ਖੇਤੀਬਾੜੀ ਮੰਤਰਾਲਾ
ਟਿੱਡੀ ਕੰਟਰੋਲ ਅਪਰੇਸ਼ਨ ਨਿਰੰਤਰ ਜਾਰੀ ; 11 ਅਪ੍ਰੈਲ ਤੋਂ 19 ਜੁਲਾਈ 2020 ਤੱਕ ਰਾਜਸਥਾਨ, ਮੱਧ ਪ੍ਰਦੇਸ਼, ਪੰਜਾਬ, ਗੁਜਰਾਤ, ਉੱਤਰ ਪ੍ਰਦੇਸ਼, ਮਹਾਰਾਸ਼ਟਰ, ਛੱਤੀਸਗੜ੍ਹ, ਹਰਿਆਣਾ, ਉੱਤਰਾਖੰਡ ਅਤੇ ਬਿਹਾਰ ਦੇ 3.70 ਲੱਖ ਹੈਅਕਟੇਅਰ ਤੋਂ ਵੀ ਅਧਿਕ ਖੇਤਰ ਵਿੱਚ ਟਿੱਡੀ ਕੰਟਰੋਲ ਕੀਤਾ ਗਿਆ ਹੈ
ਟਿੱਡੀ ਕੰਟਰੋਲ ਅਪਰੇਸ਼ਨ 19-20 ਜੁਲਾਈ, 2020 ਦੀ ਅੱਧੀ ਰਾਤ ਤੋਂ ਰਾਜਸਥਾਨ ਦੇ 8 ਜ਼ਿਲ੍ਹਿਆਂ ਵਿੱਚ 31 ਸਥਾਨਾਂ ‘ਤੇ ਅਤੇ ਉੱਤਰ ਪ੍ਰਦੇਸ਼ ਦੇ ਰਾਮਪੁਰ ਜ਼ਿਲ੍ਹੇ ਵਿੱਚ 1 ਸਥਾਨ ‘ਤੇ ਚਲਾਇਆ ਗਿਆ
Posted On:
20 JUL 2020 4:48PM by PIB Chandigarh
ਟਿੱਡੀ ਕੰਟਰੋਲ ਅਪਰੇਸ਼ਨ ਦੀ ਸ਼ੁਰੂਆਤ ਭਾਰਤ ਦੇ ਰਾਜਸਥਾਨ ਤੋਂ 11 ਅਪ੍ਰੈਲ, 2020 ਤੋਂ ਹੋਈ। ਭਾਰਤ ਸਰਕਾਰ ਦੇ ਟਿੱਡੀ ਚਿਤਾਵਨੀ ਸੰਗਠਨ ਦੇ ਕਈ ਟਿੱਡੀ ਸਰਕਲ ਦਫ਼ਤਰਾਂ (ਐੱਲਸੀਓ) ਦੁਆਰਾ 19 ਜੁਲਾਈ 2020 ਤੱਕ ਰਾਜਸਥਾਨ, ਮੱਧ ਪ੍ਰਦੇਸ਼, ਪੰਜਾਬ, ਗੁਜਰਾਤ, ਉੱਤਰ ਪ੍ਰਦੇਸ਼, ਉੱਤਰਾਖੰਡ ਅਤੇ ਹਰਿਆਣਾ ਵਿੱਚ 186,787 ਹੈਅਕਟੇਅਰ ਖੇਤਰ ਵਿੱਚ ਟਿੱਡੀ ਕੰਟਰੋਲ ਕੀਤਾ ਗਿਆ ਹੈ। ਰਾਜ ਸਰਕਾਰਾਂ ਦੁਆਰਾ ਵੀ ਟਿੱਡੀ ਕੰਟਰੋਲ ਅਪਰੇਸ਼ਨ 11 ਅਪ੍ਰੈਲ 2020 ਤੋਂ ਸ਼ੁਰੂ ਕੀਤਾ ਗਿਆ ਅਤੇ ਰਾਜਸਥਾਨ, ਮੱਧ ਪ੍ਰਦੇਸ਼, ਪੰਜਾਬ, ਗੁਜਰਾਤ, ਉੱਤਰ ਪ੍ਰਦੇਸ਼, ਮਹਾਰਾਸ਼ਟਰ, ਛੱਤੀਸਗੜ੍ਹ, ਹਰਿਆਣਾ, ਉੱਤਰਾਖੰਡ ਅਤੇ ਬਿਹਾਰ ਦੀਆਂ ਰਾਜ ਸਰਕਾਰਾਂ ਨੇ 19 ਜੁਲਾਈ 2020 ਤੱਕ 183,664 ਹੈਅਕਟੇਅਰ ਖੇਤਰ ਵਿੱਚ ਟਿੱਡੀ ਕੰਟਰੋਲ ਅਪਰੇਸ਼ਨ ਕੀਤਾ ਹੈ।
