এসিয়ন শামু মচাশিংনা মখোয়গী শাজৎ লীচৎ শেম্লকপগী মতাংদা নৈননবা নুংঙাইরবা সিস্তেম অমা পীরি‍। মখোয়সি তেক্নিকেল ওইনা প্রিকোরিএল হায়না খঙনবা নীংথিনা শেম শারবা সেন্সরী সিস্তেম অমগা লোয়ননা পোক্লকই অমদি পোকপা মতুং পূং খরগী মনুংদা লেং ওৎপা ঙম্মী‍। অদুম ওইনমক মখোয়না মচিঞ্জাক, মশা ঙাকথোকচনবা অমদি মতম শাংনা শারক তিনবগী মতাংদা মমাদা তাংদুনা লৈবনা মনীং তম্না হিংননবগী মথৌ তাবা স্কিল তম্ননবা অমদি নীংথিনা শীজিন্নবা ঙম্নবা তাঞ্জা অমদি মতম মরাঙ কায়না ফংই‍। শামু মচা অসি  পোকপা মতুং থুনা চৎপা ঙম্মী অদুবু পোৎশক অমা লৌখৎনবা নৎত্রগা নাপী ফোয়নবা মনাতোন শীজিন্নবদি ঙমদে‍।

অতোপ্পা প্রিকোরিএল স্পেসিসশিংদগী তোখায়না তাবা শামুগী তোপ তোপ্পা শাজৎ শাওং নৈননবদা ভারত লৈঙাক্কী দিপার্তমেন্ত ওফ সাইন্স এন্দ তেক্নোলোজীগী মখাদা লৈবা মনীং তমবা ইনস্তিত্যুৎ অমা ওইরিবা জৱাহরলাল নেহরু সেন্তর ফোর এদভান্স সাইন্তিফিক রিছর্চ (জে.এন.সি.এ.এস.আর.)গী থিজিল্লোয় কাঙবু খরনা মখোয়সি শামু মপীগুম্না মনাতোন শীজিন্নবা হৈরকপদা মতম চঙজরবসু মখোয়না য়াম্না ঙন্না মনাতোন অদু য়েৎনা-ওইনা হেন্না হৈনবগী মওং মতৌ উৎপা ঙম্মী‍। থিজিনখিবগী পাউদম অসি ইকুই কুইদনা ‘ইন্তরনেসনেল জর্নেল ওফ দেভেলপমেন্তেল বাইওলোজী’দা ফোঙখ্রে‍।

থিজিল্লোয় কাঙবু অদুনা মনাতোনগী লেং ওৎপগী কন্ত্রোল, মনাতোন শীজিন্নবদা - নাকনদা হায়দোক হায়জিন – নৎত্রগা নাকন নাম্মা হেন্না হৈনবগী মওং, অমদি অতৈ সোসিএল অমসুং নন-সোসিইএল শাজৎ শাওং নৈননবগীদমক্তা দিসেম্বর ২০১৫দগী দিসেম্বর ২০১৭ ফাওবা নাগরহোলেদা লৈবা কাবিনি ইলিফেন্ত প্রোজেক্ত অমসুং বন্দিপুর নেসনেল পার্কতা খেন্নবা ফুরুপ ১১গী (অমোমগী সোসিএল গ্রুপ) তোঙান তোঙানবা মচা ৩০ শেন্নদুনা লাকখি‍। শামু মচাশিংদুনা মপীগুম্না মনাতোন শীজিন্নদুনা নাপী ফোইবা হৈরকপদা থা ৬লোম চঙজরবসু – থা ৩ শুদ্রিবা মচাশিংসু – মনাতোন শীজিন্নবদা নাম্মনা হেন্না হৈশিংবা উৎলি হায়বা মখোয়না ফংখি‍। অসিগুম্বা নাম্মনা হেন্না হৈশিংবগী থৌওং অসি এসিয়ন শামুশিংদা মশাগী য়াওজরক্লে হায়বা তাক্লি‍। মসিনা মীওইবদসু অঙাং পীক্লিঙৈদগী হৌনা য়েৎনা শিংবা ওইনা শিংবা উৎপগুম্না মান্নরমগদ্রা হায়বসু উৎলি‍।

