نئی دہلی،  17/جولائی 2020 ۔ شمال مشرقی خطے کی ترقی (آزادارانہ چارج)، وزیر اعظم کے دفتر، عملہ، عوامی شکایات، پنشن، جوہری توانائی اور خلا کے وزیر مملکت ڈاکٹر جتیندر سنگھ نے کہا ہے کہ ذیابیطس کے مریضوں کو کووڈ کی وبا کے دوران اپنے شوگر پر سخت کنٹرول رکھنے کی ضرورت ہے۔ ہیلو ڈائبیٹیز اکیڈمیا 2020 کے ایک ڈیجیٹل سمپوزیم سے خطاب کرتے ہوئے انھوں نے کہا کہ کووڈ-19 کی وبا کے باوجود ہندوستان میں روزمرہ کی سرگرمیوں اور تعلیم دونوں کو ہی بہترین طریقے سے انجام دیا جارہا ہے۔ ڈاکٹر جتیندر سنگھ نے کہا کہ کووڈ نے ہمیں ناموافق حالات میں نئے معیارات کی تلاش کرنے کے لئے راغب کیا ہے۔

ڈاکٹر جتیندر سنگھ نے کہا کہ ذیابیطس سے متاثر لوگوں میں ایک امیونو- کمپرائزڈ صورت حال ہوتی ہے، جو ان کی قوت مدافعت کو کم کرنے اور انھیں کورونا جیسے انفیکشن کے ساتھ ساتھ نتیجہ جاتی پیچیدگیوں کے تئیں زیادہ حساس بناتی ہے۔ انھوں نے کہا کہ ایسے مریضوں کے لئے صورت حال اور پیچیدہ ہوجاتی ہے جب وہ ذیابیطس کے سبب گردے کے متعلق امراض یا سنگین ڈائبیٹک- نیفروپیتھی سے بھی متاثر ہوں۔ ڈاکٹر سنگھ نے کہا کہ اس طرح کی صورت حال میں ذیابیطس کے معالجوں کی اپنے مریضوں کو انفیکشن سے بچانے کے لئے ان کے خون میں شوگر کی سطح پر سختی سے کنٹرول رکھنے اور ساتھ ہی انھیں اس سلسلے میں برتے جانے والے احتیاط کے بارے میں جانکاری دینے کی خصوصی ذمے داری عائد ہوتی ہے۔

انھوں نے کہا کہ بھلے ہی دیگر ملکوں کے مقابلے میں ہندوستان میں کووڈ سے متعلق شرح اموات کم رہی ہو  لیکن یہاں ہوئیں زیادہ تر اموات ان کورونا پوزیٹیو مریضوں کی ہوئی جو پہلے سے ہی ذیابیطس جیسی سنگین بیماریوں کے ساتھ ساتھ دیگر بیماریوں سے متاثر تھے۔

ڈاکٹر جتیندر سنگھ نے کہا کہ کووڈ کی وبا کے ختم ہونے کے بعد بھی سماجی فاصلہ اور پھیلنے والے انفیکشن سے بچاؤ کی تدابیر دیگر کئی انفیکشنز کے خلاف سیف گارڈ کے طور پر کام کریں گے۔

مرکزی وزیر نے چنئی کے ایک ممتاز ڈاکٹر وی سیشیہ، پڈوچیری کے ڈاکٹر اے کے داس، ممبئی کے ڈاکٹر ششانک جوشی، احمدآباد کے ڈاکٹر بنشی سابو اور ناگپور کے ڈاکٹر سنیل گپتا اور ڈاکٹر کویتا گپتا اور آرگنائزرس کی پوری ٹیم کو اس مہم موضوع پر صلاح و مشورہ کے لئے بہترین صلاح کاروں کو ایک پلیٹ فارم پر لانے کے لئے ستائش کی۔

******

م ن۔ م م۔ م ر

U-NO. 3999