সাইন্স অমসুং তেক্নোলোজী মন্ত্রালয়

ইন্দস্ত্রীদগী থাদোক্লকপা লশিং অরেম্বশিং অমসুং মহৌশানা সমুদ্র ঈশিংদা ফংবা ইলেক্ত্রোলাইত্তগী ফংবা মমল হোংবা কেপাসিতরনা ইনর্জী তুংশিনবদা মতেং পাংবা য়াই

"মসিনা তুং কোইনা চৎপা য়াবা, অরেম্বদগী লন ওন্থোকপা য়াবগী প্রিন্সিপলশিং শীজিন্নবা গ্রী প্রোসেসকী ময়েক লারবা খুদম অমনি": প্রোফেসর অশুতোশ শর্ম, সেক্রেতরী, দি.এস.তি.

Posted On: 14 JUL 2020 7:01PM by PIB Imphal

ভারত সরকারগী সাইন্স অমসুং তেক্নোলোজী বিভাগকী মখাদা লৈবা ওতোনোমস ওর্গনাইজেসন অমা ওইরিবা ইন্তর্নেসনেল এদভান্স রিসর্স সেন্তর ফর পাউদর মেতালর্জী অমসুং ন্যু মতিরিএল (এ.আর.সি.আই.)গী সাইন্তিস্তশিংনা ইনর্জী হার্বেস্তর স্তোরেজ দিবাইস ওইনা শীজিন্নবা য়াবা য়াম্না চম্বা, মমল হোঙবা, অকোইবদা অকাইবা পীদবা, অমসুং তুং কোইনা শীজিন্নবা য়াবা ইন্দস্ত্রীশিংদগী থাদোরকপা লশিং অরেম্বদগী শাবা সুপরকেপাসিতর ইলেক্ত্রোদ অমা পুথোকখ্রে। ইহান হানবা ওইনা, মহৌশাগী সমুদ্র ঈশিং অসিবু হৌজিক লৈরিবা ঈশিংদা য়ুম্ফম ওইবা ইলেক্ত্রোলাইৎশিং অসিবু মহুৎ শিনবা য়াবা অকোইবদা অকাইবা পীদবা, মমল তাংদবা, স্কেল তৌবা য়াবা, অমসুং অতোপ্পা এক্বিয়স ইলেক্ত্রোলাইৎ ওইনা মমল চঙদবা সুপরকেপাসিতরগী ফেব্রিকেসন অমা ওইনা পুথোকখ্রে।

সুপরকেপাসিতর অসি মমাংঙৈগী কেপাসিতরশিং অমসুং লিথিয়ম-আইওন বেত্তরীশিংগা চাংদম্নবদা হাই পাৱর দেন্সিতী পীবা ঙম্বা, মতম শাংনা চৎপা, অমসুং য়াম্না থুনা চার্জ তৌবদা মৈ চঙবগী মগুন চেনবনা রিসর্চ তৌবগীদমক য়াম্না পাম্নরিবা নেক্স জেনরেসন ইনর্জী স্তোরেজ দিবাইস অমনি। সুপরকেপাসিতর ইলেক্ত্রোলাইৎ, ইলেক্ত্রোলাইৎ, সেপরেতর অমসুং করেন্ত ক্ললেক্তরগী মরুওইবা মচাক মরিগী মনুংদগী অহানবগী অনী অসিনা পাইবোতেল কম্পোনেন্তনি, মসিনা সুপরকেপাসিতরশিংগী ইলেক্ত্রোকেমিকেলগী মগুন হকথেংননা তাকই। ইলেক্ত্রোলাইৎ মতিরিএলশিং, ইলেক্ত্রোলাইৎ য়াওনা শেম শাবদা চঙবা শেলসু হন্থরগনি মরমদি মসিগী কম্পোনেন্ত অনী অসিনা দিবাইস অসি শাবদা চঙবা মমল লেপ্পি।

অহোংবা সুপরকেপাসিতর দিবাইসশিং শানবগীদমক্তা মমল চঙদবা পোৎলম থিরকপা মতমদাএ.আর.সি.আই.গী সাইন্তিস্তশিংনা ইন্দিস্ত্রিদগী থাদোরকপা অরেম্বা লশিংবু (ত্রাশ) এক্তিবেসন প্রোসেস তৌদুনা মহী কা হেন্না চুপশিনবা ঙম্বা কার্বোন ফাইবর (ত্রেজর) ওন্থোকখ্রে, মসিগী মতুংদা মহী চুপশিনবা ঙম্বা কার্বোন ফাইবরশিং অসিবু পার্ফোরমেন্স য়াম্না ৱাংবা সুপরকেপাসিতর ইলেক্ত্রোদশিং শানবগীদমক শীজিন্নৈ।

