উপ-রাস্ত্রপতি শ্রী  এম.ভেঙ্কয়া নাইদুনা ঙসি মেদিয়াগী ইন্দস্ত্রীদা কোবিদকী চৈথেংনা শেল-থুমগী অৱাবদা নুংঙাইতবা ফোংদোক্তুনা মীপুম খুদিংমক্তা মাগী-মাগী এম্প্লোয়িশিংদা মীনুংশিং অমদি নিংথিজনা য়েংশিনবিনবা অমদি লুরবা তানফম অসিদা মখোয়গা পুন্না লেপমিন্ননবা হায়খ্রে।

শেংলবা নিংশিংনিংঙাই ওইবা মীফম অমদা লৈখিদ্রবা শ্রী এম.পি. বীরেন্দ্র কুমারগী মফমদা শ্রদ্ধাঞ্লী কৎলদুনা উপ-রাস্ত্রপতিনা মাতৃভুমী প্রিন্তিং অমসুং পব্লিশিং লিমিতেদকী এম্প্লোয়ীশিং হক অমসুং য়াইফনববু ঙাক-শেনবিবগীদুনা চেফোংশিং ফোংবগী রেঞ্জদা তেক্নোলোজীনা তৌহনবা হৌদোকখিবগীদমক মহাকপু থাগৎখি।

মহাক্না মীপুম খুদিংমক্তা শ্রী বীরেন্দ্র কুমারনা পামজরম্বশিং অদুদগী পুক্নিং থৌগৎনবা অমসুং নাগরিকশিংদা মীনুংশিগা লোয়ননা য়েংবিনবা হায়খি।

শ্রী বীরেন্দ্র কুমারগী শক্লোন য়াম্লবা পর্সোনেলিতী অমা ওইরমখিবা অসিদা য়েংলগা শ্রী নায়দুনা মহাক অসি ইকাই খুম্ননিংঙাই ওইবা রাজনীতি তৌবা মীওই অমা, মহৈ য়ানবা অইবা অমা, এনভাইরোন্মেন্তেলিস্ত অমা অমসুং হৈথোই-শিংথোইবা জর্নেলিস্ত অমা ওইরম্মি হায়না হায়খি।

শ্রী বীরেন্দ্র কুমারনা তোঙান-তোঙানবা প্রেসকী বোদীশিংগী মীহুৎ অমা ওইনা হৌদোকখিবা থবক-থৌরাংশিং অমসুং অভিয়ানশিং অদুবু থাগলদুনা মহাক্না মীয়ামগী য়াইফনবগীদমক্তা প্রেসকী মনিং তমহন্নবগীদমক্তা থৱায় মেনেজিং দিরেক্তর অমা ওইনা থবক তৌরমখি।

 “মাতৃভুমী প্রিন্তিং অমসুং পব্লিশিং লিমিতেদকী চেয়রমেন অমসুং মেনেজিং দিরেক্তর অমা ওইনা মহাক্না জর্নেলিজমগী লমদা মমল নাইদ্রবা থৌদাং কয়া লৌরমখি”, হায়না শ্রী নায়দুনা মখা তানা ফোংদোকখি।  শ্রী বীরেন্দ্র কুমারগী পুন্সিগী মরুওইবা থবকশিংগী মরক্তগী ই-পাও অমা ওইনা শন্দোক্তুনা মীয়ামদা থৌনা হাপ্পিরমখি হায়না উপ-রাস্ত্রপতিনা হায়রদুনা তমথিরবা লায়চৎ অসিগী মতমদা অচুম্বা অমসুং  মরুওইবা ই-পাও ফংহন্নবদা মীৎয়েং থমখি। থবক অসিদা খুদোংথিনিংঙাই কয়া অমা লৈরগসু লায়চৎ অসিগী মতাংদা মীয়ামদা ই-পাও অমদি মতাংগা চান্নবা কয়া অমা ফংহন্দুনা থৌনা হাপ্পিবগীদমক মহাক্না মেদিয়াবু থাগৎখি। অদুম ওইমক কোবিদ-১৯গী লায়েং চত্থবগী মতাংদা অচুম-অরান খংদ্রিবা অমসুং চান্নবদা হিদাকশিংগী মায়োক্তা তৌরকপা ক্লেমশিংগী মতাংদা চেকশিন্নবা মেদিয়াদা হায়খি। 

