ਰਸਾਇਣ ਅਤੇ ਖਾਦ ਮੰਤਰੀ ਸ਼੍ਰੀ ਡੀ ਵੀ ਸਦਾਨੰਦ ਗੌੜਾ ਨੇ ਅੱਜ ਵੀਡੀਓ ਕਾਨਫਰੰਸ ਜ਼ਰੀਏ ਖਾਦ ਸੈਕਟਰ ਦੇ ਹਿਤਧਾਰਕਾਂ ਨਾਲ ਮੀਟਿੰਗ ਦੀ ਪ੍ਰਧਾਨਗੀ ਕਰਦਿਆਂ ਕਿਹਾ ਹੈ ਕਿ ਖਾਦ ਇਕਾਈਆਂ ਦੀ ਕੁਸ਼ਲਤਾ ਵਿੱਚ ਸੁਧਾਰ ਲਿਆਉਣ ਦੇ ਨਾਲ-ਨਾਲ ਖਾਦ ਦੀ ਵਰਤੋਂ ਵਿੱਚ ਅਸੰਤੁਲਨ ਦੇ ਮੁੱਦੇ ਨੂੰ ਹੱਲ ਕਰਨ ਲਈ ਸੁਧਾਰਾਂ ਦੀ ਸ਼ੁਰੂਆਤ ਕਰਨੀ ਜ਼ਰੂਰੀ ਹੈ। ਇਹ ਚਿੰਤਨ ਸ਼ਿਵਿਰ ਦੇ ਉਪ ਸਮੂਹ ਦੀ ਦੂਜੀ ਮੀਟਿੰਗ ਸੀ। ਚਿੰਤਨ ਸ਼ਿਵਿਰ ਦੇ ਇਸ ਉਪ ਸਮੂਹ ਦਾ ਉਦੇਸ਼ ਖਾਦ ਸੈਕਟਰ ਨੂੰ ਦਰਪੇਸ਼  ਚੁਣੌਤੀਆਂ ਅਤੇ ਮਸਲਿਆਂ 'ਤੇ ਵਿਚਾਰ-ਵਟਾਦਰਾਂ ਕਰਨਾ ਹੈ।

ਮੀਟਿੰਗ ਵਿੱਚ ਸਕੱਤਰ (ਖਾਦ), ਸਕੱਤਰ (ਖੇਤੀਬਾੜੀ ਅਤੇ ਕਿਸਾਨ ਭਲਾਈ), ਐਡੀਸ਼ਨਲ ਸਕੱਤਰ (ਖਾਦ), ਨੀਤੀ ਆਯੋਗ ਦੇ ਸੀਨੀਅਰ ਅਧਿਕਾਰੀ, ਓਡੀਸ਼ਾ ਅਤੇ ਕੇਰਲ ਸਰਕਾਰ ਦੇ ਅਧਿਕਾਰੀ, ਭਾਰਤੀ ਫਰਟੀਲਾਈਜ਼ਰ ਐਸੋਸੀਏਸ਼ਨ, ਖਾਦ ਸਨਅਤਾਂ ਜਿਵੇਂ ਆਈਐੱਫਐੱਫਸੀਓ (IFFCO), ਕੇਆਰਆਈਬੀਐੱਚਸੀਓ (KRIBHCO), ਐੱਨਐੱਫਐੱਲ (NFL), ਆਰਸੀਐੱਫ (RCF), ਜੀਐੱਨਐੱਫਸੀ (GNFC) ਅਤੇ ਕੁਝ ਅਗਾਂਹਵਧੂ ਕਿਸਾਨ ਸ਼ਾਮਲ ਹੋਏ।

ਮੀਟਿੰਗ ਦੌਰਾਨ, ਸਾਰੇ ਭਾਗੀਦਾਰਾਂ ਨੇ ਸੈਕਟਰ ਨੂੰ ਦਰਪੇਸ਼ ਚੁਣੌਤੀਆਂ ਦੇ ਵੱਖ-ਵੱਖ ਪਹਿਲੂਆਂ ਬਾਰੇ ਆਪਣੇ ਵਿਚਾਰ ਸਾਂਝੇ ਕੀਤੇ।

ਇਸ ਦੌਰਾਨ ਪ੍ਰਾਪਤ ਕੀਤੀ ਗਈ ਪ੍ਰਤੀਕ੍ਰਿਆ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੇ ਕਿਸਾਨਾਂ ਦੀ ਆਮਦਨ ਦੁੱਗਣੀ ਕਰਨ ਦੇ ਟੀਚੇ ਨੂੰ ਪ੍ਰਾਪਤ ਕਰਨ ਲਈ ਖਾਦ ਸੈਕਟਰ ਵਿੱਚ ਹੋਰ ਜ਼ਰੂਰੀ ਸੁਧਾਰ ਲਿਆਉਣ ਵਿੱਚ ਲਾਭਦਾਇਕ ਹੋਵੇਗੀ।

                                                            ******

ਆਰਸੀਜੇ/ਆਰਕੇਐੱਮ