এপ্রিল ১১, ২০২০দগী হৌদুনা জুলাই ১৪, ২০২০ ফাওবদা লোকস্ত সার্কল ওফিসেস (এল.সি.ও.)না রাজস্থান, মধ্য প্রদেশ, পঞ্জাব, গুজরাৎ, উত্তর প্রদেশ অমসুং হরিয়ানাদা লৈবা হেক্তর ১,৬৮,৩১৫তা লাকশিন্নবগী ওপরেসনশিং পায়খৎখ্রে। জুলাই ১৪, ২০২০ ফাওবদা, রাজস্থান, মধ্য প্রদেশ, অঞ্জাব, গুজরাৎ, উত্তর প্রদেশ, মহারাস্ত্রা, ছতিশগর, হরিয়ানা অমসুং বিহারদা রাজ্য সরকারনা লম হেক্তর ১,৪৭,৩২১দা লাকশিন্নবগী থবক পায়খৎখ্রে।

জুলাই ১৪-১৫, ২০২০গী লোন্নবা অহিংদা রাজস্থানগী বারমের, জৈসল্মর, জোধপুর, বিকানের, চুরু, ঝুনঝুনু, অমসুং সিকার জিল্লাগী মফম ২৭, উত্তর প্রদেশকী বাহরাইচ জিল্লাগী মফম ১, গুজরাৎকী কৎচ জিল্লাদা মফম ২দা লাকশিন্নবগী থবক পায়খৎখি। মসিগী মথক্তা, মরি লৈনবা রাজ্যগী লৌউ শিংউ বিভাগশিংনসু উত্তর প্রদেশকী বলরামপুর অমসুং বাহরাইচ জিল্লাগী মফম অনীদা, অমসুং রাজস্থানগী পালি জিল্লাগী মফম ১দা জুলাই ১৪-১৫গী লোন্নবা অহিংদা মশীং য়ামদবা অমসুং চাইথোক্তুনা লৈবা কৌজেংগী খরাদা লান্দাখি।

হৌজিক্কী ওইনা কৌজেং লাকশিন্নবগীদমক হিদাক কাপথোক্নবা য়াওরবা গারীগা লোইননা কন্ত্রোল তীম ৭৯ অমসুং কেন্দ্র সরকারগী পার্সনেল ২০০ হেন্না, তেক্নিকেল ওফিসর ৫০ অমসুং কন্ত্রেকচুএল বেসিস্তা দ্রাইবর ২২ শীজিন্নরি। মসিগী মথক্তা, য়ু.কে.দগী অনৌবা উলবামাস্ত স্প্রেয়র ১৫সু ভারত য়ৌরকখ্রে।

মখা তানা, কম্পেনী ৫না দ্রোন ১৫ রাজস্থানগী বার্মের, জৈসল্মর, বিকানের, নাগৌর অমসুং ফলোদিদা অৱাংবা উশিংদা অমসুং তিলহাৎ হিদাক কাপ্পদা য়ৌবা ঙমদবা মফমশিংদা য়ৌশিন্নবা শীজিন্নরি। রাজস্থান্দা সেদ্যুল দেজর্তকী লমশিংদা তঙাইফদবগী মতুং ইন্না বেল হেলিকোপতর অমসু থাজিনখ্রে। ইন্দিয়ন এয়রফোর্সনা এম.আই.-১৭ হেলিকোপতর শীজিন্নদুনা এন্তি-লোকস্ত প্রোগ্রামগী চাংয়েং পাঙথোক্লি।

গুজরাৎ, উত্তর প্রদেশ, মধ্য প্রদেশ, মহারাস্ত্রা, ছতিশগর, বিহার অমসুং হরিয়ানাদা মহৈ-মরোং কা হেন্না মাঙবগী পাউ লাক্ত্রে। অদুমওইনমক, রাজস্থানগী জিল্লা খরদা মহৈ-মরোং খরা মাঙবগী পাউদি লৈরি।

ঙসি (১৫.০৭.২০২০), রাজস্থানগী বারমের, জৈসল্মর, জোধপুর, বিকানের, চুরু, ঝুনঝুনু, পালি অমসুং সিকারদা অমসুং উত্তর প্রদেশকী বলরামপুর অমসুং বাহরাইচতা মপুং ফাদ্রিবা ঙাঙলৈনবা কৌজেং অমসুং হঙ্গামপাল মচুগী কৌজেংশিং মপৈ খরা পাইবা থেংনখি।

A. রাজস্থানগী জোধপুরদা লৈবা দোজ কী ধনিদা পায়খৎপা লাকশিন্নবগী থবক

B. রাজস্থানগী সিকারদা লৈবা বিঞ্জান্সি ধুন্ধদা পায়খৎখিবা লাকশিন্নবগী থবক

C. রাজস্থানগী বিকানেরদা লোকস্ত কন্ত্রোল তীম

D. রাজস্থানগী বিকানেরগী বন্ধলা নোখাগী কৌজেং শিবগী চাং

E. রাজস্থানগী জোধপুরদা লৈবা দোজ কী ধনি দেচুদা পায়খৎপা লাকশিন্নবগী থবক

ফুদ অমসুং এগ্রিকলচরেল ওর্গনাইজেসনগী ১৩.০৭.২০২০গী লোকস্ত স্তেতস অপদেৎনা হায়রি মদুদি লাক্লিবা চয়োল খরসিদা অৱাং থংবা সোমালিয়াদা কৌজেং মপৈ খরা শেম্লবা য়ারি হায়রি অমসুং অৱাং থংবা সোমালিয়াদগী ইন্দিয়ন ওসিন ফাউদুনা ইন্দো-পাকিস্তান ঙমখৈদা কালেন্থাগী মচা কোকফম জগাশিংদা উরবা য়ারি। ইন্দো-পাক ঙমখৈদা পাইশিনখিবা মোন্সুনগী নোং লাকত্রিঙৈ মমাংদা কোকখিবা মচাশিংদগী খরনা ভারতকী অৱাং নোংপোক থংবা রাজ্যশিংদা নোংপোক্লোমদগী পাইশিনখ্রে অমসুং কাংলুপ খরনা নেপাল য়ৌশিনখ্রে। ফোর্কাস্ত অসিনা হায়রি মদুদি হায়রিবা কৌজেংশিং অসি মোন্সুন হৌরকপা মতমদা লাক্কদৌরিবা নুমিৎ খরনি অসিদা ইরান অমসুং পাকিস্তান্দগী লাক্কদবা জুলাইগী ময়াই থংবা শরুক্তা হোর্ন ওব আফ্রিকাদগী পাইরক্কদবশিংগা পুল্লদুনা রাজস্থান্দা হন্না পাইশিল্লক্লবা য়ারি হায়রি। ইন্দো-পাক ঙমখৈদা ঙন্না মচা কোকপা হৌখ্রে অমসুং জুলাইদা মচা ওন্দুনা অমসুং কাংলুপ শেমদুনা ওগস্তকী ময়াই থংবা শরুক্তা অহানবা জেনরেসনগী কালেনগী কৌজেং মপৈ শেম্বা হৌরগনি।

***