এপ্রিল ১১, ২০২০দগী হৌদুনা জুলাই ৬, ২০২০ ফাওবা লোকস্ত সর্কল ওফিসরশিং (এল.সি.ও.শিং)না রাজস্থান, মধ্য প্রদেশ, পঞ্জাব, গুজরাত, উত্তর প্রদেশ অমসুং হরিয়ানা স্তেৎশিং অসিগী লম হেক্তর ১,৪৩,৪২২দা লোকস্ত কন্ত্রোল ওপরেসন চত্থখ্রে। জুলাই ৬, ২০২০ ফাওবা রাজস্থান, মধ্য প্রদেশ, পঞ্জাব, গুজরাত, উত্তর প্রদে, শমহারাস্ত্র, ছত্তিসগর, হরিয়ানা অমসুং বিহার স্তেৎশিংগী স্তেৎ সরকারনা লম হেক্তর ১,৩২,৪৬৫দা লোকস্ত কন্ত্রোল ওপরেসনসু চত্থখ্রে।

জুল ৬-৭, ২০২০গী লোন্নবা অহিংদা রাজস্থানগী জিলা ৭ মদুদি বার্মর, বিকানের, জোধপুর, নাগোর, সিকার, অমসুং জাইপুর হায়রিবশিংগী মফম ২২দা অমসুং উত্তর প্রদেশকী ঝান্সি জিলাগী অমসুং মধ্য প্রদেশকী তিকামগর জিলাগী মফম ১-১দা এল.সি.ও.শিংনা কন্ত্রোল ওপরেসনশিং চত্থখি। মসিগী মথক্তা উত্তর প্রদেশকী স্তেৎ লৌউ-শিংউ বিভাগনা ঝান্সি জিলাগী মফম ৩দা অমসুং মধ্য প্রদেশকী স্তেৎ লৌউ-শিংউ বিভাগনা তিকামগর জিলাগী মফম ১দা মশিং য়ামদবা অমদি চাইথোক্লগা লৈবা কৌজেংশিংদা জুলাই ৬-৭, ২০২০গী লোন্নবা অহিংদা কন্ত্রোল ওপরেসনশিং চত্থখি।

এন্তি-লোকস্ত ওপরেসনশিংগী নোংথক্তগী স্প্রে কাপথোকপগী চাং হেনগৎহনখ্রে। রাজস্থানগী সেদ্যুল্দ দেজর্ত এরিয়াদা মথৌ তাবগী মখা পোন্না বেল হেলিকোপ্তর অমা থাজিনখ্রে। ইন্দিয়ন এয়র ফোর্সনসু এম.আই.-১৭ হেলিকোপ্তর অমা শীজিন্নদুনা এন্তি-লোকস্ত ওপরেসনশিংগী চাংয়েংশিং তৌখ্রে। ফলশিং অদু য়াম্না কান্নবা ওইখি। আই.এ.এফ.না জুলাই ৫দগী হৌনা জোধপুর জিলাদা নোংথক্তগী স্প্রে কাপথোক্নবা এম.আই.-১৭ হেলিকোপ্তর শীজিন্নদুনা এন্তি লোকস্ত ওপরেসনশিংদা শরুক য়াবা হৌখি। ভারতকী কৌজেং লাকশিনবগী থবক-থৌরমশিংগী ইতিহাস্তা মসিনা খ্বাইদগী অহানবা ওইরগনি

মখা তানা, অৱাংবা উ-পাম্বীশিং অমসুং মী চংবদা খুদোংচাদবা মফমশিংদা তিলহীদাকশিং কাপথোক্তুনা কৌজেং লাকশিন্নবা রাজস্থানগী বার্মর, জেসলমের, বিকানের, নাগোর অমসুং ফালোদিদা দ্রোন ১৫গা লোয়ননা কম্পনি ৫ থাজিনখ্রে। কৌজেং লাকশিন্নবা দ্রোনশিং শীজিন্নবা অহানবা লৈবাক ভারতনা ওইরি। তোঙান তোঙানবা ঙাকনা চৎকদবা কাংলোনশিংগী মখাদা এনতি-লোকস্ত কন্ত্রোলগী ওইনা মে ২১, ২০২০দা এম.ও.সি.এ.না রিমোৎনা চল্লাইবা এয়র ক্রাফ সিস্তেম অদু সরকারগী ওইবা মীওইনা শীজিন্নবা য়ানবা কোমথোকখি। মখা তারকপা ওইনা জুন ২৭, ২০২০দা এম.ও.সি.এ.না ঙাকনা চৎকদবা কাংলোনশিং কোমথোক্তুনা ইঞ্জিন্না চল্লাইবা দ্রোনদা কে.জি. ৫০ ফাওবা পুবা য়ানবা অমসুং এন্তি-লোকস্ত ওপরেসনশিংগী ওইনসু নুমিদাংগী মতমশিংদা দ্রোনশিং শীজিন্নবা য়ানবা অয়াবা পীখি।

