রকশা রাজ্য মন্ত্রী শ্রী শ্রীপদ নাইকনা হায় ভারতকী দিফেন্স অমসুং এরোস্পেস ইন্দস্ত্রী অসি ঙসিদি ভারত সরকারগী ‘মেক ইন ইন্দিয়া’ অমসুং ‘অত্মানির্ভর ভারত’ অভিয়ান অসি থৌগৎনবা লৌখৎপা তোঙান তোঙানবা খোঙথাংশিংগী মখাদা অওনবা পুরকপা ঙম্লগনি। ঙসি এরোস্পেস অমসুং দিফেন্স মেন্যুফেকচরিং তেক্নোলোজীশিংগী কনফরেন্সকী ৫শুবা ইদিসনদা থৌরম হৌদোকপগী ৱারোল মহাক্না পীখি। কনফরেন্স অসিগী হীরমদি ভারত অসি ‘অত্মা নির্ভর ভারত মিসন’গা লোয়ননা চাওখৎপা পুরকপা হায়বনা ওইখি। 

শ্রী শ্রীপদ নাইনা হায়খি দিফেন্স প্রদক্সন পোলিসীগী পান্দম ওইরিবা দিফেন্স প্রদক্সনদা লৈবাক অসি মরোমদোম লেপচবা ঙম্নবা অমসুং ২০২৫ ফাওবদা য়ু.এস. দোলর বিলিয়ন ২৬কী দোমেস্তিক প্রদক্সন হেনগৎহনবদা ভারতকী এ অমসুং দি ইন্দস্ত্রীনা অচৌবা থৌদাং লৌবা মথৌ তাই।

কোবিদ-১৯না পীরিবা খোংদোংচাদবা অসিগী মতাংদা রকশা রাজ্য মন্ত্রী হায়, “কোবিদ অসিনা মালেম পুম্বদা শেন্মীৎলোন অমসুং খুন্নাইদা ফীভম শোক্না খুদোংচাদবশিং থোকহল্লি… হৌখিবা থা মরি অসিদা ঐখোয়গী মীশিং য়াম্লবা প্রজাশিংগী মরক্তা অহানবদা এৱের্নেস পীবা, তেস্তিং চাং মরাং কাইহনবা অমসুং হেল্থ ক্যের পীবা, অমসুং ভাইরস অসি শন্দোকপদা তপথহনবদা মায় পাকখ্রে।” ঐখোয়গী মীয়ামগী পুন্সি কন্নবা খোঙথাংশিং লৌখৎতুনা ঐখোয় লৈবাক অসিনা হোৎনবরিবা অসিগী মথংগী তাঙ্কক অদুদা হৌজিক লৈরে – মদুদি হিংনবগী পাম্বৈশিং য়োকখৎপা অদুনি মহাক্না মখা তারদুনা হায় কোবিদ মমাংদা লৈরম্বা অদুগুম্না ইন্দস্ত্রী অমসুং শেন্মীৎলোন অমুক হন্না হান্নগুম মথৌ তৌবা ঙম্নবা আশা তৌরি।

হৌখিবা চহি খরা অসিদা দিফেন্স সেক্তর অসি চাউখৎপা হেল্লক্লি। ২০০৮দগী ২০১৬ ফাওবদা সি.এ.জি.আর.দা চাদা ৯.৭ হেনগৎতুনা ২০১৭-২০১৮গী চহিদা য়ু.এস.দি. বিলিয়ন ৪২.৮৩গী থাক হৌজিক য়ৌরে। ভারতকী এরোস্পেস অমসুং দিফেন্স ইন্দস্ত্রীনা ২০৩০ ফাওবদা বিলিয়ন দোলর ৭০ রোম য়ৌবা ঙমগনি পান্নরি। শ্রী শ্রীপদ নাইকনা হায়খি, “ভারতকী এরোস্পেস অমসুং দিফেন্সকী কৈথেল অসি মালেমগী ওইনা চাংদম্নবদা চাউখৎপা পোতেন্সিএল অমসুং ফন্দমেন্তেলশিং য়াম্না লৈ অমসুং মখা তানা মাংজিল থারিবা হব অমদি দিজাইন, মেন্যুফেকচরিং, ইঞ্জিনীয়রিং, তেক্নোলোজীগী দিবেলপমেন্ত অমসুং সর্ভিসেসতা নেৎ এক্সপোর্তর অমা ওইবা ঙমগনি।”

