুনা মসিগী মমিং অসি নেওৱাইস হায়না কৌরিবনি।

কোমেৎ অসি অকনবা বরফকী অপিকপা পোৎশক অমনি অমসুং মসিদা অয়াম্বা ওইনা নুংগী মেতরিএলশিং, উফুল অমসুং বরফ য়াওই। মখোয়না নুমিত্তা নকশিল্লকপা মতমদা মসিদা য়াওবা বোলাতাইল ওইবা শরুকশিং অসি মনিল ওন্দুনা পায়থোকখি। মখোয়না মহি লাংথোকপা হৌরকপা মতমদা পার্তিকলশিং অদুনা নুংশা মঙাল থক্তোক্লকপদা লংনা উই। মসিনা কোমেৎকী মমৈ হায়রিবা অদু ওই।

দাঃ এন. রত্নাশ্রীনা হায়বদা,”নেওৱাইস কোমেৎ অসি জুলাইগী অঙনবা মতমদা নুমিৎকা নক্ননা লৈবদা নুমিৎ অমসুং মসিগী মওংশিংবু স্তদী তৌরিবা নাসাগী সোলার মিসন সোহোনা উরকখি। ভারতকিশু অসিগা মান্নবা অদিত্য-এল.১ কৌবা অতিয়াদা থাদুনা নুমিৎকী কোরোনা স্তদী তৌনবা স্পেস্কী বেঞ্চর অমশু লৈ”।

মহাক্না লৈবাক শিনবা থুংবা মফমদা লৈবা এমাচর ফোতোগ্রাফর কয়ানা জুলাই ২০২০গী মনুংদা তোঙান তোঙানবা মতমদা নম্বা ফোতো কয়া অমসু মীয়ামদা য়েংহনখি। লাইত পোল্ল্যুসন য়াম্না থোকপা শহর কয়াদশু কোমেৎ অসি মতৌ করম্না উবা ফংলিবনো হায়না মীয়ামদা পনখি।

মহাক্কী লেকচর মনুংদা দাঃ রত্নাশ্রীনা কোমেৎ অসিগী লৈফম করম্না খংগদগে অমসুং দি.এস.এল.আর. কেমেরা অমগী খুত্থাংদা ফোতো নমগদগে হায়বদু শন্দোক্না তাকখি। “নখোয়গী কেমেরাশিং অসু অৱাং-নোংচুপলোমদা মাইওল্লো অদুদা লোং এক্সপোজর শোত অমা লৌনবা হোৎনৌ। তোঙান তোঙানবা নুমিৎকী চপ মান্নবা মতমদা চপ মান্নবা কেমেরা সেত্তিং শিজিন্নদুনা নুংতিগী ফোতো কাপ্পু অমসুং অতিয়াগা মরী লৈননা কোমেৎকী ত্রেজেক্তরী অদু পুথোকপাঙম্নবা হোৎনৌ”।

কোমেৎ অসি মিৎনা উবা ফংলবশু মীওই অমনা মসিবু অতিয়াদা থিবদা খরা ৱানাদি থোক্কনি, মরু ওইনা অহানবা ওইনা থিরিবা মীওইশিং।

 “কোমেৎ অসিবু থিনিংলিবা মীওইশিংনা অহানবদা বিগ দিপ্পর (উরসা মেজর) নত্ত্রগা সাপ্তারিশি, অতিয়াদা থৱানমিচাক ৭ থোক্লিবা কন্সতেলেসন অদু হান্না থিদোকউ। মদু হেক ফংবগা পোলারিসকী মাইওন্দা থিল্লিবা শরুক অদু খংদোকউ। কোমেৎ অসি পোলারিস নত্ত্রগা পোল স্তারগী মায়োক্নবদা উবা ফংগনি”।

মহাক্না সেলেসিএল বোদী অসিবু থিবদা তেংবাংবা ৱেবসাইৎ খরগী মিংশু হায়খি। অসিগুম্বা সেলেসিএলগী থৌদোকশিংদা থৱাই য়াওজবা থৱানমিচাক য়েংবা মীওইশিংনা https://calsky.com/ অমসুং https://darksitefinder.com/ দা চংদুনা সেলেসিএল পোৎশক অসিগী চপ চাবা লৈফম খংবা য়াগনি। মসিগা লোয়ননা https://mausam.imd.gov.in/ দা চংদুনা পোৎশক অসিবু য়েংবদা অয়েৎপা পীগদবা লৈচিলশিংগী লৈফমশু মাংজৌননা খংদোকপা য়াগনি। নুংশিৎকী খোংজেলনশু অকক্নবা মফম অমদা লৈচিলনা লেংবা অমসুং মসিগী মাইকৈ খংবদশু খরদি তেংবাংগনি।

পোৎশক অসি নুমিত্তগী লাপ্না চত্থোকখিবা ওইবনা নোংম নোংমগী মমি শামিবা হেনগৎলিবা কোমেৎ অসি মীওইশিংনা  য়েংহৌনবা হোৎনগদবনি হায়না মহাক্না হায়খি। মসিনা পৃথিবীগা য়াম্না নক্ননা লৈরবশু কোমেৎ অমসুং নুমিৎকী মরক্তা লৈরিবা এঙ্গল অসিনা অসুম হেনগৎলকপনা কোমেৎ অসি মমি শামখ্রিবনি।

কোমেৎ অসি অহাংবা অতিয়া ওইবা অমসুং মঙাল য়ামদবা মতমদা উবা ফংবা য়াই অমসুং অতিয়ানা পুম্মম মম্লবদি নিংথিজনা উবা ফংই।

লেকচর অসিনা এস্ত্রোনোমরশিং, স্পেস্তা থৱাই য়াওজবশিং, থৱানমিচাক য়েংবশিং অমসুং হেবনলী ওবজেক্তশিংগী মরমদা অমসুং মসিগে মরী লৈনবা ৱারীশিংদা থৱাই য়াওজনা খংনিংবা অঙাং কয়া অমশু পুলহনখি।

ফোত মপুঃ

১) মলয় পারা; ২) গৌতম দেকা; ৩) কার্তিক জয়াশঙ্কর

 

লেকচর অসি মখাদা পীরিবা লিঙ্কশিং অসিদা য়েংবা য়াগনি (পার্ত মরিদা)

https://www.facebook.com/watch/?v=3222113797849519

https://www.facebook.com/watch/?v=2021723044631632

https://www.facebook.com/watch/?v=967790263692144

https://www.facebook.com/watch/?v=359188478400811

*********

(Release ID: 1640878) Visitor Counter : 157