য়ুনিয়ন হোম মিনিস্তর শ্রী আমিত শাহনা ঙসি কোয়লা মিনিস্ত্রীগী উ থাবগী কেম্পেইন  “ ভ্রিক্সারোপান অভিয়ান”  কোয়লাগী য়ুনিয়ন মিনিস্তর, মাইন্স এন্দ পর্লিয়ামেন্তরি এফ্যার্স শ্রী প্রল্হাদ জোসি য়াওনা হৌদোকখ্রে। থৌরম অসি মহাক্কী ময়ুমদা পাংথোক্লিঙৈদা য়ুনিয়ন মিনিস্তরনা ইকোপার্ক/তুরিজমগী মফম তরুক শঙ্গাখ্রে অমসুং উরেপ উয়ুং তমখ্রে। উ থাবগী কেম্পেইন অসি স্তেত ১০গী দিস্ত্রীক্ত ৩৮গী মফম ১৩০দা ভিদিও কনফরেন্সকী খুত্থাংদা পাংথোকখি। শ্রী অমিত শাহনা হায় “ঐনা কোয়লা মিনিস্ত্রীবু স্তেত ১০গী দিস্ত্রীক্ত ৩৮গী মফম ১৩০দা লাখ ৬ হেনবা উ থাবগীদমক থাগৎপা ফোংদোক্লী”

থৌরম অদুদা য়ুনিয়ন হোম মিনিস্তরনা হায়, ক্লাইমেত চেন্জনা মালেম্দা চৈথেং পিরে অমসুং অশংবশিংনা মসি অৱাবসি কোকহনগনি। মহাক্না হায় ঐখোয়গী চৎনবিনা মরুওইনা লৌরিবসি মহৌশাবু মাংহনবা নত্তে মসিবু য়োক্তুনা থম্বনি।

“ইন্দিয়াগী খুনাইগী চৎনবিদা লৈরিবা ফোকেল মন্ত্র অসি ঐখোয়না মহৌশাগী কন্দুনা থমগদবনি অমসুং মখোয়বু মাংহল্লোইদবনি। ঐখোয়না মসিগী য়ুমফম অসি থওইদবদগী ওজোন কুয়োম পাথরক্তুনা ওজোনবু হোহল্লী মদুনা মালেমগী অশাবা হেনগৎতুনা ক্লাইমেত্তা অহোংবা লাকই। মসিগী অমত্তা ঙাইরবা পাউখুমদি মমাংঙৈদা মুণিশিংনা হায়রম্বা উ-পাম্বীশিংনা মীওইবগী মরুপনি অমসুং অশং-অমান খক্তনা কনবা ঙমগনি। উ-পাম্বীশিংনা পুন্সি কনবা ওক্সিজেন পী অমসুং কার্বোন ফুতপ্রিন্ত হন্থহল্লী অমসুং ওজোন কুয়োম কল্লী” শ্রী অমিত শাহনা হায়খি।

য়ুনিয়ন হোম মিনিস্তরনা হায়, “ মীওইববু চহী ১০০-১৫০ কান্নবা পিরিবা উ-পাম্বী মখল কয়া অমা লৈরি. পিপল অসিসু ১০০% ওক্সিজেন পিবা উ মখল অমনি, অদুনা গীতাদা শ্রী কৃষ্ণ উ ময়ামগী মরক্তগী পিপলসি মহাক্নি হায়রি, মদুদি পিপল উনা পিরিবা কান্নবা অদুবু মহাক্কা চাংদমনরদুনা”

শ্রী অমিত শাহনা হায়খি মদুদি ঐখোয়গী স্ক্রিপচরদা ইরম্মী:

दशकूपसमावापी, दशवापीसमोह्रदः।

दशह्रदसमोपुत्रो, दशपुत्रसमोद्रुमः।।

 [মান্নৈ, পুখ্রি অমা গুহা ১০গা মান্নৈ, পাৎ অমগা পুখ্রি ১০গা মন্নৈ, মচানুপা অমনা পাৎ ১০দগী হেল্লী অমসুং উ পাম্বী অমনা মালেম অসি কনবদা মচানুপা ১০দগী হেল্লী]

