কেন্দ্রগী কেমিকেল অমসুং ফর্তিলাইজরগী কেন্দ্র রাজ্য মন্ত্রী শ্রী মনশুখ মন্দাবিয়ানানা সরকারনা আইনগী মনুংদা লৈবা মতিক্কী মখা পোন্না কোবিদ-১৯না প্লাস্তিক ইন্দস্ত্রীশিংদা পীরিবা চৈথেংশিং অসিদগী ঙাক শেন্নবা অঙম্বা থৌদাং পায়খৎকনি হায়বগী থাজবা পীখ্রে।

শ্রী মন্দাবিয়ানা ঙসি এফ.আই.সি.সি.আই.না কেমিকেল অমসুং পেত্রোকেমিকেলস বিভাগ, সি.আই.পি.ই.তি. অমসুং প্লাস্তইন্দিয়া ফাউন্দেসন্না শৌগত্তুনা পাংথোকখিবা ‘কোবিদ-১৯না প্লাস্তিক ইন্দস্ত্রী মসিগী অফবা তুং লমচত্তা চৈথেং পীবা’ গী ৱেবিনার অমদা ৱা ঙাংখ্রে।

শ্রী মন্দাবিয়ানা হায়খিবদা কেমিকেল অমসুং পেত্রোকেমিকেলস সেক্তর অসি প্রধান মন্ত্রীগী ত্রিলিয়ন $৫গী শেন্মিৎলোনগী মংলান অসিগী মরু ওইবা পোৎশক অমনি। ইন্দস্ত্রীশিং চাউখৎপদা মসিগী সেক্তর অসিগী মখা পোনগনি অমসুং মসিগী মনুং চন্না লৈবা ইন্দস্ত্রী কয়াগী চাউখৎনবা তঙাইফদবা পোৎশক কয়া অমা সেক্তর অসিনা পীরি। মখা তাবা ওইনা প্রধান মন্ত্রীগী আত্মানির্ভর ভারতকী মংলান অসি মংফাওনবা মসিনা হীরম কয়াদা তেংবাংলি

ভারতকী প্লাস্তিক ইন্দস্ত্রীশিংনা অকোয়বগা মরী লৈননা তুং কোয়না চৎপা, অনৌবা থৌওং কয়া পুথোকপা অমসুং মালেমগী চাংয়েংনবদা য়াওনবগীদমক্তা মহাক্না অসুম্না হায়খি, “ ঐখোয়না মাংদা লৈরিবা খুদোংচাদবা কয়া অসি খংদোকপা তঙাই ফদে হায়খি। তঙাই ফদবা পুংফমশিংদা ভারতকী প্লাস্তিক ইন্দস্ত্রীশিং অসিনা ফ্রন্তলাইন থৌমীশিংগী থবকশিংদা মখোয়গী পোত্থোকশিং শিজিন্নহন্দুনা মরু ওইবা থৌদাং লৌরি হায়বা ঐখোয় পুম্নমক্না খংনরে। ৱর্ল্দ হেলথ ওর্গনাইজেসন (দবল্যু.ঐচ.ও.)না লায়চৎ অসি লৈরিবমখৈ কোবিদ-১৯ থেংননবগীদমক্তা থা খুদিংগী চাউরাক্না মেদিকেল মাস্ক মিলিয়ন ৮৯, একজামিনেসন গ্লোব মিলিয়ন ৭৬ অমসুং অনোক মিলিয়ন ১.৬ তঙাই ফদনা চংগনি হায়খিবা লৈ। মরম অসিনা কোরোনাভাইরস লৈতবা ভারত ওইহন্নবগীদমক্তা ইন্দস্ত্রী অসিনা মাং থানা থোক্লক্তুনা খুদোংচাদবশিং অসিগী মায়োক্তা থবক তৌবা তাই। ঐখোয়না লৈবাক অসিগী মার্কেৎ মনুংদা তোখায় তাবা পল শেমদুনা নত্ত্রগা খল কায়বা চেংয়েংবগী ফিভম ওইহনবা পামদে, মদুগী মহুত্তা ঐখোয় অমত্তা ওইনা থোক্লক্তুনা শক্তি লৈবা লৈবাক অমা ওইহনবনা হেন্না পাম্মি”।

কেমিকেল অমসুং পেত্রোকেমিকেলসগী সেক্রেতরী শ্রী রাজেশ কুমার চতুরবেদিনা ৱেবিনার অদুদা ৱা ঙাংখিবদা অসুম্না হায়খি মদুদি লায়চৎ অসিনা প্লাস্তিক্না তশেংনা তৌবা ঙম্বশিং অদু মীয়ামদা খংহল্লে। কোবিদ লায়চৎকি মনুংদা মসিগী মরু ওইবশিং অসি পোলীপ্রোপাইলিন/প্লাস্তিকনা শাবা হাজমাৎ সুইত, এন.৯৫ মাস্ক, গ্লোব, বাইজর, অনোক, খোংউপ য়োমশিন্নবা কয়াগী দিমান্দশিং অসিদগী খংবা ঙম্লে।

প্লাস্তিক ইন্দস্ত্রীনা লৈবাক অসিগী শেন্মিৎলোন চাউখৎহনবদা মশক থোকপা মতেং কয়া পাংলি অমসুং লৈবাক অসিগী মরু ওইবা সেক্তরশিং, ওতোমোতিব, কন্সত্রক্সন, ইলেক্ত্রোনিক্স, হেলথকেয়র, তেক্সতাইল অমসুং এফ.এম.সি.জি.নচিংবশিংগী শাহৌ লৌবদশু তেংবাংলি।  মহাক্না ইন্দস্ত্রী অসিনা আর. এন্দ দি. ইকোসীস্তেমদা চাউখৎপা পুরক্নবা থবক তৌনবশু হায়খি। খুদোংচাদবগী ওইবা ৱাফমশিংগী ওইনা কোবিদ-১৯না মরম ওইদুনা প্লাস্তিক ইন্দস্ত্রীনা থেংনরিবা মরু ওইবা অপনবশিং পুম্নমক দি.সি.পি.সি.না খংলে অমসুং মীয়াম পুম্বনা শৌগৎলক্তুনা অমসুং প্লেৎফোর্ম অসিগী খুত্থাংদা মতম চংনা নিংথিনা খন্নরবদি ঐখোয়গী বিভাগনা ইন্দস্ত্রী অসিনা হৌজিক থেংনরিবা খুদোংচাদবশিং অসিগী মতেং পাংবা ঙমগনি হায়না মহাক্না হায়খি।

পেত্রোকেমিকেলসকী জোইন্ত সেক্রেতরী শ্রী কাশি নাথ ঝা, সি.আই.পি.ই.তি.কী দাইরেক্তর জেনেরেল প্রোফঃ এস.কে.নায়ক অমসুং সরকারগী নাকলদগী সেনিয়র ওফিসিএলশিংনা থৌরম অদুদা শরুক য়াখি।

***