শ্রী বীরেন্দ্র কুমার অসি মতৌ তমজনিংঙাই ওইবা সাংসদ অমা ওইরম্মি হায়না হায়রদুনা মহাক্কী মওং মতৌ অসি লৈঙাক্লোই খুদিংমক্না মতৌ তমজনিংঙাইনি হায়না শ্রী নায়দুনা ফোংদোকখি। 

শ্রী বীরেন্দ্র কুমার অসি মশাগী ফীদম চপ চানা ঙাকপা অমসুং লায়রবগী পনখৈগী মখাদা লৈবা মীওই কাংলুপশিংবু থাঙ্গৎপিনবা অরেপ্পা ৱাশক শকখিবা মীশক অমনি হায়না উপ-রাস্ত্রপতিনা ফোংদোকখি। মহাক্না মফম পুম্নমক্তা ৱাফম খুদিংমক ময়ামগী ওইবশিংবু পুম্নমক্কী খ্বাইদগী মথক্তা পুখৎখি। মহাক্কী থবক অমসুং মহাক্কী ৱাখল্লোন অসিনা লাক্কদৌরিবা মীরোল কয়াশিংবু পুক্নিং থৌগৎকনি হায়না উপ-রাস্ত্রপতিনা হায়খি।  

মহাক্কী ৱাখল্লোন অমদি মতিক-ময়াইশিংগীদমক্তা থমখিবা অচেৎপা ৱাশক অদু ময়েক শেংনা তাক্নবগীদমক্তা উ য়ান্থৎপা থিংজিনবগী ৱাফম অদু হন্দোক্নবা শাফু পীখিবা মতমদা শ্রী বীরেন্দ্র কুমারনা কেরলা সরকারগী ফোরেস্ত মন্ত্রীগী ফম থাদোক্নবা ৱারেপ লৌখিবা অদু উপ-রাস্ত্রপতিনা খুদম ওইনা পুথোকখি।   

মহাক্না ত্রেদ য়ুনিয়নগী ইহৌদা য়াম্না হৈথোই-শিংথোইনা শরুক য়াখিবা থবক্তা শাফুগী ওইবা হক্কীদমক্তা ৱায়েনখিবা অদুবু নিংশিংলদুনা কেন্দ্র রাজ্য মন্ত্রী(মনিংতম্বা থৌ পুবা) অমা ওইনা শ্রী কুমারন্ শিন্মীশিংগী কান্নবগীদমক্তা প্রোভিদেন্ত ফন্দ অমসুং এম্প্লোয়ীজ স্তেত ইন্সুরেন্স কোর্পোরেসন(ই.এস.আই.সি.) হৌদোকপিরমখি হায়না শ্রী নায়দুনা ফোংদোকখি।

শ্রী বীরেন্দ্র কুমারনা ইফুরুপকী মীশিংগী হকপু শৌগৎখিবা অদু নিংশিংলদুনা শ্রী নায়দুনা চাওখৎনবগী অমসুং মহৌশাবু য়োকখৎনবগীদমক্তা মান্নবা খল অমদা মীৎয়েং থম্নবগী ৱাফম ফোংদোকখি। চাওখৎপা পুরকপগা মহৌশাগী মমলগা মন্তিক্নরোইদবনি হায়না অকনবা ৱাফম থমখি।

শ্রী বিরেন্দ্র কুমারনা সাহিত্যগী মায় পাক্না পাংথোকপা ঙমখিবশিংগী মতাংদা হায়রদুনা মহাক অসি ময়ামগী ওইবা পুন্সি মহিং অমসুং বিধানসভাশিংগী মরক্তা কেন্দ্র সাহিত্য একাদমি অমসুং কেরলা সাহিত্য একাদমিনা ইকাই খুম্নবা উত্তুনা মহাক্না মালেম অসিদা লেতরশিংগী ওইবা মালেমদা লৌরম্বা থৌদাংগীদম্তা জ্ঞানপিথ ত্রস্তনা ভারতীয় মার্তিদেবী মনা(২০১৬) পীখি হায়না উপ-রাস্ত্রপতিনা ফোংদোকখি। 