হৌজিক রাজস্থান, গুজরাত, মধ্য প্রদেশ অমসুং উ্তর প্রদেশকী স্তেৎশিংদা স্প্রে য়াওবা গারিগা লোয়ননা কন্ত্রোল তীম ৬০ মথৌ তৌরি অমসুং কেন্দ্র সরকারগী পর্সনেল ২০০ হেন্না লোকস্ত কন্ত্রোল ওপরেসনশিংদা শীজিন্নরি। মসিগী মথক্তা স্প্রেগী খুৎশু-খুৎলাই ২০ ঙসি ভারত্তা য়ৌরকখ্রে।

১. জোধপুরগী ঝলামান্দদা এল.দবল্যু.ও. কন্ত্রোলগী গারিনা মথৌ তৌবা

২. রাজস্থানগী জোইপুরগী বিরাতনগরদা লোকস্ত কন্ত্রোল ওপরেসন চত্থবা

৩. মধ্য প্রদেশকী শিবপুরিদা এল.দবল্যু.ও. কন্ত্রোলগী গারিনা মথৌ তৌবা

৪. উত্তর প্রদেশগী ঝান্সিগী ছিরগাউদা কৌজেং লাকশিন্নবা স্প্রে কাপথোকপা

৫. রাজস্থানগী জোইপুর-অজমের জিলাগী ঙমখৈদা লৈবা মারৱাদা লোকস্ত কন্ত্রোল ওপরেসন চত্থবা

৬. রাজস্থানগী নাগোরদা কৌজেংগা লান্থেংনরিবা লান্মীশিংগী কাংলুপ অমা

গুজরাত, উত্তর প্রদেশ, মধ্য প্রদেশ, মহারাস্ত্র, ছত্তিসগর, বিহার অমসুং হরিয়ানাদা মহৈ মরোং থোইদোক্না অমাং অতা থোকপগী পাউ লৈতে। অদুম ওইনমক রাজস্থানগী জিলা খরদা মহৈ-মরোং খরা অমাং অতা থোকপগী পাউ লাক্লি।

ঙসি (০৭.০৭.২০২০)দা রাজস্থান স্তেৎকী বার্মর, বিকানের জোধপুর, নাগোর, অজমের, সিকার, অমসুং জাইপুর জিলাশিং, উত্তর প্রদেশকী ঝান্সি জিলা অমসুং মধ্য প্রদেশকী তিকামগরগী মফমদা মপুং ফাদ্রিবা লৈ মচুগী কৌজেং অমসুং মপুং ফারবা হঙ্গাম মপালগী কৌজেংগী শঙ্গু লাকখি।

ফুদ এন্দ এগ্রিকলচর ওর্গনাইজেসনগী ০৩.০৭.২০২০গী লোকস্ত স্তেতস অপদেৎকী মতুং ইন্না, কুমগী নোংজু লাক্ত্রিঙৈ মমাংদা য়াম্লবা য়েনিংথাদা মরুম কোকপা শঙ্গুশিংনা ইনদো-পাক ঙমখৈদা মাইগ্রেৎ তৌখ্রবশিংনা নোংপোক তম্না লাক্তুনা ভারতকী অৱাং থংবা স্তেৎশিং অমসুং কাংবু খরা নেপাল য়ৌখ্রে।মসিগী শঙ্গুশিং অসিনা কুমগী নোংজু লাকপগা লোয়ননা লাক্লিবা নুমিৎ খরা অসিদা ইরান অমসুং পাকিস্তানদগী লাক্কদৌরিবা অতোপ্পা শঙ্গুশিংগা পুন্না রাজস্থানদা হল্লকপা য়াই হায়না মাংজৌননা খঙবা ঙমখ্রে হায়রিবা অসি জুলাইগী ময়াই চল্লকপদা হোর্ন ওফ এফ্রিকাদগী শঙ্গুশিংনা লাক্তুনা য়াওশল্লবা য়াই হায়না পান্নরি। ইন্দো-পাকিস্তান ঙমখৈরোমদা ঙন্না মরুক কোকপা হৌখ্রে মসিদা মশিং য়াম্বা মরুম ওন্দুনা অমদি বেন্দশিং জুলাইদা শেমদুনা ওগস্তকী ময়াই চল্লকপদা কলেনগী শঙ্গুশিংগী অহানবা চারোন শেমহল্লগনি।

খা-নোংচুপ এসিয়াগী লৈবাকশিংগী (অফঘানিস্তান, ভারত, ইরান অমসুং পাকিস্তান) দেজর্ত লোকস্তকী চয়োলগী ওইবা ভর্চ্যুল মীফম এফ.এ.ও.না শীল্লি। হৌজিক ফাওবদা খা-নোংচুপ এসিয়াগী লৈবাকশিংগী ভর্চ্যুল মীফম ১৫ পাঙথোকখ্রে।

***