রক্ষা মন্ত্রী শ্রী রাজনাথ সিংহনা থৌরম মপু ওইদুনা ঙমখৈগী মফমশিংদা শেম-শারিবা তোঙান-তোঙানবা ইনফ্রাস্ত্রকচর খুমাং চাওশিনবগী মতাংদা য়েংশিন্নবগী মীফম অমা ঙসি মফম অসিদা পাংথোকখ্রে। মীফম অদুদা রক্ষাগী সেক্রতরী দা. অজয় কুমার অমদি মন্ত্রালয় অসিগী অতৈ মকোক থোংবা ওফিসিএলশিংসু য়াওখি।

ঙমখৈগী মফমশিংদা মাংজিল থাবা কনেক্তিবিতী অসি য়েংশিনখি অমসুং হৌজিক চত্থরিবা প্রোজেকশিং অসি ইনোৎ হাপ্ননবগীদমক্তা লেপ্তনা মথৌ তাবা অমদি লান্থোংশিনবগী লম্বিশিং, থোংশি অমদি ঙমখৈগী মফমশিদা তনেলশিং শেম্বদা য়াংশিলহন্নবগী মতাংদা খন্নখি। বি.আর.ও.না শেনবা চহি ২০১৮-১৯গা চাংদম্নবদা শেনবা চহি ২০১৯-২০গী মতমদা চাদা ৩০ হেন্না থবকশিং পাংথোকহনখি।

কোবিদ-১৯গী মতমদা অথিংবশিং থমজিনখ্রবা মতমদফাওবা তোঙান-তোঙানবা প্রোজেকশিংদা চৈথেং অমফাওবা লৈহন্দনা বি.আর.ও.না অতৎ-অখম লৈতনা থবক শুখি। চহি ৬০ লিরবা রেকোর্দ অসি থুগাইদুনা হন্দক্কী চহি অসিদা অমুক্তা হান্না থোকখিদ্রিবা মওংদা উন তাখি, মসি ফনমক ওইদুনসু হন্দক্কী চহি অসিদা লান্থোংশিনবগী ফাওনফম অমদি লম্বিশিং পুম্নমক মাগী চাংগী চহিগী চাং অমদা চহিগী ওইনা হাংনগী তাংশিংদগী থা অমগী মমাংদা ত্রাফিক্কীদমক্তা হাংহনখি। বি.আর.ও.না জম্মু অমসুং কাশ্মির, লদ্দাখ, হিমাচল প্রদেশ, সিক্কিম অমসুং অরুনাচল প্রদেশতা লম্বি ১৪৯(কিলোমিতর ৩,৯৬৫)দা তাবা উনশিং শেংদোক্নবা থবক পাংথোকখি। মসিনা ত্রুপশিং অমসুং লোজিস্তিকশিংনা মমাংলোমদা চংশিল্লগা লৈরিবা লমশিংদা থুনা-য়াংনা অমসুং ঙন্না চংশিন্ননবগীদমক নিংথিজনা লেপথোকখি।

বি.আর.ও.না মাগী থবকশিং মায় পাক্না পাংথোকখিবা অসিগীদমক্তা নুংঙাইবা ফোংদোক্লদুনা রক্ষা মন্ত্রীনা মসি হেন্না থাগৎপশিং ফংননবগীদমক মাগী থবকশিং অদু মখা তানা চত্থনবগীদমক পুক্নিং থৌগৎখি। বি.আর.ও.না ইনৌ-নৌবা খুৎশু-খুৎলায়শিং অমসুং মেছিনশিং হাপচিনখি অমসুং প্লাস্তিকশিং, জিওতেক্সতাইলশিংনচিংবা সিমেন্তেসনগী বেজগা লোয়ননা সর্ফেসিং তৌবা থবকশিং অমদি স্লোপ স্তেবিলাইজেসনগীদমক তোঙান-তোঙানবা তেক্নিকশিংদা হেন্না য়াংশিলহন্নবগীদমক্তা মায় পাক্না চাংয়েংশিং তৌরবা মতুংদা অনৌবা শানবগী মেথদশিংদা থবক পাংথোকহনখি। প্রধান মন্ত্রী শ্রী নরেন্দ্র মোদীগী ‘মেক ইন ইন্দিয়া’গী থৌরাং মখাদা গার্দেন রিচ শিপবিলদর্স অমসুং ইঞ্জিনীয়র্স লিমিতেদ(জি.আর.এস.ই.)গী মতেংনা ইরমদমগী ওইবা মওংদা শেম্লবা মোদুলর থোংশিংগীদমক্তা মায় পাক্না চাংয়েংগী মওংদা পাংথোকপা থবকশিং মপুং ফাহনখি। মসিদগী মমাংলোমদা চংশিল্লগা লৈবা মফমশিংদা থোং শানবগী থবকশিংদা অওনবা অমা লাক্লগনি।

শ্রী রাজনাথ সিংহনা লৈবাক অসি ঙাক-শেনবদা বি.আর.ও.না লৌরিবা থৌদাংশিং অদু শিংথাখি।

***