লকাষ্ট চাৰ্কোল অফিচে(এলচিঅ’) ১১ এপ্ৰিলৰ পৰা আৰম্ভ কৰা কাকতি ফৰিং নিয়ন্ত্ৰণ অভিযানৰ অধীনত ১৯ জুলাই, ২০২০লৈকে ৰাজস্থান, মধ্যপ্ৰদেশ, পাঞ্জাৱ, গুজৰাট, উত্তৰপ্ৰদেশ আৰু হাৰিয়ানাৰ ১,৮৬,৭৮৭ হেক্টৰতকৈ এলেকাত কাৰ্য সম্পাদন কৰিছে৷ ইফালে, ৰাজস্থান, মধ্যপ্ৰদেশ, পাঞ্জাৱ, গুজৰাট, উত্তৰপ্ৰদেশ, মহাৰাষ্ট্ৰ, চত্তীশগড়, হাৰিয়ানা, উত্তৰাখণ্ড আৰু বিহাৰত ৰাজ্য চৰকাৰসমূহেও ১,৮৩,৬৬৪ হেক্টৰ ভূমিত নিয়ন্ত্ৰণ অভিযান চলাইছে৷

একেদৰে, ১৯-২০ জুলাই, ২০২০ত নিশাৰ ভাগত ৰাজস্থানৰ ৮খন জিলা ক্ৰমে-জয়ছালমেৰ, বাৰ্মেৰ, যোধপুৰ, বিকানেৰ, চুৰু, আজমেৰ, ছিকাৰ আৰু পালিৰ ৩১টা স্থানত এলচিঅ’ৰ দ্বাৰা আৰু উত্তৰপ্ৰদেশৰ ৰামপুৰ জিলাৰ এটা স্থানত উত্তৰপ্ৰদেশ ৰাজ্যিক কৃষি বিভাগে নিয়ন্ত্ৰণ অভিযান চলায়৷

বৰ্তমান কাকতি ফৰিং নিয়ন্ত্ৰণ কাৰ্যসূচীত ৰাজস্থান, গুজৰাট, মধ্যপ্ৰদেশ আৰু উত্তৰপ্ৰদেশৰ ৭৯টা নিয়ন্ত্ৰণ দল আৰু কেন্দ্ৰীয় চৰকাৰৰ ২০০গৰাকীতকৈ অধিক কৰ্মচাৰী নিয়োজিত কৰা হৈছে৷ তদুপৰি, ৰাজস্থানৰ বাৰ্মেৰ, জয়ছালমেৰ, বিকানেৰ, নগৌৰ আৰু ফালোডিত ওখ গছসমূহত কীটনাশক ছতিওৱাৰ বাবে ৫টা কোম্পানীৰ ১৫খন দ্ৰোণ ব্যৱহাৰ কৰা হৈছে৷ আকাশ মাৰ্গৰ পৰা কীটনাশক ছতিওৱাৰ বাবে ৰাজস্থানত বেলি হেলিকপ্টাৰৰ উপৰি ভাৰতীয় বায়ু সেনাই পৰীক্ষামূলকভাৱে এমআই-১৭ হেলিকপ্টাৰ ব্যৱহাৰ কৰিছে৷

উল্লেখ্য যে ৰাজস্থানৰ কেইখনমান জিলা কিছু পৰিমাণে ক্ষতি হোৱাৰ বাদে বাকীবোৰ ৰাজ্যত বিশেষ ক্ষয়-ক্ষতিৰ তথ্য লাভ কৰা নাই৷

***

APS/SG/DB