দিবেলপমেন্ত ওফ নোর্থ ইস্তর্ন রিজন (দোনর)গী কেন্দ্রগী মিনিস্তর ওফ স্তেৎ (ইন্দিপেন্দেন্ত চার্জ), এম.ও.এস. পি.এম.ও., পর্সনেল, পব্লিক গ্রীভান্সেস, পেন্সনস, এতোমিক ইনর্জী এন্দ স্পেস, দা. জিতেন্দ্র সিংহনা শেমদোক্লবা প্রধান মন্ত্রীগী  এৱার্দস ফোর এক্সিলেন্স ইন পব্লিক এদমিনিস্ত্রেসন ২০২০ স্কিম অমসুং ৱেব পোর্তেল ঙসি হৌদোকখ্রে মসিনা খ্বাইদগী ইহান হানবা ওইনা নমামি গঙ্গা প্রোগ্রামদা জিলাগী থাক্তা লৈরিবা ওফিসিএলশিংনা হোৎনবা অদু শকখঙবা উৎলগনি।

থৌরম অসিদা কেন্দ্রগী মন্ত্রালয়শিং অমসুং স্তেৎ/য়ু.তি. সরকারশিংদা ৱা ঙাংলদুনা দা. জিতেন্দ্রা সিংহনা হায় স্কিম অসি প্রধান মন্ত্রী শ্রী নরেন্দ্র মোদীকী লৈবাক শেম্বদা প্রজা শরুক য়াহনবা হায়বা অসিগী মতুং ইন্না শেমদোকখি। মহাক্না হায় “লৈবাক মপুং ফনা শেম্বা, লৈঙাকপদা হন্থহনবা” হায়বা মন্ত্রা অসি প্রজানা শরুক য়াদ্রবা অমসুং প্রজাগী খন্দ্রবদি মপুং ফাবা ঙম্লোই অমসুং ত্রান্সপরেন্সী অমসুং একাউন্তেবিলিতী অনি অসিনা মাগী খুদম ওইরি।

মন্ত্রীগী লুচিং মখাদা কানপুরদা দেসেম্বর ১৪, ২০১৯দা পাঙথোকখিবা নেস্নেল গঙ্গা কাউন্সিলগী মীফমদা “গঙ্গা শেংদোকপগী থবক ফজনা তৌবগী” মনা অমা গঙ্গা জিলাশিংগী ওইনা প্রধান মন্ত্রীগী এৱার্দস ফোর এক্সিলেন্স ফোর পব্লিক এদমিনিস্ত্রেসন স্কিমগী মখাদা শেম্নবা ৱারেপ লৌখি।

মীফম অদুদা প্রধান মন্ত্রীনা দিস্ত্রিক্ গঙ্গা কম্মিতিশিং (দি.জি.সি.শিং)গী মথৌ তৌরিবা অসিদা অকনবা মীৎয়েং চংখি অমসুং দি.গি.সি.শিংগী থবক থৌরমশিং কুপ্না য়েংশিনখি। মহাক্না ককনিংঙাই য়াওনা হায় জাতিগী থক্তগী জিলা ফাওবদা ৱাখল মান্ননা খনবা মথৌ য়াম্না তাই অমসুং মখা তানা মসি থবক ওইনা ওন্থোক্নবা দিস্ত্রিক্ত মেজিস্ত্রেৎশিংনা অচৌবা থৌদাং অমা লৌবা মথৌ তাই।

গঙ্গা তুরেলগী পোল্লুসন থোকহন্দনবা হোৎনবদা থেংনবা সমস্যাগী মতাংদা দিস্ত্রিক্তকী থাক্তা খোঙথাং অমা লৌখৎনবা ভারত সরকারনা ওক্তোবর ৭, ২০১৬দা এনভাইরনমেন্ত (প্রোতেক্সন) এক্ত, ১৯৮৬কী মখাদা ওথোরিতীশিংনা থোকখিবা নোতিফকেসন অদুগী খ্বাইদগী তোপ তোপ্পা ফিচর অসি দিস্ত্রিক্ত গঙ্গা কম্মিতি (দি.জি.সি.)না ওইরি।

