উপ রাস্ত্রপতী ভেঙ্কৈয় নাইদুনা ঙসি দিল্লী য়ুনিবর্সিতীগী ওথোরিতীশিংদা এক্ত্রা করিক্যুলার এক্তিবিতীশিংগী কোতাগী মতাংদা লৈরিবা ৱারেপ অসিবু খন্ননবা অমসুং হৈথোই-শিংথোইবা আর্তিস্তশিংগী সিৎ খাক্তুনা হৌজিক লৈরিবা কোতাগী মওং মতৌ অসি মখা তানা চত্থনবা পাউতাক পীখ্রে। উপ রাস্ত্রপতী অসিনা পাউতাক অসি পার্লিয়ামেন্তকী মীহুৎশিংদগী অমসুং শক্নাইরবা আর্তিস্ত কয়াদগী ৱাকৎ কয়া লাকখিবগী মতুংদা পীখিবনি।

য়ুনিবর্সিতী ওব দিল্লীগী চান্সেল্লরসু ওইরিবা শ্রী নাইদুনা ৱাফম অসি ঙসি অয়ুক রাজস্ত্রপতীবু ফোন তৌরকখিবা দিল্লী য়ুনিবর্সিতীগী প্রো-ভাইস চান্সেল্লর অমসুং দিন কোলেজশিংগা মীফম অমা ফম্লবা মতুংদা হায়খিবনি। মখোয়না উপ রাস্ত্রপতীদা অহানবা চহীগী কোলেজদা মিং চনবা মতমদা এক্সত্রা করিক্যুল্লার এক্তিবিতীগী কোতা পীবগী মতাংদা লৈরিবা চয়েৎনবসিগী মতাংদা শুগাইনা পাউদমখি। উপ রাস্ত্রপতীদা মমাংদসু মসিগী মতাংদা ঐচ.আর.দি. মন্ত্রালয়গী সেক্রেতরীনা পাউদমখ্রবনি।

মীফম অদুগী মনুংদা, উপ রাস্ত্রপতীদা অপন বুক একজামিনেসন সিস্তেম অমসুং রেজিস্ত্রার, কোম্পত্রোল্লর ওব একজামিনেসন, লাইব্রারিয়ন, কোলেজশিংগী প্রিন্সিপালশিং অমসুং অতোপ্পা ওফিসিএলশিংগী হাংদুনা লৈরিবা ফমশিংগী মতাংদসু পাউদমখি। মহাক্না য়ুনিবর্সিতীদা পরিখাগী কেলেন্দর অমসুং য়ুনিবর্সিতী অসিদা লোইরিবা অহাংবা ফমশিং মেনশিনবগী থবক অথুবদা লৌখৎনবা খঙহনখি।

***