য়ুনিয়ন হোম মিনিস্তরনা হায়, কোয়লা অসি ঙসিদি হেনগৎলক্লিবা দিমান্দ পিবা ঙম্বাদা নত্তনা মহৌশাগী অকোয়বগী খল কায়দনবগী য়েংবা তাই। মহাক্না হায়, প্রধান মন্ত্রী শ্রী নরেন্দ্র মোদিগী লুচিং মখাদা, সরকার অসিনা মখল কয়াগী কোয়লাবেদ মফমশিংদা রিক্লেমেসন অমসুং এফোরেস্তেসন শৌগৎলি। শ্রী অমিত শাহনা হায়খি মদুদি প্রধান মন্ত্রীনা মাইনিং এরিয়া চাওখৎন্নবা করোর লুঃ ৩৯,০০০ অমা দিস্ত্রীক্ত মিনরেল ফন্দ পিথখ্রে অমসুং প্রোজেক্ত মচা ৩৫,০০০ মপুং ফানা লোইশিনখ্রে। মহাক্না হায় কোয়লা সেক্তর অসি ইন্দিয়াগী শেল-থুমগী মরুওইবা য়ুম্বীনি অমসুং লাক্কদৌরিবা মতম কয়াদসু ওইদুনা লৈগদৌরি।

শ্রী অমিত শাহনা হায়খি মদুদি কোয়লাগী মিনিস্ত্রীনা ‘ইজ ওব দুইং বিজিনেস’ অমসুং প্রধান মন্ত্রীগী লুচিং মখাদা আত্মানির্ভর ভারতকী খোঙথাং কয়া লৌখৎলি। প্রধান মন্ত্রীগী আত্মানির্ভর কেম্পেন্ ফংন্নবা ইন্দিয়ানা কোয়লা পুশিল্লকপা জিরোদা হন্থনবা হোৎনরি। সরকার অসিনা ২০২৩-২৪দা কোয়লা বিলিয়ন তোন অমা (চহীগী) পুথোক্নবা পান্দম থম্লী।

কোয়লাগী পি.এস.য়ু.শিং অমসুং কেপ্তিপ মাইনরশিংসু হেন্না পোত্থোক লৈননবা হৌদোক্নবা খোংথাং লৌখৎলে, লুপা করোর  ১,২৫,০০০গসু থাদদুনা ২০২০-২০২৪গী মনুংদা প্রোজেক্ত ৫৩৪গী ইন্ফ্রাস্ত্রকচর ইনবেস্তমেন্ত স্কিম খংদোক্লে হায়না মহাক্না হায়খি।

শ্রী অমিত শাহনা হায়খি মদুদি ঙসি উ থাবগী খোঙ্জং অসিনা লৈবাক্কীদমক থৱায় থাখ্রবা লোকমান্য বাল গঙ্গাধর তিলক অমসুং চন্দ্র সেখর অজাদ মখোয়গী মপোক কুমোন চান্নবনা নুমিৎ অসিবু মরুওইবা ওইনা লৌই।

“লোকমান্য তিলক্না নিং-খা তম্বগীদমক হায়খিবা ৱাহৈ,-“ফ্রীদম ইজ মাই বার্তরাইত”, না ঙসি ফাওবদা নহাশিংবু পুক্নিং থৌগৎলি। মহাক অসি ইন্দিয়ান রিনাইসেন্সগী মরুমদা স্পিরিত অমনি। অজাদসু কৈদৌনুংদা নোন্দবা ইন্দিয়া মচানি অমসুং মহাক্কী কৎথোকপনা নহা কয়াবু ইনোৎ পিদুনা ইন্দিয়াবু নিং-খা তম্বদা মতেং পাংখি,” হায়না মহাক্না হায়খি।  শ্রী অমিত শাহনা  কোয়লা মিনিস্ত্রীদা ইকোপার্ক অমসুং তুরিজমগী মফমশিংদা লোকমান্য  তিলক অমসুং চন্দ্র সেখর অজাদ মখোয় নিংশিংবা ওইনা মমিং থোন্নবা হায়খ্রে।

উ থাবগী কেম্পেইন অসি কোয়লা মিনিস্ত্রীনা স্তেত ১০গী দিস্ত্রীক্ত ৩৮গী মফম ১৩০দা শিনখ্রে।

********