হন্দক্তাইনর্জী তেক্নোলোজী দা ফোংখিবা রিসর্চ অমদা, এ.আর.সি.আই.গী সাইন্তিস্তশিংনা সমুদ্রগী ঈশিংবু এক্বিয়স বেজ সুপরকেপাসিতর দিবাইস শাবা মতমদা মহৌশাগী ইলেক্ত্রোলাইৎ ওইনা শীজিন্নবদা তশেংনা শীজিন্নবা য়াবগী ওইথোকপা চাউনা থেংনখি। নৈনবা অসিনা মহৌশাগী সমুদ্র ঈশিংদগী শাবা সুপরকেপাসিতরশিং অসিনা ১ এ.জি.-১ গী করেন্ত কেপাসিতীদা খ্বাইদগী ৱাংবা কেপাসিতেন্স উৎপা থেংনখি। মসিগী মথক্তা, সমুদ্রগী ঈশিংদগী শাবা সুপরকেপাসিতরনা ৯৯% কেপাসিতেন্স রিতেন্সন লৈবা অমসুং কুলম্বিক ইফিসেন্সীগী (চার্জ অদুবু সিস্তেম অমদা থাজিনবা মতমদা ইলেক্ত্রোকেমিকেল রিএক্সন থোকহনবদা ফংবা ইফিসেন্সী) ৯৯% ওইবগা লোইননা চার্জ দিসচার্জ সাইকল ১০,০০০ অইদুনা মতম কুইনা চৎপা থেংনখি।

রিসর্চ তীম অসিগী অনৌবা, মতম কুইনা চৎপা অমসুং গ্রীন কেপাসিতর দিবাইস অসি তশেংনা শীজিন্নবদা য়াগনি হায়বসি উৎখি, অমসুং য়াম্না মরুওইনা,  মমল হোঙবা, অকোইবদা অকাইবা পীদবা, ইফিসেন্ত ওইবা অমসুং মশানা মশাবু পাৱর পীবা ঙম্বা দিবাইস অমা সমুদ্রগী ঈশিংনা শাবা সুপরকেপাসিতর য়াওবা ইন্তিগ্রেতেদ সোলার সেল অমা ওইবা য়াই। দিবাইস অসিগী মাই পাক্না উৎলিবা অসিনা তাক্লে মদুদি সোলার-পাৱর সুপরকেপাসিতরশিং অসিনা ইলেক্ত্রিকেল ইনর্জী ওন্থোকপা ঙম্বদা নত্তনা সোলার ইরেদিএসনগী চাং নাইদবা মতৌবুসু কোকহনবা ঙম্লগনি। মসিনা মরম ওইদুনা, সুপরকেপাসিতর য়াওবা ইন্তিগ্রেতেদ সোলার সেল অসি মখোয়গী মপুন্সি শাংবা অমসুং তোইনা শেম্নদবা পাৱর সপ্লাই ওইবা মগুন অসিনা ইনর্জী তুংশিন্নবা স্তোরেজ দিবাইস অমা ওইনা শীজিন্নবা য়ারগনি।

"রিন্যুএবল ইনর্জী পাক শন্না শীজিন্নবা হায়বসিদা কেপাসিতী মান্নবা মমল তাঙদবা ইলেক্ত্রিকেল স্তোরেজ শেম্বা তঙাইফদে। মসিগী নৈনবা অসিনা মরাং কাইনা ফংবা অরেম্বা লশিং অমসুং সমুদ্র ঈশিংগী মতিরিএলশিংদগী সুপর কেপাসিতরশিং শাবগী উপাই অমা পীরে! "মসিনা তুং কোইনা চৎপা য়াবা, অরেম্বদগী লন ওন্থোকপা য়াবগী প্রিন্সিপলশিং শীজিন্নবা গ্রী প্রোসেসকী ময়েক লারবা খুদম অমনি" হায়না প্রোফেসর অশুতোশ শর্ম, সেক্রেতরী, দি.এস.তি.না হায়রি।

[পব্লিকেসন লিঙ্কঃ 

https://doi.org/10.1002/ente.202000417

https://doi.org/10.1016/j.carbon.2018.08.052

https://www.natureasia.com/en/nindia/article/10.1038/nindia.2018.134#:~:text=Physicists%20have%20converted%20waste%20cotton,to%20make%20carbon%20electrodes1.&text=Since%20the%20supercapacitor%20cells%20can,in%20the%20absence%20of%20sunlight.

অহেনবা অকুপ্পা মরোলগীদমক দা. মনি কার্থিক (mkarthik@project.arci.res.in) কা পাউ ফাউনবীয়ু]

***



(Release ID: 1638681) Visitor Counter : 1