কেমিকেল অমসুং ফর্তিলাইজরগী কেন্দ্রগী মন্ত্রী শ্রী সদানন্দ গৌদানা ঙসি নই-দিল্লীদা রামাগুন্দম ফর্তিলাইজরস অমসুং কেমিকেলস লিমিতেদ (আর.এফ.সি.এল.)গী সি.ই.ও.গা প্রোজেক্ত অসিগী শেমগৎ-শাগৎলিবা য়েংশিনবগী মতাংদা মীফম অমা পাংথোকখ্রে।

মীফম অসিদা মন্ত্রীনা হায়খিবদা প্রোজেক্ত অসি লোইশিল্লক্কদৌরে অমসুং চহীসিগী ওক্তোবর ফাওবগী মনুংদা থবক তৌবা হৌরবা য়াই হায়খি। মহাক্না আর.এফ.সি.এল.না কোবিদ লায়চৎ অসিনা ওইহনবা খুদোংচাদবা কয়াবু থেংননবা থবক তৌবগীদমক থাগৎপা ফোংদোকখি। প্রোজেক্ত অসিনা লোয়শিনবগা প্রধান মন্ত্রী নরেন্দ্র মোদীগী আত্মানির্ভর ভারতকী মাংলান অসিবু মংফাওনহল্লগনি। মসিগী প্রোজেক্ত অসিনা থবক হৌবগা লোয়ননা গোরাখপুর, বরাউনি, সিন্দ্রি অমসুং তালচেরগী অতোপ্পা প্রোজেক্তশিংশু হিংগৎহন্দুনা চহীগী ওইনা য়ুরিয়া এল.এম.তি. ৬৩.৫দি মপান্দগী পুশিল্লকপদা হন্থহল্লগনি।

আর.এফ.সি.এল. অসি তেলঙ্গানাগী রামাগুন্দমদা লৈবা চহীদা লাখ এম.তি. ১২.৭ পুথোকপা ঙম্বা গ্যাস্তা য়ুম্ফম ওইবা য়ুরিয়া পুথোকপগী য়ুনিৎ অমনি। মসি নেস্নেল ফর্তিলাইজরস লিমিতেদ (এন.এফ.এল.), ইঞ্জিনিয়র্স ইন্দিয়া লিমিতেদ (ই.আই.এল.) অমসুং ফর্তিলাইজর কোরপোরেসন ওফ ইন্দিয়া লিমিতেদ (এফ.সি.আই.এল.)না শৌগৎপা জোইন্ত বেঞ্চর কম্পেনী (জে.ভি.সি.) অমনি। প্রোজেক্ত অসিগী উরেপ উয়ুং অসি প্রধান মন্ত্রী শ্রী নরেন্দ্র মোদীনা ওগস্ত ৭, ২০১৬তা য়ুংখি। মসি হেক লোয়শিনবগা আর.এফ.সি.এল. প্রোজেক্ত অসিনা ভারতনা মপান লমদগী পুশিল্লকপা য়ুরিয়াদা তাংজবা হন্থহল্লগনি অমসুং ফোরেন এক্সচেঞ্জ তুংশিনবা ঙমদুনা থবক পীবশু ঙম্লগনি।

মীফম অসিদা আর.এফ.সি.এল.গী সি.ই.ও. শ্রী নিরলেপ সিংহনা প্রোজেক্ত অসিগী তোঙান তোঙানবা থবকশিংগী শম্লপ্পা ৱারোল তমখি অমসুং প্রোজেক্ত অসি ৯০%দি লোয়শিল্লে হায়খি। লোকদাউন্না মরম অদুনা মফমসিদা থবক তৌবসি খরা থিন্থখি অদুবু মে ৩, ২০২০দগী থবক অমুক হৌখি। মফমসিদা থবক তৌনবা মী ফংবা অসি খুদোংচাদবা অমা ওইখি অদুবু কেন্ত্রেক্ত শিন্মীশিংদা লেম্না চানবা অমসুং লৈফম পীদুনা চেকশিন থৌরাং খুদিংমক লৌখৎলবা তুংদা থবক তৌবা হৌখি অমসুং লোকদাউন মনুংদশু মখোয়গী খুৎশুমন পীথোকখি।

ভারত সরকারনা য়ুরিয়া সেক্তরশিংদা নৌনা শেল থাদদুনা সেক্তর অসিনা মরোমদোম লেপচবা ঙম্নবা অনৌবা ইনবেস্তমেন্ত পোলিসী (এন.আই.পি.), ২০১২ হান্ননা লাউথোকখ্রবনি। মসিগী মখাদা ভারত সরকারনা থিংজল্লুরবা হারগী প্লান্ত ৫শু নৌনা হাংদোক্কদৌরি। হন্না হাংদোক্কদৌরিবা পব্লিক সেক্তর য়ুনিৎ ৫ অদুদিঃ

রামাগুন্দম ফর্তিলাইজরস এন্দ কেমিকেলস লিমিতেদ (আর.এফ.সি.এল.)

তালচের ফর্তিলাইজরস লিমিতেদ (তি.এফ.এল.)

হিন্দুস্তান উরবরাক এন্দ রসায়ন লিমিতেদ (গোরাখপুর, বাউরাউনি অমসুং সিন্দ্রি)