কেরলাগী রাজ্যপাল শ্রী অরিফ মোহমদ কান, মিজোরামগী রাজ্যপাল শ্রী পি.এস. শ্রীধরম পিল্লাই, দি হিন্দু পব্লিশিং গ্রুপকী দিরেক্তর শ্রী এন. রাম, মাতৃভুমীগী চেযরমেন অমসুং মেনেজিং ইদিতর শ্রী পি.ভি. চন্দ্রন, সাংসদকী তোঙান-তোঙানবা মীহুৎশি, লৈখিদ্রবা এম.পি. বীরেন্দ্র কুমারগী মচানুপা শ্রী এম.ভি. শ্রেয়মস কুমারনচিংবা দিগ্নিতরিশিংনা শেংলবা থৌরম অদুদা শরুক য়াখি।   

মপুং ওইবা ৱারোল অসি মখাদা পীরিঃ

নুংশিরবা ইচিল-ইনাওশিং,

ঙসি ঐখোয় ময়াম্না পুন্দুনা থা খরগী মমাংদা লৈখিদ্রবা শ্রী এম.পি. বীরেন্দ্র কুমারবু নিংশিংমিন্নবগী মীৎকুপ অসি য়াম্না পুক্নিং নুংশিবা মীৎকুপ অমনি। ঙসি অসি মহাক ঐখোয় ময়ামগী ইরক্তা লৈদুনা মহাক্কী ৮৪শুবা মপোক নুমীৎ পাংথোক্লমগদবা নুমীৎনি।

শ্রী বীরেন্দ্র কুমারগী শক্লোন য়াম্লবা পর্সোনেলিতী অমা ওইরমখিবা অসিদা য়েংলগা শ্রী নায়দুনা মহাক অসি ইকাই খুম্ননিংঙাই ওইবা রাজনীতি তৌবা মীওই অমা, মহৈ য়ানবা অইবা অমা, এনভাইরোন্মেন্তেলিস্ত অমা অমসুং হৈথোই-শিংথোইবা জর্নেলিস্ত অমা ওইরম্মি।

মহাক ইন্দিয়ন ন্যুজপেপর সোসাইতীগী অধ্যক্ষ অমসুং প্রেস ত্রস্ত ওফ ইন্দিয়াগী চেয়রমেন ওইনা থবক তৌরমখি। 

মহাক্কা জর্নেলিস্ত ওইবা থৌদাং ওইনা মহাক্না মীয়ামগী য়াইফনবগীদমক্তা প্রেসকী মনিং তমহন্নবগীদমক্তা থৱায় মেনেজিং দিরেক্তর অমা ওইনা থবক তৌরমখি। মহাক তোঙান-তোঙানবা প্রেসকী বোদীশিংগী মীহুৎ অমা ওইনা হৌদোকখিবা থবক-থৌরাংশিং অমসুং অভিয়ানশিং হৌদোকলমখি। মাতৃভুমী প্রিন্তিং অমসুং পব্লিশিং লিমিতেদকী এম্প্লোয়ীশিং হক অমসুং য়াইফনববু ঙাক-শেনবিবগীদুনা চেফোংশিং ফোংবগী রেঞ্জদা তেক্নোলোজীনা তৌহনবা হৌদোকখিবগীদমক মহাকপু থাগৎখি। শ্রী বীরেন্দ্রনা এম্প্লোয়ীশিংগী হকশিং অমসুং য়াইফনববু ঙাক শেন্দুনা থম্নবগী থবক তৌবিরমখি। অসিগুম্না চীনগা-খুৎকা চান্ননা থবক তৌবা হায়বসি অতাংবনি। 

