জুলাই ২০, ২০২০দা ই.পি.এফ.ও.না ফোংখিবা প্রোবিজনেল পেরোলগী দেতানা মে ২০২০দা ইন্দস্ত্রীগী কাংলুপ কয়া অমদা অনৌবা ইনরোলমেন্ত কয়া লাক্তুনা হীরম অসিদা মমাং পাংনা চৎপা হৌরকপগী ফিভম উবা ফংলে। মে ২০২০গী মনুংদা সবস্ক্রাইবর বেজ অসি অনৌবা নেৎ মেম্বর লাখ ৩.১৮ হেনগত্তুনা থা থাগী ওইনা শাহৌ লৌবগী চাং ২১৮% ওইখি। লোকদাউন লৈরবশু এপ্রিল ২০২০দা ই.পি.এফ.ও.গী সোসিএল সেক্যুরিতী স্কিমশিংদা অনৌবা সবস্ক্রাইবর চাউরাক্না লাখ ১ হেনগৎখি। থা অসিগী মনুংদা য়াওরকপা অনৌবা মেম্বরশিং অমসুং থবক ওইনা মতেং পাংবা হৌরক্লবশিংগী মরোল খুদিংমক ফোংলিবা দেতা অসিদা  য়াওরি।

সবস্ক্রাইবর বেজ হেনগৎপা অসি অনৌবা সবস্ক্রাইবরগী মশিং, থোকখ্রবা মেম্বরশিংগী লাৱর একজিৎ অমসুং হায়র রিজোইনিংদা য়ুম্ফম ওইদুনা লৌই। অনৌবা সবস্ক্রাইবর য়াওরকপা অসি এপ্রিলদা লাখ ১.৬৭ ওইবদগী মে ২০২০দা লাখ ২.৭৯ ওইদুনা চাউরাক্না ৬৬%গী চাংদা হেনগৎলে। মসিগী মথক্তা ই.পি.এফ.ও. সবস্ক্রাইবর বেজতগী থোকখিবা অসি এপ্রিলদা লাখ ২.৯৭ ওইবদগী মে ২০২০দা লাখ ২.৩৬ ওইদুনা চাউরাক্না ২০%গী চাংদা হন্থখি।

তোকখ্রবগী মতুংদা অমুক হন্না য়াওরকপা মেম্বরশিংগী মশিংনা ই.পি.এফ.ও.না কোনবা ইস্তাব্লিশমেন্তশিংগী মনুংদা সবস্ক্রাইবরশিংনা থবক হোঙদোক হোঙজিন তৌবগী ফিভম তাক্লি। মসিশু এপ্রিল ২০২০গা চাংদম্নবদা মে ২০২০দা সবস্ক্রাইবরশিংনা মপুং ওইনা তোকপগী মহুত্তা ফন্দশিং থাদোক থাজিন তৌদুনা মেম্বরশিপ ঙাক্তুনা থম্বগী মশিং হেনগত্তুনা চাউরাক্না ১৯% হেনগৎলে।

ইন্দস্ত্রীগী থাক খায়দোক্তুনা য়েংশিনবদা এপ্রিল থাগী মনুংদা কোবিক-১৯ লায়চৎনা মরম ওইদুনা বিলদিং অমসুং কন্সত্রক্সন সেক্তর, হোতেল, ত্রান্সপোর্ত, ইলেক্ত্রিকেল, মেকানিকেল নত্ত্রগা মীয়াম্না শিজিন্নবা ইঞ্জিন্যারিংগী পোত্থোকশিং, মহৈ-মশিং তম্বা অমসুং তেক্সতাইলগী ইন্দস্ত্রীশিংদা অকায়বা য়াম্না পীখি হায়বা তাকখি। হায়রিবা সেক্তর অয়াম্বশিংনা এপ্রিল থাদা ইনরোলমেন্ত য়াম্না হন্থনা রেজিস্তর তৌরকখি। অফবা সর্বিসেসশিংনা থাক খায়বা ইন্দস্ত্রীশিংদা কোবিদ-১৯গী ইরাংগী মমাংদা থা খুদিংগী মেম্বর লাখ  ৪ হাপখিবা অদুগা চাংদম্নবদা এপ্রিল থাগী মনুংদা চাউরাক্না মেম্বর ৮০০০০ খক্তং হাপখি। অফবা সর্বিসেসশিংগী মনুংদা মরু ওইনা য়াওরিবশিং অসি থবক শুনবা মীওই পীবগী এজেন্সীশিং, লন্নাইগী ঙাক-শেলগী এজেন্সীশিং অমসুং অপিকপা কন্ত্রেক্তরশিংনি।

সেক্তর ময়ামসিগী মনুংদা স্কুল অমসুং কোলেজশিংদা লোকদাউন মখা চত্থবদগী হৌজিক ফাওবদা শোকহল্লিবা মহৈ-মশিং তম্বগী সেক্তর নত্তনা অতৈদি মে ২০২০দা অফবা শাহৌ লৌবগী ফিভম উবা ফংই। অফবা সর্বিসেসশিংনা মে ২০২০গী মনুংদা অনৌবা নেৎ সবস্ক্রাইবর চাউরাক্না লাখ ১.৮ হাপ্তুনা থা থাগী ওইবা ১২৫%গী শাহৌ লৌবা ঙমখি।

ই.পি.এফ.ও.দা রেজিস্তর তৌরকপা অনৌবা ইস্তাব্লিশমেন্তকী ওইনশু এপ্রিল ২০২০দা ওইখিবা ৪৮৫৩গা চাংদম্নবদা মে থাদা অনৌবা ইস্তাব্লিশমেন্ত ৮৩৬৭ রেসজিস্তর তৌরক্তুনা ৭২%গী শাহৌ লৌবগী মওং উবা ঙমখি। মসিগা মান্ননা অহানবা ই.সি.আর. ফাইলিং তৌবা ইস্তাব্লিশমেন্তকী ওইনশু এপ্রিল ২০২০গা চাংদম্নবদা মে থাদা পেরোল দেতানা চাউরাক্না ৯৮% হেনগত্তুনা রেজিস্তর তৌরকই হায়বা তাক্লি।

ই.পি.এফ.ও.না ভারতকী ওর্গানাইজদ/ সেমি ওর্গানাইজদ সেক্তরগী থৌমীশিংগী সোসিএল সেক্যুরিতী ফন্দ শেন্নবগী থবক তৌই অমসুং মসিগী ওইনা হৌজিক হৌজিক্কী ওইনা কোতি ৬ হেনবা মেম্বরশিং লৈ। থবক তৌবা মীওইশিংগী ৱারোল হাপচিনবা অসি লেপ্তনা চত্থবা থৌওং ওইবা অমসুং মথংগী থাশিংদা হাপচিনবগী মওং ওইবনা পেরোল দেতা অসি হৌজিক হৌজিক ওইরিবা ফিভমগী মওংদা লৈবা (প্রোবিজনেল) ওই।

*****