ইন্দস্ত্রীগী মকোক থোংবশিংনা ভারত সরকারগী প্রিন্সিপাল সাইন্তিফিক এদবাইজর অমসুং প্রোফঃ কে. রাঘবন অমসুং দি.এস.তি.সেক্রেতরী প্রোফঃ অশুতোশ শর্মগা লোয়ননা অনৌবা সাইন্স, তেক্নোলোজী অমসুং ইন্নোবেসন পোলিসী এস.তি.আই.পি. ২০২০ শেম্বগী অৱাংবা থাক্কী রাউন্দ তেবলগী খন্নবদা শরুক য়াখি অমসুং পোলিসী অসি মপাঙ্গল কনবা অমা ওইহন্দুনা ইন্দস্ত্রীশিংনা আর. এন্দ দি.গী হীরমদা শরুক য়ারকপা হেলহন্নবগী মতাংদা খন্নখি।

মীফম অদুবু মকোক থোংলদুনা প্রোফঃ কে. রাঘবন্না আর. এন্দ দি.দা শেল থাদরকপা হেনগৎহন্নবা থৌরাংশিংগী মরমদা খন্নদুনা অসিগুম্বা শেল থাদরকপা অসিনা ইন্দস্ত্রীদা কান্নবা পীবতা নত্তনা রিস্ক হন্থহনবগী মতাংদা খন্নখি। অশুতোশ শর্মনা ইন্দস্ত্রীগী মীওইশিংদা ৱা ঙাংবদা আর. এন্দ দি.দা শেল থাদবগী মরু ওইবশিংগী মরমদা পল্লদুনা ইন্দস্ত্রীশিংনা  আর. এন্দ দি.দা শেল শেল থাদবতা নত্তনা মসিদগী কান্নবশু লৌগদবনি হায়খি। মহাক্না ইন্দস্ত্রীগী মকোকশিংনা ইন্দস্ত্রীনা একাদেমিয়াগা নকশিলহন্নবা অৱাৎপা  ইলিমেন্তশিং মশক খংদোক্তুনা পোলিসী অসিনা অহাংবশি শম্নহনবা ঙমহনসি হায়না হায়খি।

সি.আই.আই.গী দাইরেক্তর জেনেরেল শ্রী চন্দ্রজিৎ বেনর্জীনা মহাক্কী মীয়াম ওকপগী ৱা ঙাংবদা ঐখোয়না পান্দম থমগদবদি ইন্দস্ত্রীশিংনা মান্নবা মওংদা শরুক য়াদুনা ভারতকী জি.দি.পি. হেনগৎহনবা অসিনি অমসুং ঐখোয়না পোলিসী শেম্বা মতমদা অচৌবা অহোঙবা অমা পুরকপগী তঙাই ফদবা লৈ হায়নশু হায়খি। “ঐখোয়গী লৈবাক অসিনা পাম্লিবা অসি তপ্না অহোঙবা পুরকপনদি ফংবা ঙম্লোই” হায়না মহাক্না মখা তানা হায়খি।

মসিগী অসিনা অচৌবা সোসিও-ইকোনোমিক ৱেলফিয়ার অমগীদমক্তা দিসেন্ত্রেলাইজদ ওইবা, বোত্তম-অপ, দিজাইন প্রোসেস য়াওহনবা, তৌগদবশিংবু নৌনা থৌরাং য়াৎপগী পান্দম থম্বা, সেক্তরশিংদা মিৎয়েং চংবা অমসুং অমসুং রিসর্চ তৌবগী থৌওং অমসুং তেক্নোলোজী চাউখৎহনবগী পান্দম থম্বা সাইন্স, তেক্নোলোজী অমসুং ইন্নোবেসন পোলি অমা শেম্বগী খ্বাইদগী  ইহানবা হানবা ইন্দস্ত্রীগী মীওইশিংগা ৱা তান্নবগী মীফম্নি। মসিগী রাউন্দ তেবলগী মীফম অসি এস.তি.আই.পি. ২০২০ সেক্রেতরিএৎনা কনফেদেরেসন ওফ ইন্দিয়ন ইন্দস্ত্রী (সি.আই.আই.) অমসুং সাইন্স পোলিসী ফোরমগা খুৎশম্নদুনা বর্চুএল প্লেৎফোর্মদা পাংথোকখিবনি।