নুংশিরবা ইচিল-ইনাওশিং,

ঐখোয় অসি লৈবাক পুম্নমক্কী থব-থৌরম খুদিংমক্তা অপনবা পীদুনা শেল-থুমগী ফীভমদা চৈথেং ফংহল্লিবা লায়চৎ অসিগী মরক্তা লৈরিবনি।  শ্রী বীরেন্দ্র কুমারনা পামজরম্বশিং অদুদগী পুক্নিং থৌগৎনবা অমসুং নাগরিকশিংদা মীনুংশিগা লোয়ননা য়েংবিনবা হায়খি। লায়চৎ অসিনা মেদিয়াগী ইন্দস্ত্রীদসু চৈথেং পীরি অমসুং তোঙান-তোঙানবা মেদিয়া হাউস কোবিদনা মরম ওইদুনা শেলগী অৱাবা মায়োক্নরি হায়বসি ঐহাক খংজৈ। মীওই খরদি থবক থাদোকখ্রে হায়বা ঐঙোন্দা খংহল্লকখি।  লুরবা তানফম অসিদা মীপুম খুদিংমক্না মাগী-মাগী এম্প্লোয়িশিংদা মীনুংশিং অমদি নিংথিজনা য়েংশিনবিগদবনি অমসুং মখোয়গা পুন্না লেপমিন্নগদবনি।

খ্বাইদগী অথোইবা ৱাফমশিংগী মরক্তগী অমা ওইরিবা ৱাফমদি শ্রী বীরেন্দ্র কুমারগী পুন্সিগী মরুওইবা থবকশিংগী মরক্তগী ই-পাও অমা ওইনা শন্দোক্তুনা মীয়ামদা থৌনা হাপ্পিরমখি। মসি হৌজিক্কী মতম অসিদনা অচুম্বা অমসুং থাজনিংঙাই ওইবা ই-পাও ফংহনবা অসি য়াম্না মরু ওই।

তমথিরবা লায়চৎ অসিগী মরক অসিদা অদোম্না ময়ামদা ই-পাও অমসুং চানবা মতাংশিংগী ওইবা পাও কয়া ফংহন্দুনা মীশিংদা থৌনা হাপ্পিরিবা অসি ঐহাক্না থাগৎলি। অদুম ওইমক কোবিদ-১৯গী লায়েং চত্থবগী মতাংদা অচুম-অরান খংদ্রিবা অমসুং চান্নবদা হিদাকশিংগী মায়োক্তা তৌরকপা ক্লেমশিংগী মতাংদা চেকশিন্নবা মেদিয়াদা হায়খি। 

শ্রী বীরেন্দ্র কুমার অসি শ্রী বীরেন্দ্র কুমার অসি মতৌ তমজনিংঙাই ওইবা সাংসদ অমা ওইরম্মি। মহাক্না লায়রবগী পনখৈদা লৈরিবা মীওই কাংলুপশিংগী ফীভম ফগৎহন্নবা হকচিন্না ৱাশক শকখি। কেরলা লেজিসলেতিব এসেমব্লি, লোক সভা নত্রগা রাজ্য সভা ওইগেরা মহাক্না লেজিসলেচরশিং পুম্নমক্কী ওইনা মমল নাইদ্রবা থবক কয়া তৌবিরমখি।  

পোলিতিকেল স্পেক্ত্রমদা ইকাই খুম্ননিংঙাই ওইবা থবক নিংথিনা পাংথোকপা ঙমখিবা অসি চহি ১৬ শুরকপদা প্রজা সোসিএলিস্ত পার্তীগা লোয়ননা রাজনীতিদা বেপতাইজ তৌখিবা অমসুং অদুগী মতুংদা জয়প্রকাশ নরায়নগী মতেংদগী সমাজৱাদী পার্তীদা য়াওখিবা অসিগুম্বা মীশক ওইনা পাক চাওনা থবক পাংথোকখিবা মীশক ওইনা উনখি।  মহাক অসি দা. রাম মনোহর লোহিয়ানা পুক্নিং থৌগৎপীখি। মহাক ইমর্জেন্সিগী মতমদা ফাখি অমদি মরল-মথুম পুম্নমক লোইনা লৌশিনখিরম্মি।

