কোইলা মন্ত্রালয়

কেন্দ্রগী গৃহ মন্ত্রীনা হয়েং বৃক্ষারোপন অভিয়ান হৌদোক্কনি

কোইলা মন্ত্রালয়গী মখাদা কোইলা/লিগ্নাইৎ পি.এস.য়ু.শিংদা পাক শন্না থাব-খোৎপগী থবক পায়খৎকদৌরি

Posted On: 22 JUL 2020 4:47PM by PIB Imphal

কেন্দ্রগী গৃহ মন্ত্রী শ্রী অমিৎ শাহনা কেন্দ্রগী কোইলা, মাইন অমসুং পার্লিয়মেন্তরী এফিয়র্স মন্ত্রী শ্রী প্রহলাদ জোশিগা লোইননা নই দিল্লীদা হয়েং বৃক্ষারোপন অভিয়ান হৌদোক্কনি। হৌদোকপগী থৌরম অদুদা, কেন্দ্রগী গৃহ মন্ত্রীনা ইকোপার্ক/তুরিজম সাইৎ ৬কী উরেপ-উয়ুং তমগনি। থৌরম অসি কোইলা/লিগ্নাইৎ লৈবা রাজ্য ১০গী জিল্লা ৩৮ য়ৌনা মফম ১৩০দা ভিদিও কনফরেন্সকী খুথাংদা পাঙথোক্কনি।

বৃক্ষা অভিয়ান অসি কোইলা/ইগ্নাইৎকী পি.এস.য়ু. খুদিংমক য়াওনা কোইলা মন্ত্রালয়না খোং, কোলোনী অমসুং ওফিসশিং অমসুং অতোপ্পা কোইলা/লিগ্নাইৎ পি.এস.য়ু.শিংগী চান্নবা মফমশিংদা পাক শন্না উ থাদুনা পাঙথোক্কনি অমসুং নক্নবা মফমশিংদা লৈরিবা মীয়ামদা উ থাবগী হৈনবী থম্নবগীদমক উ চারা কয়াসু য়েন্থোক্কনি।

ইকো-পার্ক/তুরিজম সাইৎশিং অসিনা পোথাফম, শান্নফম, ঈশিংগী মশান্না, উচেক য়েংবা অসিনচিংবশিং মফম অদুগা নক্ননা লৈরিবা মীয়ামগীদমক ফংহনগনি অমসুং হায়রিবশিং অসিনা তুরিজমগী ইথিল অমা শাগৎনবগীদমক্তসু ওন্থোক্কনি। মসিগী সাইৎশিং অসিনা মফম অদুগী মীয়ামদা মরোমদোম লেপচনবা অমসুং থবক ফংহন্নবগী খুদোংচাবা অমা পীনবা হোৎনগনি।

অশং-অমান্দা মাই ওনশিনবা হায়বসিনা কোইলাগী সেক্তরগী ওইবা পান্দম থম্লি, মসিদা তৌথোকখ্রবা খোংশিংগী অকোইবদা অমসুং অমোৎপনা পৈশিনখ্রবা মফমশিংদা মহৌশাগী অকোইবগী ফিবম অমুক হঞ্জিলহন্নবা অশং অমান ওন্থোকপা, উ ৱা থাবা অমসুং চান্নবা মফমশিংদা এভেন্যু ওইনবা উ থাবা য়াওরি। মন্ত্রালয় অসিগী অশং-অমান্দা মাই ওনশিনবগী খোংথাং অসি কোইলা/লিগ্নাইৎ পি.এস.য়ু.শিং অমসুং প্রাইবেৎ ওইনা খোং তাল্লিবশিংনা থৱাই য়াওনা শরুক য়াবগা লোইননা হৌদোক্কনি। হন্দক্কী চহী অসিদা, কোইলা/লিগ্নাইৎকী খোং অহুম হায়বদি কোইল ইন্দিয়া লিমিতেদ (সি.আই.এল.), এন.এল.সি. ইন্দিয়া লিমিতেদ (এন.এস.সি.আই.এল.) অমসুং সিঙ্গারেনি কোলিয়রীজ কম্পেনী লিমিতেদ (এস.সি.সি.এল.)না অচৌবা পান্দম অমগা লোইননা লম হেক্তর ১৭৮৯গী পাক চাউবা কোইলফিল্দশিংদা বাইওরক্লেমেসন/প্লান্তেসনগী (হেক্তর ১৬২৬), গ্রাস্লেন্দ শেম্বা (হেক্তর ৭০), হাই তেক কলতিবেসন (হেক্তর ৯০) অমসুং ৱা থাবা (হেক্তর ৩) শেমগৎনবা পান্দম থম্লি।

*****



(Release ID: 1640452) Visitor Counter : 29