ৱা তান্নখিবা অদুনা  লৌশিংদা য়ুম্ফম ওইবা শেন্মিৎলোন অমা ওইনবা লম্বী য়াৎপা হৌজিক লাক্কদৌরিবা এস.তি.আই.পি. ২০২০গী হীরমদা ইন্দস্ত্রীগী মীওইশিংদগী পাউতাক কয়াশু পীরক্নবা হায়খি। রাউন্দতেবল মীফম অসিগী অহানবা নুমিত্তা ইন্দস্ত্রীগী মরু ওইবা মীওই ১৫না শরুক য়াখি অমসুং অনৌবা এস.তি.আই.পি. ২০২০ অসিগী মতাংদা মখোয়গী ৱাফমশিং ফোংদোকখি অমসুং খুন্নাইগী খুদোংচাদবশিং অসিগী ৱারোইশিন পুরকপা য়ানবা তুং কোয়না চৎকদবা আর. এন্দ দি.গী অকোয়বা অমা মতৌ করম্না শেমগদগে হায়নশু খন্নখি। দাঃ নাউশাদ ফোর্বস, কো-চেয়রমেন, ফোর্বস মার্শেল প্রাইবেৎ লিমিতেদ; শ্রী এস. গোপালাকৃষ্ণন, কো-ফাউন্দর ইনফোসীস লিমিতেদ অমসুং চেয়রমেন এক্সিল্লোর বেঞ্চর্স; শ্রী সি.পি. গুর্নানি, চীফ একজেক্যুতিব ওফিসার অমসুং মেনেজিং দাইরেক্তর তেক মহিন্দ্র লিমিতেদ; শ্রী আর. মুকুন্দন, মেনেজিং দাইরেক্তর টাটা কেমিকেলস লিমিতেদ; দাঃ রমেশ দতলা, চেয়রমেন অমসুং মেনেজিং দাইরেক্তর ইলিকো লিমিতেদ; দাঃ রাজেশ জেন, মেনেজিং দাইরেক্তর পেনাসিয়া বাইওতেক লিমিতেদ; মিস অনু অচার্য়া, সি.ই.ও. মেপমাইজিনোম; দাঃ রজিব আই. মোদী, চেয়রমেন অমসুং মেনেজিং দাইরেক্তর, কেদিলা ফার্মাস্যুতিকেলস লিমিতেদ; শ্রী সুমন্ত সিনহা, চেয়রমেন অমসুং মেনেজিং দাইরেক্তর, রিন্যু পাৱর লিমিতেদ; দাঃ গোপিচান্দ কত্রাগদ্দা, ফাউন্দর এন্দ সি.ই.ও. মাইলিনি ফাউন্দ্রি; দাঃ দেবাশিশ ভত্তচার্য়, ভাইস প্রসিদেন্ত, তেক্নোলোজী এন্দ ন্যু মেতরিএলস ব্যুজিনেস, টাটা স্তীল লিমিতেদ; দাঃ স্রেশ জধব, একজেক্যুতিব দাইরেক্তর সেরম ইন্সতিত্যুৎ ওফ ইন্দিয়ন প্রাইব্বেৎ লিমিতেদ অমসুং দাঃ বেঙ্কতা রমানা, চীফ সাইন্তিফিক ওফিসার, রিলাএন্স লাইফ সাইন্সকুম্বা ইন্দস্ত্রীগী মকোকশিংনা মখোয়গী ৱাখল অমসুং মখোয়না এস.তি.আই.পি. ২০২০দা থম্বা থাজবশিংগী মতাংদা ৱাফম কয়া ফোংদোক্নখি।