19-20 ਜੁਲਾਈ 2020 ਦੀ ਅੱਧੀ ਰਾਤ ਤੋਂ ਟਿੱਡੀ ਚੇਤਾਵਨੀ ਸੰਗਠਨ ਦੇ ਕਈ ਟਿੱਡੀ ਸਰਕਲ ਦਫ਼ਤਰਾਂ ਨੇ ਰਾਜਸਥਾਨ ਦੇ ਜੈਸਲਮੇਰ, ਬਾੜਮੇਰ, ਜੋਧਪੁਰ, ਬੀਕਾਨੇਰ, ਚੁਰੂ, ਅਜਮੇਰ, ਸੀਕਰ ਅਤੇ ਪਾਲੀ ਵਿੱਚ 31 ਸਥਾਸਨਾਂ ‘ਤੇ ਟਿੱਡੀ ਕੰਟਰੋਲ ਅਪਰੇਸ਼ਨ ਚਲਾਇਆ। ਇਸ ਦੇ ਇਲਾਵਾ, 19 - 20 ਜੁਲਾਈ 2020 ਦੀ ਅੱਧੀ ਰਾਤ ਤੋਂ ਉੱਤਰ ਪ੍ਰਦੇਸ਼ ਦੇ ਖੇਤੀਬਾੜੀ ਵਿਭਾਗ ਨੇ ਰਾਮਪੁਰ ਜ਼ਿਲ੍ਹੇ ਵਿੱਚ ਇੱਕ ਸਥਾਤਨ ‘ਤੇ ਟਿੱਡੀ ਕੰਟਰੋਲ ਅਪਰੇਸ਼ਨ ਚਲਾਇਆ।
ਵਰਤਮਾਨ ਵਿੱਚ ਕੇਂਦਰ ਸਰਕਾਰ ਦੇ 200 ਤੋਂ ਅਧਿਕ ਕਰਮਚਾਰੀ 79 ਕੰਟਰੋਲ ਟੀਮਾਂ ਬਣਾ ਕੇ ਛਿੜਕਾਅ ਉਪਕਰਣਾਂ ਨਾਲ ਰਾਜਸਥਾਨ, ਗੁਜਰਾਤ, ਮੱਧ ਪ੍ਰਦੇਸ਼ ਅਤੇ ਉੱਤਰ ਪ੍ਰਦੇਸ਼ ਵਿੱਚ ਟਿੱਡੀ ਕੰਟਰੋਲ ਕਰ ਰਹੇ ਹਨ। ਇਸ ਦੇ ਇਲਾਵਾ 15 ਨਵੇਂ ਛਿੜਕਾਅ ਉਪਕਰਣ ਵੀ ਪ੍ਰਾਪਤ ਹੋ ਚੁੱਕੇ ਹਨ। 5 ਕੰਪਨੀਆਂ ਲਈ 15 ਡ੍ਰੋਨ ਬਾੜਮੇਰ, ਜੈਸਲਮੇਰ, ਫਲੌਦੀ, ਬੀਕਾਨੇਰ ਅਤੇ ਨਾਗੌਰ ਵਿੱਚ ਕਾਰਜਸ਼ੀਲ ਹਨ। ਰਾਜਸਥਾਨ ਵਿੱਚ ਅਨੁਸੂਚਿਤ ਰੇਗਿਸਤਾਨ ਖੇਤਰ ਵਿੱਚ ਟਿੱਡੀ ਕੰਟਰੋਲ ਲਈ ਇੱਕ ਬੈੱਲ 206 - ਬੀ3 ਹੈਲੀਕੌਪਟਰ ਨੂੰ ਹਵਾਈ ਛਿੜਕਾਅ ਲਈ ਤੈਨਾਤ ਕੀਤਾ ਗਿਆ ਹੈ। ਟਿੱਡੀ ਕੰਟਰੋਲ ਵਿੱਚ ਹਵਾਈ ਛਿੜਕਾਅ ਲਈ ਭਾਰਤੀ ਵਾਯੂ ਸੈਨਾ ਨੇ ਵੀ Mi - 17 ਹੈਲੀਕੌਪਟਰ ਦੀ ਵਰਤੋਂ ਕਰਕੇ ਟਰਾਇਲ ਕੀਤਾ ਹੈ ਅਤੇ ਇਸ ਦੇ ਨਤੀਜੇ ਉਤਸ਼ਾਹਜਨਕ ਰਹੇ ਹਨ।