 “প্রধান মন্ত্রীগী এৱার্দস ফোর এক্সিলেন্স ইন পব্লিক এদমিনিস্ত্রেসন” অসি কেন্দ্র অমসুং স্তেৎ সরকারগী দিস্ত্রিক্তশিং/ওর্গনাইজেসনশিংনা লৌখৎপা থোইদোক হেন্দোকপা অমসুং অনৌবা থবক থৌরমশিং পায়খৎলিবা অসিবু শকখঙবা ওইনা মনা পীনবা ২০০৬দা ভারত সরকারনা শেমখিবনি। মরু ওইবা প্রোগ্রামশিং, অনৌবা ৱাকল্লোনশিং অমসুং এস্পিরেস্নেল দিস্ত্রিক্তশিংদা দিস্ত্রিক্ত কল্লেক্তেরশিংনা লৌখৎলিবা থবক অদু শকখঙবা উৎনবা স্কিম অসি ২০১৪দা হন্না শেমদোকখি অমসুং মখা তানা জিলাশিং অদুগী শেন্মীৎলোনগী চাউখৎ থৌরাংগীদমক দিস্ত্রিক্ত কল্লেক্তেরশিংনা তৌরিবা অদু শকখঙবা উৎনবা ২০২০দা অমুক হন্না শেমদোকখি। ২০২০ চহি অসিগীদি সেক্তর কয়াগী জিলাশিংদা কন্নবা পুরক্কদবা লমশিং খঙদোক্তুনা মনা অসি ফংবা য়াবা লম অদু চাওথোকখ্রে।

চহি অসিদা অহানবা ওইনা প্রধান মন্ত্রীগী এৱার্দস ফোর এক্সিলেন্স ইন পব্লিক এদমিনিস্ত্রেসন অসিনা নমানি গঙ্গে প্রোগ্রাম, অসিদা য়াওরিবা জিলাগী থাক্তা লৈরিবা ওফিসিএলশিংগী হোৎঞ্জমন অদু শকখঙনবা তৌরি। নমানি গঙ্গে প্রোগ্রামগী মখাদা লৌখৎলিবা খোঙথাংশিংবু অচৌবা শকখঙবীবা অমনি। মসিগী মনাগী কাংলুপ অসিদা নমানি গঙ্গে প্রোগ্রামগী মখাদা খঙহনখ্রবা দিস্ত্রিক্ত গঙ্গা কম্মিতি ৫৭গী মনুংদা জিলা অমদা মনা অসি পীগনি।  

স্কিম অসিগী মখাদা দিস্তিক্ত গঙ্গা কম্মিতি ৫৭ অসিদা গঙ্গাগী মরু ওইবা ইরিল অমসুং মশাশিংগী ওইনা এদমিনিস্ত্রেতিব রিফোর্ম এন্দ পব্লিক গ্রীভান্সেস (দি.এ.আর.পি.জি.) বিভাগনা পি.এম.গী এৱার্দস ফোর এক্সিলেন্স ইন পব্লিক এদমিনিস্ত্রেসবগী তোঙানবা কাংলুপ অমা ওইনা য়াওহল্লি। মনা অসি ফংনবগী ওইনা পীশিল্লকপগী মতম অসি এপরিল ১, ২০১৮দগী মার্চ ৩১, ২০২০ ফাওবা ওইখি। পি.এম. এৱার্দ ৱেব পোর্তেল, www.pmawards.gov.in দা রেজিস্ত্রেসন তৌবা অসি জুলাই ১৫, ২০২০দগী হৌখ্রে অমসুং এপ্লিকেসন পীশিল্লকপগী মতম অসি ওগস্ত ১, ২০২০দগী ওগস্ত ১৫, ২০২০ ফাওবা রেজিস্ত্রেসন লোইরবা মতুংদা ওইগনি। মনা অসি ওক্তোবর ৩১ ২০২০দা রাস্ত্রিয়া এক্তা দিৱসকী থৌরমদা য়েন্থোক্নবা মতম লেপখ্রে।

