نئی دہلی،  7جولائی 2020، ‘سنکلپ پرو ’منانے کی غرض سے ثقافت و سیاحت کے وزیر مملکت (آزادانہ چارج) جناب پرہلاد سنگھ پٹیل نے آج قلعہ رائے پتھورا اور نیشنل آرکائیوز آف انڈیا ،واقع دلی میں پودے لگائے۔ قلعہ رائے پتھورا میں اپنے دورے کے دوران جناب پٹیل نے تاریخی عمارتوں کے احیا کے کام کا جائزہ لیا اور نیشنل آرکائیوز آف انڈیا کے دورے کے دوران انہوں نے وہاں مخطوطات کی بحالی اور احیا کے لیے کیے جارہے کام کا جائزہ لیا۔

“किला रायपिथौरा “दिल्ली में मेरे साथ सभी ने प्रात:पंचवृक्षों ,पीपल,बड़,आँवला,नीम,जामुन के पौधे लगाए ।महाराज पृथ्वीराज चव्हाण जी की प्रतिमा पर पुष्पांजलि अर्पित की।पुनर्उद्धार के कार्यों की समीक्षा महानिदेशक @ASIGoI एवं अधिकारियों के साथ की @PMOIndia @BJP4India @incredibleindia pic.twitter.com/nctk3DgqJq

— Prahlad Singh Patel (@prahladspatel) July 7, 2020

جناب پٹیل نے کہا کہ وزیراعظم جناب نریندر مودی کی جانب سے واضح پیغام ملنے کے بعد وزارت ثقافت 28 جون سے 12 جولائی 2020 کے دوران ‘سنکلپ پرو ’ کا اہتمام کررہی ہے اور وزارت کو توقع ہے کہ اس کے تمامتر ذیلی دفاتر، اکیڈمیاں، اس سے منسلک ادارے اور ملحق ادارے اپنے احاطے یا اپنے قرب وجوار میں، جہاں کہیں بھی ممکن ہوگا، وہاں شجرکاری کریں گے۔ انہوں نے کہا کہ ثقافت کی وزارت نے 5 درخت لگانے کی سفارش کی ہے، جن کی شناخت وزیراعظم نے کی ہے اور یہ وہی درخت ہیں، جو ملک کی جڑی بوٹی ورثے کی نمائندگی کرتے ہیں۔ ان درختوں میں برگد، آنولہ، پیپل، اشوک اور بیل کے درخت شامل ہیں۔

جناب پٹیل نے کہا کہ ادارے کو یہ بات یقینی بنانی چاہیے کہ ہر ایک ملازم ان 5 درختوں کے علاوہ اپنے طور پر اپنی پسند کا کم از کم ایک پودا ضرور لگائے اور یہ پودے وزیراعظم کی تلقین کے مطابق ہی لگائے جانے چاہئیں۔ اداروں کو اس امر کو بھی یقینی بنانا چاہیے کہ ملازم کی جانب سے، جو پودا لگایا جائے، اس پر پورے سال توجہ مرکوز رکھی جائے، تاکہ یہ پودا اپنے قدرتی صورت میں برقرار ہے اور نشوونما اختیار کرسکے۔

‘سنکلپ پرو ’منانے کے اہتمام کو جاری رکھتے ہوئے وزیر موصوف  نئی دلی میں جنترمنتر پر پودے لگائیں گے، ساتھ ہی ساتھ موصوف پنڈت دین دیال اپادھیائے انسٹی ٹیوٹ آف آرکیا لوجی واقع گریٹر نوئیڈا میں بھی کل پودے نصب کریں گے۔

۔۔۔۔۔۔۔۔۔۔۔

U-3767

م ن۔   ت ع۔

(08-07-2020)