জল শক্তি মন্ত্রালয়না রাজ্যশিংগা খুৎশম্নদুনা ওগস্ত ২০১৯দগী হৌদুনা লৈবাক অসিদা লৈরিবা খুঙ্গংগী য়ুমথোং খুদিংমক্তা ২০২৪ ফাওবগী মনুংদা মখোয়গী পুন্সি মহিং ফগৎহন্ননবা অমসুং সরকার অসিগী ফিরেপ 'হিংবদা লাইহনব'বু ফংহন্নবগীদমক থক্নবা ঈশিং ফংহন্নবগী পান্দমদা জল জীবন মিসন থবক ওইনা পায়খৎলি অমসুং মসিনা মীওই অমত্তনা হিংবদা তঙাইফদবা পোৎ অমত্তা ৱাত্তনবগীদমক 'ইক্বিতী অমসুং ইনক্লুসিবনেস' ফংহন্নবা হোৎনরি। মাই পাক্না খুঙ্গংগী য়ুম শাবীখিবা, চাক থোংনবা গ্যাস, অমাংশঙ, ফাইনান্সিএল ইনক্লুজন, তঙাইফদবা হেলথ কেয়রনচিংবা ফংহনখিবগা লোইননা সরকার অসিনা হৌজিক্তি ঐখোয়গী খুঙ্গংশিংগী য়ুমথোং খুদিংদা অফবা থক্নবা ঈশিং ফংহন্নবগীদমক মীৎয়েং থম্লি।

৭৩শুবা সংবিধান শেমদোকপদা ময়েক লানা য়াওদুনা লৈরিবা খুঙ্গংগী মীয়ামদা শক্তি পীবদা য়ুম্ফম ওইরদুনা, জল জীবন মিসন অসিনা খুঙ্গংগী মীয়ামগী ৱাতর সপ্লাই স্কিম য়াত্থোকপা, শেম-শাবা, শেন্নবা, থবক পায়খৎপা, মথৌ তৌহনবা অমসুং শেন্নবদা মখোয় মশামক য়াওহন্নবা হায়রি, মসিনা মখোয়দা মশানা 'মপু ওইজবা অমসুং থৌদাং লৌজব'গী ৱাখল্লোন অমা ফাওহনবদা নত্তনা তুং কোইনা চৎহনবদসু মতেং ওইরগনি।

মসিগী দিসেন্ত্রেলাইজ, দিমান্দ দ্রিবন ওইবা মীয়াম্না য়েংশিনগদবা থৌরাং অসিদা খুঙ্গংশিংগী মনুংদা পীগদবা ৱাতর সপ্লাই সিস্তেম অসি তুং কোইনা চত্তুনা থক্নবা ঈশিং ৱাৎহন্দনবা য়াত্থোকপা, থবক ওইনা পায়খৎপা, শেম শাবা, মথৌ তৌহনবা অমসুং য়েংশিনবগী থবক্তা মফমদুগী খুঙ্গগী মীয়াম/গ্রাম পঞ্চায়ৎশিং (জি.পি.) অমসুং/নত্ত্রগা মসিগী সব কম্মিতী/য়ুজর গ্রুপশিংনা মরু ওইবা থৌদাং লৌগনি। গ্রাম পঞ্চায়ৎ নত্ত্রগা মসিগী সব কম্মিতী হায়বদি ভিলেজ ৱাতর এন্দ সেনিতেসন (ভি.দব্ল্যু.এস.সি.) নত্ত্রগা পানি সমিতি অসিদা মীওই ১০দগীনা ১৫ফাওবগী মীহুৎনা শাগনি, মসিগী ২৫%না পঞ্চায়ৎ মেম্বরশিংনা ওইগনি, ৫০%না নুপী মীহুৎশিংনা শাগনি অমসুং লেমহৌরিবা ২৫% অসিনা খুঙ্গং অদুগী মীশিংগা চান্ননা খুঙ্গংদুগী অশোনবা কাংলুপকী মীহুৎশিংনা ওইগনি।

মিসন অসিগীদমক, গ্রাম পঞ্চায়ৎ নত্ত্রগা সব কম্মিতীনা মীয়ামগী মতেংগা লোইননা ভিলেজ এক্সন প্লানশিং (ভি.এ.পি.) শেমগনি। প্লান অসি খুল খুদিংমক্কী ওইনা থক্নবা ঈশিংগী হৌরকফম, খুঙ্গংগী মনুংদা ঈশিং পীন্নবা ইনফ্রাস্ত্রকচরশিং, গ্রে ৱাতর ত্রিৎমেন্ত অমসুং ৱাতর সপ্লাই সিস্তেম অসিবু নৌনা শীজিন্নবা অমসুং মথৌ পাঙথোকহনবা অমসুং শেম্বা খোৎপদা মীৎয়েং থমদুনা ইমুং খুদিংমক্না থক্নবা ঈশিং ফংহন্নবগীদমক খুলগী মীয়াম শরুক য়াহন্নবা শেমগনি।