স্কিম অসি হৌদোকপগী থৌরমদা ৱা ঙাংলদুনা, নেস্নেল মিসন ফোর ক্লিন গঙ্গা (এন.এম.জি.সি.)গী দিরেক্তর জেনরেল, শ্রী রাজিব রঞ্জন মিশ্রানা নমানি গঙ্গে প্রোগ্রামগী মরমদা কুপ্পা খঙহনখি অমসুং দিস্ত্রিক্ত গঙ্গা কম্মিতি (জিলা ৫৭- মরু ওইবা ইইল দা ৫২ অমসুং মশাদা ৫)গী দিস্ত্রিক্ত মেজিস্ত্রেৎ পুম্নমকঅমসুং চ্যেরমেনদা খুদোংচাবা অসি মপুং ফানা লৌদুনা শীজিন্ননবা অমসুং প্রধান মন্ত্রীগী এৱার্দ স্কিম অসিগী ওইনা জিলাশিংনা লৌখৎলিবা থবক্কী ৱারোলশিং শেম শাদুনা থম্নবা হায়জখি। মহাক্না য়েংশিনগদবা হীরমশিংগী চাওরাকপা অমা থমখি মদুদি য়াওরিবশিং অদুদি:

• দিস্ত্রিক্ত গঙ্গা কম্মিতিগী মীফম চাং নাইনা অমসুং কান্নবা মওংদা পাঙথোক্তুনা জিলা অদুগী প্রোগ্রামশিংদা কান্নবা পুরকপা;
• অবিরল গঙ্গা অমগীদমক জিলাশিংদা লৈরিবা নাৎকী ওইবা পাৎ তুরেলশিংবু ঙাকশেনবা অমসুং ফগৎহনবা;
• তুরেলী অকোয়বগী ঘাতশিং অমসুং মফমশিং তরু-তনাননা থম্বা;
• জিলাশিংগী মনুংদা গঙ্গা তুরেলগী তোর্বান অনিমক্তা কি.মি.৫গী মনুংদা ওর্গানিক ফার্মিং তৌহনবা;
• গঙ্গা তুরেলগী তোর্বান্দা মনা-মশিং থাবা (গঙ্গা ভন);
• ঈশিংদা লৈবা শা-ঙা ঙাকশেনবা অমসুং বাইওদাইবর্সিতী য়োকখৎপা; অমসুং
• নহাশিং অমসুং মহৈরোয়শিংদা অখন্নবা মীৎয়েং থম্বগা লোয়ননা এন.ৱাই.কে., এন.সি.সি., এন.এস.এস. য়াওশিন্দুনা এৱের্নেস পীবা অমসুং মীয়াম শরুক য়াহনবা।

দিস্ত্রিক্ত পর্ফোর্মেন্স ইন্দিকেতরশিংগী প্রোগ্রাম/ইন্নোবেসনগা লোয়ননা একজিক্যুতিব সম্মরী, ফিল্দ ফোতোগ্রাফশিং (য়াম্লবদা ১০), খোঙথাং অসিগী তোপ তোপ্পা মগুন অমসুং মায় পাকখিবগী ৱারীগী ফ্লো চার্ত য়াওরগা দি.জি.সি.শিংনা ইখৎলক্নবসু হায়রকখি। এপ্লিকেসন অসিগা লোয়ননা খোঙথাং/ অনৌবা ৱাখল্লোন উৎপা মিনিৎ ৩-৫ গী অতেনবা ফিলম অমসুং হাপকনি। ইখৎলকপা অদুদা প্রোগ্রাম/খোঙথাং, ইমপ্লিমেন্ত তৌবদা শীজিন্নখিবা ললোংশিং, ইমপ্লিমেন্ত তৌবদা চংখিবা মতম, মায় পাকপগী ফমশিং, কান্নবা পীরিবা অমসুং সস্তেনেবিলিতীগী ৱারোলশিং য়াওগদবনি।

এন.এম.জি.সি.গী দি.জি.না উত্তর প্রদেশ, বিহার, উত্তরাখন্দ অমসুং ৱেস বেঙ্গলগী চীফ সেক্রেতরীশিংগা ৱারী শাখ্রে অমদি মখোয়গী স্তেৎকী (খনগৎলবা দি.জি.সি. ৫৭গী মনুংদা) মখাদা দিস্ত্রিক্ত মেজিস্ত্রেৎশিংদা স্কিম অসিগী মখাদা পীরিবা পোরমশিং অসি ঙাক্লগা থৱায় য়াওনা শরুক য়ানবা হায়নবা মখোয়দা খঙহনখি।