মহাক্না মফম পুম্নমক্তা ৱাফম খুদিংমক ময়ামগী ওইবশিংবু পুম্নমক্কী খ্বাইদগী মথক্তা পুখৎখি। মহাক মশাগী ৱা ঙাক্না চৎপা মীওই অমা ওইরম্মি। মহাক্না কেরলা সরকাগী মন্ত্রী অমা ওইনা হাপখিবা মতমদা থোকখিবা থৌদোক অমনি। মহাক্না মহৌশাগী ওইবা পোৎসিংদা অতেক-অকাই পীবসিনা শোকহল্লক্কদবা ময়ামশিং অদু নিংথিজনা খংবা অমা ওইনা মহাক্কী অহানবা ৱারেপ অসি উ য়ান্থৎপা থিংজিনবনি।  মঙোন্দা উ য়ান্থৎপা থিংজিনবগী ৱাফম অদু হন্দোক্নবা শাফু অদুক্কী মতিক ফংখি। মহাক্কী ৱাখল্লোন অমদি মতিক-ময়াইশিংগীদমক্তা থমখিবা অচেৎপা ৱাশক্কা লোয়ননা শ্রী বীরেন্দ্র কুমারনা কেরলা সরকারগী ফোরেস্ত মন্ত্রীগী ফম থাদোক্নবা ৱারেপ লৌখি অমসুং পুং ২৪গী মনুংদা মন্ত্রীগী ফম থাদোকখি।

ত্রেদ য়ুনিয়নগী ইহৌদা য়াম্না হৈথোই-শিংথোইনা শরুক য়াখিবা থবক্তা শাফুগী ওইবা হক্কীদমক্তা ৱায়েনখিবা অদুবু নিংশিংলদুনা কেন্দ্র রাজ্য মন্ত্রী(মনিংতম্বা থৌ পুবা) অমা ওইনা শ্রী কুমারন্ শিন্মীশিংগী কান্নবগীদমক্তা প্রোভিদেন্ত ফন্দ অমসুং এম্প্লোয়ীজ স্তেত ইন্সুরেন্স কোর্পোরেসন(ই.এস.আই.সি.) হৌদোকপিরমখি।

ইফুরুপকী মীশিংগী হকপু শৌগৎপা অমসুং ঙাক-শেন্নবগীদমক্তা খোংজংশিংনা মহাকপু য়াম্না ৱাহনখি।  

নুংশিরবা ইচিল-ইনাওশিং,

ঐহাক্কী মতম লৈরি অমসুং চাওখৎনবগী অমসুং মহৌশাবু য়োকখৎনবগীদমক্তা মান্নবা খল অমদা মীৎয়েং থম্নবগী ৱাফম ফোংদোকখি। চাওখৎপা পুরকপগা মহৌশাগী মমলগা মন্তিক্নরোইদবনি হায়না অকনবা ৱাফম থমখি।

শ্রী বিরেন্দ্র কুমারনা সাহিত্যগী মায় পাক্না পাংথোকপা ঙমখিবশিংগী মতাংদা হায়রদুনা মহাক অসি ময়ামগী ওইবা পুন্সি মহিং অমসুং বিধানসভাশিংগী মরক্তা কেন্দ্র সাহিত্য একাদমি অমসুং কেরলা সাহিত্য একাদমিনা ইকাই খুম্নবা উত্তুনা মহাক্না মালেম অসিদা লেতরশিংগী ওইবা মালেমদা লৌরম্বা থৌদাংগীদম্তা জ্ঞানপিথ ত্রস্তনা ভারতীয় মার্তিদেবী মনা(২০১৬) পীখি হায়না উপ-রাস্ত্রপতিনা ফোংদোকখি। হৌখিবা চহিদা ঐহাক্না মহাক্কী মমিং চৎপা হিমালয় ওদিসী কৌবা “হৈমাবথাভুলী”গী ইংলিশতা হন্দোকপা লমকোয় ৱারী  ফোংখ্রে।  

অইবা, ওরেতর, পব্লিশর, এদমিনিস্ত্রেতর, পার্লিয়ামেন্তরিয়ন অমসুং মসি ময়ামশিংগী মথক্তা খ্বাইদগী অথোইবা মীওই অমা ওইখিবা শ্রী এম.পি. বীরেন্দ্র কুমারনা তোঙান-তোঙানবা লমদা লৌবিরমখিবা থৌদাং অসি অদুক্কী মতিক পাক চাওই। মহাক্কী থবক অমসুং মহাক্কী ৱাখল্লোন অসিনা তুংগী মীরোলশিংদা ইনোৎ কয়া হাপ্লগনি।

থাগৎচরি।

জয় হিন্দ!

*******