ঙসি ভিদিও কনরেন্সকী খুৎথাংদা হারগী মরী লৈনবশিংগা লোয়ননা পাংথোকখিবা মীফম অমদা কেমিকেলস অমসুং ফর্তিলাইজরগী য়ুনিয়ন মিনিস্তর দি.ভি সাদানন্দা গৌরানা হায়খি হার পুথোক্লিবা য়ুনিতশিং ফগৎহন্নবা অমসুং হার চাং চানা শীজিন্নবগী ৱাফমশিং খন্ননবা অহোংবা পুরকপা দরকার ওইরে। মীফম অসি চিন্তান সিবিরগী সব গ্রুপকী অনিসুবা মীফমনি। চিন্তান সিবিরগী সব গ্রুপ অসিগী পান্দমদি হারগী থবক লমদা থবক তৌরিবশিংনা থেংনরিবা অৱাবশিং কোকহন্নবা হোৎনবনি।

মীফম অদুদা সেক্রেতরি(ফর্তিলাইজরস), সেক্রেতরি(এগ্রিকলচর অমসুং ফারমর্স ৱেলফিয়ার), এদিসনেল সেক্রেতরি(ফর্তিলাইজরস), নিতি অয়োগকী সেনিয়র ওফিসারশিং, ওরিসা অমসুং কেরলা সরকারশিংগী ওফিসারশিং, ফর্তিলাইজর এসোসিএসন ওফ ইন্দিয়া, হার পুথোকপা কম্পেনিশিং হায়বদি ইফকো, কে.আর.আই.বি.ঐচ.সি.ও, এন.এফ.এল, আর.সি.এফ, জি.এন.এফ.সি অমসুং মাইপাক্লাব লৌমীশিং শরুক য়াখি।

মীফম অদুদা শরুক য়াখিবশিংনা মখোয়না হারগী মতাংদা থেংনরিবা অৱাবশিংগী মতাংদা মখোয়গী ওইবা ৱাফমশিং ফোংদোকখি।

লৌমীশিংগী শেন্থোক শরুক অনি হেনগৎহনবা হায়না প্রধান মন্ত্রী নরেন্দ্র মোদীনা থম্লিবা পান্দম অদু ফংনবা হোৎনবদা হারগী থবকশিংদা অওনবা পুরক্নবা মীফম অসিদগী ফংলকপা ৱাফমশিং শীজিন্নবা কান্নগনি।

***