ইন্দস্ত্রীগী কেপ্তেনশিংনা ইন্দস্ত্রী অমসুং একাদেমিয়াগী মরক্তা হেন্না নক্নবা মরী লৈনবগী হীরম অমসুং জি.দি.পি.গী চাদা ওইবা শরুক অমা ওইনা আর. এন্দ দি.দা শেল থাদবা হেনগৎপগী তঙাই ফদবশিংগী মরমদা মিৎয়েং চংখি। এস.তি.আই.পি. ২০২০ সেক্রেতরিএৎকী মকোক অমসুং দি.এস.তি.গী এদবাইজর ওইরিবা দাঃ অখিলেশ গুপ্তনা এস.তি.আই.পি. ২০২০ সেক্রেতরিএৎনা হৌদোকপা ত্রেক ১দ্গী ৪ ফাওবা য়াওবা এস.তি.আই.পি. ২০২০ শেম্বগী থৌওংশিংগী চাউরাকপা ৱাফম অমা থমখি। ইন্দস্ত্রীশিং অসিদগী সরকারনা থম্বা মরু ওইবা  থাজবশিংশু ফোংদোকখি।

এস.তি.আই.পি. ২০২০ সেক্রেতরিএৎ অসি প্রিন্সিপাল সাইন্তিফিক এদবাইজরগী লোয়শঙ (পি.এস.এ.) অমসুং দিপার্তমেন্ত ওফ সাইন্স এন্দ তেক্নোলোজীনা খুৎশম্নদুনা এস.তি.আই.পি. ২০২০গী অপুনবা পোলিসী শেম্বগী থবকশিংবু পান্ননবা অমসুং পাংথোক্নবা লিংখৎপনি।

সাইন্স, তেক্নোলোজী অমসুং ইন্নোবেসন পোলিসী (এস.তি.আই.পি. ২০২০) অসি ভারত অমসুং মালেমসিনা কোবিদকী ইরাংগী মতমসিদা নৌনা শেমদোরকপা অসিদা পি.এস.এ. অমসুং দি.এস.তি.না পুন্না হৌদোকখিবনি। অনৌবা পোলিসী অসি চহীসিগী লোয়শিল্লকপদা ইং ২০১৩দা শেমখিবা হৌজিক চৎনরিবা পোলিসী অসিগী মহুৎ শিনবা ওইনা থাদোক্কনি।

এস.তি.আই.পি. ২০২০ শেম্বগী থৌওং অসি চেৎনা মরী লৈনবা ত্রেক ৪ থোক্না শিন্দোকই অমসুং পোলিসী অসি শেম্নবগীদমক স্তকহোলদর চাউরাকপা ১৫০০০ রোমগা তাথোক তাশিন তৌগনি। ত্রেক ১দা সাইন্স পোলিসী ফোরমগী খুত্থাংদা মীয়াম অমসুং অখং অহৈশিংগা পাক শন্না তান্নবগী থৌওং য়াওই। সাইন্স পোলিসী ফোরম অসি মীয়াম অমসুং অখং অহৈশিংদগী পোলিসী দ্রাফতিং তৌরিঙৈ অমসুং লোইরবা তুংদা ইনপুৎ খোম্বগী মরু ওইবা প্লেৎফোর্ম অমনি। ত্রেক ২দা পোলিসী দ্রাফতিং তৌবগী থৌওংসিদা ইবিদেন্স-ইনফোর্মদ রিকম্মেন্দেসন হাপ্নবা অখং অহৈশিংগা হীরম খায়দোক্তুনা খন্নবা য়াওই। মসিগী ওইনা হীরম খুদিংগী ওইবা কাংলুপ ২১ শেমখ্রে। ত্রেক ৩দা মন্ত্রী অমসুং রাজ্যশিংগা খন্ন-নৈনবা য়াওরি অমসুং ত্রেক ৪দা মকোক থংবা থাক্তা লৈবা স্তেকহোলদরশিংগা খন্ন-নৈনবা য়াওরি।

******