কাউন্সিল ওফ সাইন্তিফিক এন্দ ইন্দস্ত্রিএল রিসর্চ (সি.এস.আই.আর.)না লাক্সাই লাইফ সাইন্সেস প্রাভেত লিমিতেদ হাইদরবাদকা খুৎশম্নদুনা ফোর-আর্ম রেন্সমাইজ কন্ত্রোল্দ ফেজ ৩ ক্লিনিকেল ত্রাইএল চত্থনবা রিগুলেতরী এপ্রুভেল নিরক্লে‍। স্তদী অসিগী দিজাইন প্রিন্সিপলদি এন্তিভাইরেলশিং (ভাইরেল-এন্ত্রী অমসুং রেপ্লিকেসন ইনহিবিতর) অমসুং হোস্ত-দাইরেক্তেদ থেরাপিজ (ঐচ.দি.তি.) পুনশিন্দুনা অমদি মথৌ হোংদোক্তুনা লায়না শন্দোকপা অমদি চঙলক্লিবা মহিক্তুবু থিংবা অমসুং দ্রগ অহুম পুনশিনবগী (ফেভিপিরাভির + কোলকিসিন, উমিফেনোভির + কোলকিসিন, অমসুং নাফামোস্তেত + ৫-এ.এল.এ.) শাফবা অমদি কান্নবা খঙদোকপা অমদি কোবিদ-১৯ অনাবশিংগী কেয়রগী স্তেন্দর্দতা চেকশিন্না য়েংশিনবগী ৱাফমশিংনি‍। মুকোভিন হায়না কৌবা মেদান্তা মেদিসিতীগা লম্বা ওইদুনা পাঙথোক্কদবা ক্লিনিকেল ত্রাইএল অসিদা নুমিৎ ১৭ তগী ২১ ফাওবা স্কৃনিং অমসুং লায়েংগী থৌওংশিংদা চত্থগদবা ত্রাইএল অসিদা অনাবা মীওই ৩০০না অনাবা ৭৫না শাবা কাঙলুপ মরি থোক্না য়াওগনি‍।

সি.এস.আই.আর. দি.জি. দা: সেখর সি. মন্দেনা ফোঙদোকখিবদা কম্প্লিমেন্তরী, এদিতিব অমদি সীনর্জিস্তিক রোল লৌবা রিপর্পজ দ্রগ শীজিন্নদুনা চত্থবা তোপ তোপ্পা পুনশিল্লবা লাল্লোং (এন্তিভাইরেল অমসুং ঐচ.দি.তি) অসি কোবিদ-১৯ নারবা মীওইশিংদা লায়েং মখল মশিং হেনগৎহন্নবা অমদি মখোয়বু থুনা ফগৎপা ঙমহন্নবগীদমক লৌখৎপনি‍। মরুওইবা ক্লিনিকেল ত্রাইএল অসিদা খোঙবু ওইরিবা সি.এস.আর.আই. ইনস্তিত্যুৎশিংদি সি.এস.আই.আর.-ইন্দিয়ন ইনস্তিত্যুৎ ওফ কেমিকেল তেক্নোলোজী, হায়দরবাদ অমসুং সি.এস.আই.আর.-ইন্দিয়ন ইনস্‌তিত্যুৎ ওফ ইন্তিগ্রেতিব মেদিসিন, জম্মুনি‍।

লক্সাই লাইফ সাইন্সেসকী সি.ই.ও. দা: রাম এস. উপধ্যায়না হায়খিবদা “স্তদী অসিনা মচা পোকহনবদা মরুওইরিবা ভাইরেল প্রোতিন অমসুং ভাইরেল লাইফ সাইকলদা মরুওইবা শক্লোন লৌরিবা অমদি সাইতোকাইন স্তোর্ম থোকহল্লিবা হোস্ত ফেক্তরদা তার্গেত তৌনবা পান্দম থম্লি‍”‍। লক্সাই লাইফ সাইন্সেসকী এম.দি. মিস্তর ভমসি মদ্দিপত্লানা মখা তাখি, “স্তদী অসিদা লক্সাই লাইফ সাইন্সেসনা স্পোন্সর তৌমিন্নবা অসিনা কম্পেনী অসিনা মীওইবা খুন্নাইগীদমক্তা পুন্সি কনবা য়াবা লায়েং পথাপশিং পুরকপদা লেপ্লিবা খোঙফম অসি তাক্লে”‍।

হায়রিবা ক্লিনিকেল ত্রাইএলশিং অসিনা সি.এস.আই.আর.না লাইচৎ মনুংসিদা লৌখিবা থৌদাং ময়ামদা অমুক্কা অহেনবা থৌদাং হাপচিল্লে অমদি ত্রাইএল অসিনা করিগুমবা মায় পাক্লবদি মসিনা কোবি-১৯ লায়েংবগী মখল হেন্না পীরগন‍ি‍।

*****