মীওইবদা, ঙন্না য়েৎ নৎত্রগা ওইনা হেন্না হৈশিংবা উৎবা অমদি হৈনবী অদু মান্ননা উত্তুনা লৈরবদি লোন নীংথিনা ঙাঙবা হৈশিংবগা মরী লৈনৈ হায়বা ৱাফম লৈখ্রে‍। থিজিল্লোয়শিং অদুনা শামু মচাশিংদুনা মনাতোন নাকন নাম্মনা হেন্না হৈশিংবা য়াম্না ঙন্না উৎলিবা অসিগী অতোপ্পা কান্নবা করি করি লৈবগে হায়বদু থিজিন্নবা থৌরাং তৌরি‍।

জে.এন.সি.এ.এস.আর. কাঙবু অদুনা শামু মচাশিংগী তোপ তোপ্পা শাজৎ শাওং ৮১শু খঙদোক্লে অমদি মখোয়শিংদু ফোঙদোকপদা হেন্না হৈশিংবগী থাক্কী মতুং ইন্না খায়দোক্লি‍। মচাশিংদুনা অসুম অসুম চাউখৎলকপগা ইরোয়ননা মখোয়না মতম শাংদনা পোত্থাবা অমদি চাবদনা হেন্না মতম শাংনা শীজিন্নবা উখি‍। মচাশিংদুনা পোত্থাবদা তৌবা মওং মতৌ, চাউ খৎলকপগী শাজৎ অমসুং ময়াম পুনবগী, কোয়চৎ চৎপগী মওং মতৌ মপীগুম্না হৈশিংনা তৌই অদুগা অমরোমদা মচিঞ্জাক চাবা, তপ্না তপ্না চাউখৎলকপগুমবা মনাতোন শীজিন্নবগা মরী লৈনবা শাজৎশিং মনাতোন লেং ওৎপগী কন্ত্রোল নীংথিনা লৈরক্লবা মতমদা (থা ৬-৯ ফাওবা)দা নীংথিনা পাঙথোকই‍। থিজিল্লোয়শিং অদুনা অহানবা ওইনা লমলক্তা লৈবা এসিয়ন শামু মচাশিংগী শাজৎ লীচৎকী চাউখৎলকপগী থৌওং অমদি মওং মতৌ (ওন্তোজিনী) শুগায়না তাক্লি‍।

কাঙবু অদুনা মখোয়গী শাজৎ লীচত্তা মপি-মচা মান্ননা তৌবা থৌওংশিংসু য়েংশিনখি‍। মপীশিংদুনা মখোয়না তুমদনা লৈবা মতম অয়ামবদা মচাদা পীজবা নত্তব মখোয়গী মচিঞ্জাক চাবদা লেনবা মরম্না ঙল্লিঙৈগী থা খরদি মপি-মচা মান্ননা তৌবগী থৌওং নেম্মী; অদুম ওইনমক মচাশিংনা মনাতোন লেং ওৎপগী কন্ত্রোল ঙম্লকপা অমদি পোত্থাদুনা লৈবগী মতম হন্থরকপগা লোয়ননা মপী-মচা মান্ননা তৌবগী থৌওং চাং নাইনা হেনগৎলকখি‍। মান্নবা থৌওং উৎপা অসি অমগা অমগা নকশিন্ননা লৈনবা অমদি মখোয় ময়াম পুন্না লৈবদা মরি ওইবা শাজৎ অমনি‍। মসিগা লোয়ননা মচানা মশা ঙাকথোচনবা মথৌ তারিবা অসিনা মপী অমসুং মচাশিংগী মরক্তা মান্নবা থৌওংশিং তৌননবগী তাঞ্জাসু পীরি‍। চাউখৎলক্লিবা মচা অমগী হকচাঙগী মথৌ তাবশিং অসি মপীগা য়াম্না খেন্নবা মরম্না মখোয়গী শাজৎ লীচৎশিং অসি অয়ামবনা মান্নদে; মসি ওইদুনসু মখোয়না অয়ামবা মতমদা অমগা অমগা নক্ননা লৈমিন্নৈ হায়না থিজিনখিবা অদুনা তাক্লি‍।

[পব্লিকেসনগী অকুপ্পা ৱারোল:

http://www.ijdb.ehu.es/web/paper/190274tv/development-of-motor-control-and-behaviour-in-asian-elephants-in-the-kabini-elephant-population-southern-india

অহেনবা অকুপ্পা ৱারলোগীদমক Prof. T. N. C. Vidya (94498 28069, tncvidya@jncasr.ac.in ) গা পাউ ফাওনবা য়াগনি‍।]

*****