থবক শুবা, মীয়ামগী ৱাকৎ অমসুং পেন্সন মন্ত্রালয়
দাইবেতিক ওইবশিংনা কোবিদ লাইচৎ মনুংদা পরিং চুম্না সুগর কন্ত্রোল তৌবা মথৌ তাই: দা: জিতেন্দ্র সিংহ
Posted On:
17 JUL 2020 7:30PM by PIB Imphal
দেবেলপমেন্ত ওফ নোর্থ ইস্তর্ন রিজন (দোনর)গী কেন্দ্রগী রাজ্য মন্ত্রী (ইন্দিপেন্দেন্ত চার্জ), এম.ও.এস. পি.এম.ও., পর্সোনেল, পব্লিক গ্রিভান্সেস, পেনসন্স, এতোমিক ইনর্জী অমদি স্পেস, দা: জিতেন্দ্র সিংহনা দাইবেতিক ওইবশিংনা কোবিদ লাইচৎ মনুংসিদা পরিং চুম্না সুগর কন্ত্রোল তৌবা মথৌ তাই হায়না ঙসি ফোঙদোকখ্রে। হেলো দাইবেতিস একাদমিয়া ২০২০গী দিজিতেল সিম্পোজিয়ম অমদা ৱা ঙাঙলদুনা মহাক্না হায়খিবদা কোবিদ লৈজরবসু ভারত্তদি থবক থৌওংশিং অমসুং একাদমিয়া অনিমক লাইচৎ মনুংসিদা মখোয়গী খ্বাইদগী ফবা ফীভমদা থবক তৌবা উরি। মহাক্না হায়, কোবিদনা ঐখোয়বু লাংফম মরকসিদা অনৌবা চৎন-কাংলোনশিং পুথোক্নবা ইনোৎ হাপ্লি।
দা: জিতেন্দ্র সিংহনা হায়, দাইবেতিস নারিবা মীওইশিংদা ইম্ম্যুনো-কম্প্রাইজ স্তেতস অমা লৈরি, মসিনা মখোয়গী ঙাকথোকপা ঙমবগী মপাঙ্গল হন্থহল্লি অমদি মখোয়বু কোরোনাগুম্বা লায়না নারক্নিংঙাই অমসুং মতুং তারকপা ফীভমশিং ওইরক্নিংঙাইগী চাং হেনগৎহল্লি। করিগুম্বা দাইবেতিস নারিবা মী অদুদা কিদনীসু শোক্লম্লবা নৎত্রগা দাইবেদিত-নেফ্রোপেথী, লাইমন ওইরবা কিদনী শোকপগী ফীভমনচিংবা লৈরম্লগদি হেন্না ফীভম লুশিনহল্লি। মসিগুমবা ফীভম অমদা লায়না পক্লক্তনবা অনাবশিংগী ঈগী সুগরগী চাং নীংথিনা কন্ত্রোল তৌদুনা থমবদা অমদি চেকশিন থৌরাংশিংগী মতাংদা ৱাখল তাহনবদা দাইবেতোলোজিস্তশিংগী অখন্নবা থৌদাং লৈ হায়না দা: সিংহনা থমখি।
মহাক্না হায়খি, “অতোপ্পা লৈবাকশিংগা চাংদম্নবদা ভারত্তা কোবিদকা মরী লৈননা শিবা মীশিং হন্থজরবসু, মফমসিদা শিরিবা অনাবা অয়ামবা দাইবেতিসকুম্বা অতোপ্পা অনাবা লৈবা কোরোনা নাবা মীওইশিংগী মরক্তা ওইরি।”
কোবিদ লাইচৎ অসিনা লোইখ্রবসু, অমগা অমগা লাপথোক্নবগী অমদি লোক-তিনদগী লৌনগনবা লায়নাশিংদগী থাপ্না লৈবগী হৌন-লোনচৎ অসিনা অতোপ্পা লায়নাশিংদগীসু ঙাকথোক্নবা পাম্বৈ অমা ওইহৌরগনি হায়না দা; জিতেন্দ্র সিংহনা থমখি।
কেন্দ্র মন্ত্রী অদুনা চেন্নাইদগী মেন্তর দা: ভি. সেসিয়াহ, পুদুচেরীদগী দা: এ.কে. দাস, মুম্বাইদগী দা: সসঙ্ক জোসি, অহমদবাদতগী দা: বন্সি সাবু অমসুং নাগপুরদগী দা: সুনিল গুপ্তা অমদি দা: কবিতা গুপ্তা লোয়ননা লোয়ননা শিল্লি লাংলিবা কাংবু অদুবু মরুওইবা হীরম অসিদা খন্ননবগীদমক খ্বাইদগী ফবা ফেকল্তীশিং পুনশিনবগীদমক্তা থাগৎপা ফোঙদোকখি।
<><><><><>
(Release ID: 1639594)
Visitor Counter : 139