ਗੁਜਰਾਤ, ਉੱਤਰ ਪ੍ਰਦੇਸ਼, ਮੱਧ ਪ੍ਰਦੇਸ਼, ਮਹਾਰਾਸ਼ਟਰ, ਛੱਤੀਸਗੜ੍ਹ, ਬਿਹਾਰ ਅਤੇ ਹਰਿਆਣਾ ਰਾਜਾਂ ਵਿੱਚ ਕੋਈ ਮਹੱਤਵਪੂਰਨ ਫਸਲ ਨੁਕਸਾਨ ਨਹੀਂ ਹੋਇਆ ਹੈ। ਹਾਲਾਂਕਿ, ਰਾਜਸਥਾਨ ਦੇ ਕੁਝ ਜ਼ਿਲ੍ਹਿਆਂ ਵਿੱਚ ਮਾਮੂਲੀ ਫਸਲ ਦਾ ਨੁਕਸਾਨ ਹੋਇਆ ਹੈ।
ਅੱਜ ਰਾਜਸਥਾਨ ਦੇ ਜੈਸਲਮੇਰ, ਬਾੜਮੇਰ, ਜੋਧਪੁਰ, ਬੀਕਾਨੇਰ, ਚੁਰੂ, ਅਜਮੇਰ, ਸੀਕਰ, ਅਤੇ ਪਾਲੀ ਜ਼ਿਲ੍ਹਿਆਂ ਅਤੇ ਉੱਤਰ ਪ੍ਰਦੇਸ਼ ਦੇ ਰਾਮਪੁਰ ਜ਼ਿਲ੍ਹੇ ਵਿੱਚ ਅਪਰਿਪੱਕ ਗੁਲਾਬੀ ਟਿੱਡੀਆਂ ਅਤੇ ਬਾਲਗ ਪੀਲ਼ੀਆਂ ਟਿੱਡੀਆਂ ਦੇ ਦਲ ਸਰਗਰਮ ਹਨ।
1 . ਰਾਜਸਥਾਨ ਬੀਕਾਨੇਰ ਵਿੱਚ ਪਿੰਡ ਮੁਕਾਮ, ਤਹਿਸੀਲ ਨੋਖਾ ਵਿੱਚ ਇੱਕ ਸਵਦੇਸ਼ ਬਣੀ ਸਪਰੇਅਰ ਦਾ ਟਰਾਇਲ (ਟਰਾਇਲ ਰਨ)।
2 . ਜੋਧਪੁਰ, ਰਾਜਸਥਾਨ ਵਿੱਚ ਪਿੰਡ ਨੇਵਾ, ਤਹਿਸੀਲ ਬਾਪ ਵਿੱਚ 5ਵੇਂ ਇੰਸਟਾਰ ਹੌਪਰ ਦਾ ਇੱਕ ਸਮੂਹ।
3 . ਰਾਜਸਥਾਨ ਦੇ ਪਾਲੀ ਵਿੱਚ ਪਿੰਡ ਰਾਜੋਲਾ, ਤਹਿਸੀਲ ਸੋਜਤ ਵਿੱਚ ਐੱਲਡਬਲਿਊਓ ਦਾ ਟਿੱਡੀ ਕੰਟਰੋਲ ਅਪਰੇਸ਼ਨ।
4 . ਉੱਤਰ ਪ੍ਰਦੇਸ਼ ਦੇ ਰਾਮਪੁਰ ਵਿੱਚ ਜਵਾਲਾਪੁਰ, ਬਿਲਾਸਪੁਰ ਵਿੱਚ ਇੱਕ ਡ੍ਰੋਨ ਅਪਰੇਸ਼ਨ।
5 . ਰਾਜਸਥਾਨ ਪਾਲੀ ਦੇ ਪਿੰਡ ਮੋਰੀਯਾ, ਤਹਿਸੀਲ ਰੋਹਟਨ ਵਿੱਚ ਮਰੀਆਂ ਪਈਆਂ ਟਿੱਡੀਆਂ।
6 . ਚੁਰੂ ਰਾਜਸਥਾਨ ਦੇ ਪਿੰਡ ਆਬਸਾਰ, ਤਹਿਸੀਲ ਸੁਜਾਨਗੜ੍ਹ ਵਿੱਚ ਐੱਲਡਬਲਿਊਓ ਦਾ ਟਿੱਡੀ ਕੰਟਰੋਲ ਅਪਰੇਸ਼ਨ।
