লেফতনেন্ত জেনেরেল মনোজ পান্দে, এ.ভি.এস.এম., ভি.এস.এম.; কম্মান্দর-ইন-চীফ, অন্দমান অমসুং নিকোবার কম্মান্দ (সি.আই.এন.সি.এ.এন.)না ইস্তর্ন নেভেল কম্মান্দ (ই.এন.সি.)দা নুমিৎ হুম্নিগী অহানবা খোংচৎ ওইনা জুলাই ২০, ২০২০দা ভিশাখাপত্নমদা য়ৌরকখ্রে। দিফেন্স ৱাইভস ৱেলফিয়ার এসোসিএসন (দি.দবল্যু.দবল্যু.এ.)গীপ্রেসিদেন্ত শ্রীমতি অর্চনা পান্দেনা জেনেরেলগা লোয়নরকখি।

লেফতনেন্ত জেনেরেল মনোজ পান্দেনা ভাইস এদ্মিরেল অতুল কুমার জেন, পি.ভি.এস.এম., এ..ভি.এস.এম., ভি.এস.এম.;  ই.এন.সি.গী ফ্লেগ  ওফিসার কম্মান্দিং-ইন-চীফকা জুলাই ২২, ২০২০দা উন্নদুনা ওপরেসনগা মরী লৈনবা ৱারী শাগনি। ইস্তর্ন সীবোর্দতা ইন্দিয়ন নেভীগী ওইবা কম্মান্দ অসিগী থৌদাং অমসুং অতোপ্পা ওপরেসনগী থবকশিংগী মরমদা মঙোন্দা কোন্না খংহনখি।

লেফতেনেন্ত জেনেরেল মনোজ পান্দেনা অন্দমান অমসুং নিকোবার কম্মান্দগী ১৫শুবা কম্মান্দর-ইন-চীফ ওইনা জুন ১, ২০২০দগী থৌ পুবা হৌখি। জেনেরেল ওফিসার অসি দিসেম্বর ১৯৮২দা কোর্পস ওফ ইঞ্জিন্যারদা থবক চংখি অমসুং মহাক অসি য়ুনাইতেদ কিংদমগী স্তাফ কোলেজগী গ্রেজুএৎ অমনি অমসুং এম.ঐচ.ও.দবল্যু.গী আর্মী ৱার কোলেজগী হাইয়র কম্মান্দ কোর্স অমসুং নই-দিল্লীগী নেস্নেল দিফেন্স কোলেজগী নেস্নেল সেক্যুরিতী স্তদিজ কোর্সশু য়াওখি। মহাক্কী চহী ৩৭কী লেমজনিংঙাই ওইনা থবক তৌরকপা অসিদা জেনেরেল ওফিসার অসিনা ওপরেসন বিজয় অমসুং পারাক্রমদা থৱাই  য়াওনা শরুক য়াখি। জম্মু অমসুং কশ্মিরগী লাইন ওফ কন্ত্রোলদা লৈবা ইঞ্জিন্যার রেজিমেন্ত, স্ত্রাইক কোর্পকী শরুক ওইবা ইঞ্জিন্যারস ব্রিগেদ, লাইন ওফ কন্ত্রোলদা লৈবা ইনফেন্ত্রী ব্রিগেদ, নোংচুপ লদাখতা লৈবা অৱাংবা মফমগী মাউন্তেন দিবিজন অমসুং লাইন ওফ একচুএল কন্ত্রোল (এল.এ.সি.)দা লৈহনবা কোর্প কয়া অসিদা মহাক্না কম্মান্দ পীরকখি অমসুং অৱাং-নোংপোক মফমশিংদা পাংথোকপা কাউন্তর ইন্সর্জেন্সী ওপরেসন কয়াদশু মহাক্না য়াথং পীরকখি।

মহাক্কী খোংচৎ অসিনা হৌজিক ওইরিবা জিও-পোলিতিকেলগী ফিভম অসিদা ইস্তর্ন নেভেল কম্মান্দ অমসুং অন্দমান অমসুং নিকোবার কম্মান্দনা য়াম্না নক্ননা খুৎশম্নদুনা চৎমিন্নবগী মরু ওইবা অদু তাক্লি।

****