কেন্দ্রগী কেমিকেল অমসুং ফর্তিলাইজরগী পি.এস.য়ু. অমা ওইরিবা ফর্তিলাইজর এন্দ কেমিকেল ত্রবাঙ্কোর লিমিতেদ (এফ.এ.সি.তি.)না ২০২০-২১গী অহানবা থা অহুমদা পোৎ পুথোকপা অমসুং য়োনবগী হীরমদা মশক থোকপা থবক অমা পাংথোকখ্রে।

কম্পেনী অসিনা হারগী লল্লোন ইতিক তৌদুনা তোপ অমসুং বতম লাইন ফগৎহন্নবা থৌরাং তৌরি। হৌজিক ফাওবদা কম্পেনী অসিনা হারগী শিপমেন্ত অহুম মপান লমদগী লৈবগী ওর্দর পীখ্রে। মসিগী মনুংদা শিপমেন্ত অনিদি হৌজিক য়ৌরক্তুনা লৈরে। মসিগী শিপমেন্তশিং অসিদা অমনা এম.ও.পি.গী এম.তি. ২৭৫০০ অমসুং অতোপ্পা অমনা কমপ্লেক্স ফর্তিলাইজরগী এম.তি. ২৭৫০০নি। অহুমশুবা শিপমেন্ত অসি এম.ও.পি.গীনি অমসুং ওগস্ততা য়ৌরক্কনি হায়না থাজনরি।

কম্পেনী অসিনা মরু ওইবা য়েংশিনবগী থবকশিং অমসুং ওনলাইন এফ্লুএন্ত মোনিতর তৌনবা ফেসিলিতীশিং খিল্লবা মতুংদা শেনবা চহী ২০২০-২১গী মনুংদা কেপ্রোলেক্তমগী থবক অমুক হন্না হৌনবা থৌরাং তৌরি। প্লান্ত অসিগী চাংয়েং তৌবশু হৌখ্রে।

শেনবা চহী ২০১৯-২০গী মনুংদা এফ.এ.সি.তি.না শেন্দোং, মসিগী মরু ওইবা পোত্থোক ফেক্তাম্ফোস, এমোনিয়ম সলফেৎ  পুথোকপা অমসুং হার য়োনবদা অনৌবা মায় পাকপা ফংখি। চহী অসিগী পনবা য়াবা শিংদিঃ

তর্নওবর

সি.ৱাই. লুপা কোতি ২৭৭০  পি.ৱাই. লুপা কোতি ১৯৫৫

শেন্দোং

সি.ৱাই. লুপা কোতি ৯৭৬ পি.ৱাই. লুপা কোতি ১৬৩

ফেক্তাম্ফোস (এন.পি. ২০:২০:০:১৩) লাখ এম.তি. ৮.৪৫ পুথোকখিবা অসিনা মমাংগী ২০০০-০১দা  খ্বাইদগী  য়াম্না লাখ এম.তি. ৮.৩৮ পুথোকখিবা অদুদগী হেনবা খ্বাইদগী য়াম্না পুথোকপনি।

এমোনিয়ম সলফেৎ লাখ এম.তি. ২.২১ পুথোখখিবা অসিনা চহী ১৯গী মনুংদা খ্বাইদগী য়াম্বনি।

চহী ১৯গী মনুংদা ফেক্তাম্ফোস লাখ এম.তি. ৮.৩৫ অমসুং এমোনিয়ম সলফেৎ লাখ এম.তি. ২.৩৬ য়োনখিবা খ্বাইদগী য়াম্বনি।

চহীসিদা সিতী কম্পোস্ত খ্বাইদগী য়াম্না য়োনখি (এম.তি. ১৩১০৩) অমসুং মমাংগী খ্বাইদগী য়াম্না য়োনখিবা অসিনা এম.তি. ৯৩৭০নি।

হন্দক্কী চহীসিদা কম্পেনী অসিনা হার য়োনবগী থবক নোংচুপ বেঙ্গোল, ওরিশা, মহারাস্ত্রা অমসুং গুজরাত্তা মার্কেতিং নেৎৱর্ক চাউথোক্তুনা পেন-ইন্দিয়াদা শন্দোকপা ঙমখি। অহানবা খোংথাং অমা ওইনা কম্পেনী অসিনা মহারাস্ত্রা অমসুং নোংচুপ বেঙ্গোলদা এমোনিয়ম সলফেৎ য়োনবগী থবকশু হৌখি।

***