ਖੁਰਾਕ ਅਤੇ ਖੇਤੀਬਾੜੀ ਸੰਗਠਨ (ਐੱਫਏਓ) ਦੇ 13.07.2020 ਦੇ ਟਿੱਡੀ ਸਟੇਟਸ ਅੱਪਡੇਟ ਅਨੁਸਾਰ, ਆਉਣ ਵਾਲੇ ਹਫਤਿਆਂ ਵਿੱਚ ਉੱਤਰੀ ਸੋਮਾਲੀਆ ਵਿੱਚ ਹੋਰ ਅਧਿਕ ਟਿੱਡੀਆਂ ਦੇ ਝੁੰਡ ਪੈਦਾ ਹੋਣ ਦੀ ਸੰਭਾਵਨਾ ਹੈ ਅਤੇ ਭਾਰਤ-ਪਾਕਿਸਤਾਨ ਦੀ ਸਰਹੱਦ ਦੇ ਦੋਹਾਂ ਪਾਸੇ ਉੱਤਰ-ਪੂਰਬ ਸੋਮਾਲੀਆ ਤੋਂ ਹਿੰਦ ਮਹਾਸਾਗਰ ਦੇ ਰਸਤੇ ਟਿੱਡੀਆਂ ਦੇ ਝੁੰਡਾਂ ਦਾ ਆਉਣਾ ਲਗਭਗ ਤੈਅ ਹੈ।
ਭਾਰਤ ਸਰਕਾਰ ਦੇ ਟਿੱਡੀ ਚਿਤਾਵਨੀ ਸੰਗਠਨ (ਐੱਲਡਬਲਿਊਓ) ਅਤੇ ਦਸ ਟਿੱਡੀ ਸਰਕਲ ਦਫ਼ਤਰ (ਐੱਲਸੀਓ) ਰਾਜਸਥਾਨ (ਜੈਸਲਮੇਰ, ਬੀਕਾਨੇਰ, ਫਲੌਦੀ, ਬਾੜਮੇਰ, ਜਾਲੌਰ, ਚੁਰੂ, ਨਾਗੌਰ ਅਤੇ ਸੂਰਤਗੜ੍ਹ) ਅਤੇ ਗੁਜਰਾਤ (ਪਾਲਨਪੁਰ ਅਤੇ ਭੁਜ) ਵਿੱਚ ਸਥਿਤ ਹਨ, ਜੋ ਮੁੱਖ ਰੂਪ ਨਾਲ ਰਾਜਸਥਾਨ ਅਤੇ ਗੁਜਰਾਤ ਦੇ ਦੋ ਲੱਖ ਵਰਗ ਕਿਲੋਮੀਟਰ ਅਨੁਸੂਚਿਤ ਰੇਗਿਸਤਾਨ ਖੇਤਰ ਵਿੱਚ ਟਿੱਡੀ ਦਾ ਸਰਵੇਖਣ ਅਤੇ ਕੰਟਰੋਲ ਕਰਦੇ ਹਨ।
ਐੱਫਏਓ ਦੁਆਰਾ ਦੱਖਣ - ਪੱਛਮੀ ਏਸ਼ਿਆਈ ਦੇਸ਼ਾਂ (ਅਫ਼ਗ਼ਾਨਿਸਤਾਨ, ਭਾਰਤ, ਇਰਾਨ ਅਤੇ ਪਾਕਿਸਤਾਨ) ਦੇ ਰੇਗਿਸਤਾਨ ਟਿੱਡੀ ‘ਤੇ ਸਪਤਾਹਿਕ ਵਰਚੁਅਲ ਬੈਠਕ ਆਯੋਜਿਤ ਕੀਤੀ ਜਾ ਰਹੀ ਹੈ। ਦੱਖਣ ਪੱਛਮ ਏਸ਼ਿਆਈ ਦੇਸ਼ਾਂ ਦੇ ਤਕਨੀਕੀ ਅਧਿਕਾਰੀਆਂ ਦਰਮਿਆਨ 15 ਵਰਚੁਅਲ ਬੈਠਕਾਂ ਹੁਣ ਤੱਕ ਹੋਈਆਂ ਹਨ।
***
ਏਪੀਐੱਸ/ਐੱਸਜੀ
(Release ID: 1640101)
Visitor Counter : 192