ভারতকী সিবিল এভিএসনগী কৈথেল অসি তুরিজম ফুদবোলগা লোয়ননা চহি খুদিংগী চাদা ২০ হেনগৎতুনা মালেমগী ওইনা খ্বাইদগী য়াংনা চাউখৎলিবা কৈথেলশিংগী মরক্তা অমনি অমসুং ২০২৬ ফাওবদা এয়রপোর্ত ইনফ্রাস্ত্রকচরগী দিবেলপমেন্তদা য়ু.এস.দি. বিলিয়ন ১.৮৩ রোম ইনবেসমেন্তশিং তৌবগী থৌরাংগা লোয়ননা মখা তানা চাউখৎপা হেল্লকনি পান্নরি। মালেমগী এয়রক্রাফ মেন্তেনেন্স, রিপিয়র, ওবরহোল (এম.আর.ও.)গী মতাংদা ৱা ঙাংলদুনা রকশা রাজ্য মন্ত্রীনা হায়, “ভারতকী কৈথেল অসি ফগৎলকখিগনি। ভারতকী এম.আর.ও.গী কৈথেল অসি দোলর মিলিয়ন ৮০০ ওইরি অমসুং মালেমগী ওইবা চাংচৎতা চাদা মরি ওইরিবা অসিগা য়েংনবদা চহিদা চাদা নিপালগী চাংদা ফগৎলক্লি।” ভারতকী সিবিল এভিএসন এম.আর.ও. কৈথেল অসি হৌজিক দোলর মিলিয়ন ৯০০দা লৈরি অমসুং ২০২৫ ফাওবদা দোলর বিলিয়ন ৪.৩৩ ওইদুনা সি.এ.জি.আর.দা চাদা ১৪-১৫ হেনগৎলগনি।

হৌখিবা চহিশিং অসিদা ঙাকশেল মন্ত্রালয়না হোৎনরিবশিং অসিগী মতাংদা ৱা ঙাংলদুনা শ্রী শ্রীপদ নাইকনা হায়খি “দেফেন্স প্রদক্সন বিভাগনা ওর্দিনান্স ফেক্তরীশিং, দিফেন্স পব্লিক সেক্তর অন্দরতেকিংস (দি.পি.এস.য়ু.শিং) অমসুং লনাই দিফেন্স ইন্দস্ত্রীশিং থৌনা হাপ্পগী খুত্থাংদা তোঙান তোঙান দিফেন্স ইক্বিপমেন্তকী পাক শন্না প্রদক্সনগী ফেসিলিতীশিং লিংখৎখ্রে।”

তামিল নাদু তেক্নোলোজী দিবেলপমেন্ত অমসুং প্রমোসন সেন্তর (তি.এন.তি.দি.পি.সি.), সোসাইতী ওফ ইন্দিয়ন দিফেন্স মেন্যুফেকচর্রশিং (এস.আই.দি.এম.), অমসুং কনফিদরেসন ওফ ইন্দিয়ন (সি.আই.আই.)না পুন্না ৱেবিনার অসি শিনখি।

দিফেন্স আর এন্দ দি বিভাগকী সেক্রেতরী অমসুং দিফেন্স রিসর্চ এন্দ দিবেলপমেন্ত ওর্গনাইজেসন (দি.আর.দি.ও.)গী চ্যেরমেন, দা. জি. সতিশ রেদী, তামিল নাদু সরকারগী তামিল নাদু ইন্দস্ত্রিএল কোর্পোরেসন (তি.আই.দি.সি.ও.)গী প্রিন্সিপল সেক্রেতরী/চ্যেরপর্সন অমসুং মেনেজিং দিরেক্তর কুমারি ককরলা উশা অমসুং ইন্দিয়ন দিফেন্স মেন্যুফেকচরর্শিং (এস.আই.দি.এম.)গী প্রসিদেন্ত শ্রী জয়েন্ত পতিল থৌরম অসিদা শরুক য়াখি।

****