হৌজিক ওইরিবা লাইচৎ অসিগী মরক্তা, দিপার্ত্মেন্ত ওব ৱাতর সপ্লাই এন্দ সেনিতেসন, ৱাতর সপ্লাই এন্দ সেনিতেসন সপ্পোর্ত ওর্গনাইজেসন (দব্ল্যু.এস.এস.) অমসুং দিস্ত্রিক্ত ৱাতর এন্দ সেনিতেসন মিসন ওব ওস্মানাবাদ দিস্ত্রিক (দি.দব্ল্যু.এস.এম.)না য়ুনিসেফ মহারাস্ত্রা অমসুং 'আর্ঘ্যম'গী মতেংগা লোইননা খুঙ্গংগী থাক্তা এজেন্সী অনীদগী তেক্নিকেলগী ওইবা মতেংগা লোইননা এক্সন প্লান শেম্নবগীদমক জুলাই ৬-৮, ২০২০দা ওনলাইন ৱার্কসোপ পাঙথোকখি।

ভিলেজ এক্সন প্লান শেম্নবগী ওনলাইন ত্রেনিং অদু ওস্মানাবাদকী গ্রাম পঞ্চায়ৎ ১০০গীনি। ওস্মানাবাদ অসি রাজ্য অসিগী 'থৱাই য়াওবা জিল্লা'শিংগী মনুংদা অমা ওইরি। মসিগী ৱার্কসোপ অসি লাইন দিপার্তমেন্তশিং অমসুং গ্রাম পঞ্চায়ৎকী ফংসনরীশিং (সর্পঞ্চ, গ্রাম সেবক, অমসুং জলসুরকশাশিং) য়াওনা খুঙ্গংগী ৱাতর সপ্লাইদা  স্তেকহোল্দরশিংদা হেন্না খঙহন্নবা অমসুং মখোয়গী তৌবা ঙম্বগী চাং হেনগৎহন্নবা পাঙথোকখিবনি।

লাইচৎ অসিগী মনুংদা গ্রাম পঞ্চায়ৎ ১০০দা ত্রেনিং পীনবগী ফ্রেমৱার্ক অমা শেম্বা হায়বসি অরাইবা থবক অমা ওইখি। অদুমওইনমক, প্লান্নিং অদু দিজিতেলগী খুথাংদা ওইথোকহনবা ঙমখি। মসিগীদমক, গ্রাম পঞ্চায়ৎ ১০০ রোম মশক খঙদোকখি অমসুং মাস্তর ত্রেনর ওইনা ত্রেনিং পীগদবা জিল্লাগী থাক্তা লৈবা ওফিসিএলশিংগী অপুনবা মিং অমা শেমখি। তঙাইফদবা দেতা সপ্পোর্ত অমসুং তেক্নোলোজিকেল সপ্পোর্তসু প্রোগ্রাম অদুদা য়াওরিবা এক্সপর্তশিং অমসুং দিস্ত্রিক্ত স্তাফশিংনা পীখি। গ্রাম পঞ্চায়ৎশিংদা জল জীবন মিসনগী মতাংদা, ভিলেজ এক্সন প্লানগী মরুওইবা অমসুং থৌওংশিংগী মতাংদা ওনলাইন ক্লাস পীখি। মসিগী মথক্তা, গ্রাম পঞ্চায়তশিংবুসু দিজিতেল প্লেৎফোর্মবু মতীক চানা মতমগা চুনবা মওংদা চৎনবা তাকপী তম্বীখি।

সেসন খুদিংমক্তু ওদিও-ভিজুএল অমসুং সোর্স ওর্গানাইজেসনশিংনা পুথোকপা রিফরেন্স মতিরিএল শীজিন্নদুনা পাঙথোকখি। প্রজেন্তেসন অমসুং ভিদিওশিং অদু জে.জে.এম. চৎন-কাংলোনগী হৌন-লোনচৎশিং অমসুং কোবিদ-১৯গী চৎন-কাংলোনশিং ঙাক্তুনা পুথোকখি। প্রজেন্তেসন অমসুং ভিদিওইশিং য়াওনা পীরিবা প্রজেন্তেসনশিং অদু ত্রেনিং অদু লোইবা মতমদা শরুক য়ারিবা মীওই খুদিংমক্তা য়েন্থোকখি।

            জিল্লা অসিনা ব্লোক অহুম, মনিং ওইনা পল্লবদা কলাম্ব (জি.পি. ৩০), ওস্মানাবাদ (জি.পি. ৩৫) অমসুং তুলজাপুর (জি.পি. ৩৫)দগী জি.পি. ১০০ খনগৎখি। ৱার্কসোপ অসিদা গ্রামসেবক ৮৬, অমসুং সর্পঞ্চ অমসুং জলসুরক্সা ১০০ য়াওনা মীওই ২৮৭না শরুক য়াখি।

জল জীবন মিসনগী মখাদা, গ্রাম পঞ্চায়ৎ নত্ত্রগা মসিগী সব-কম্মিতীবু 'সর্বিস দেলিবরী' হায়বদি থক্নবা ঈশিং অপীবা চাং চপ চানা চাং নাইনা অমসুং মতম শাংনা মতীক চানা পীবদা মীয়েং থম্বা 'রেস্পোন্সিবল অমসুং রেস্পোন্সিব' লোকেল লেবেল 'পব্লিক য়ুতিলিতী'নি হায়না শক্তি পীখি।

***