কেন্দ্রগী জল শক্তি মন্ত্রী শ্রী গজেন্দ্রা সিংহ শেখৱতনা অসমগী চীফ মিনিস্তর শ্রী সারবনন্দা সোনোৱলগা লোয়ননা স্তেৎ অসিদা জল জীবন মিসন ইমপ্লিমেন্ত তৌবগী মতাংদা ভিদিও কনফরেন্সকী খুত্থাংদা ঙসি খন্ন-নৈনখ্রে। ভারত সরকারনা লৈবাক অসিগী খুঙ্গংগী মফমশিংদা লৈরিবা মীয়ামদা তঙাই ফদবা সর্ভিসেস ফংহন্দুনা মখোয়গী পুন্সি মহিং ফগৎহন্নবা পান্দম থম্বগা লোয়ননা ফংহন্ননবা হোৎনরি। থক্নবা ঈশিং পীবা হায়বা অসি সর্ভিস দেলিবরি অমনি, মসিদা মরাং কাইনা ফংহনবা, ফংহল্লিবা ঈশিংগী ক্বালিতি অমসুং ঈশিং পীবা অসি মতম চানা চাং নাইনা ফংহন্নবা হোৎননবা মরু ওইবা প্রোগ্রাম জল জীবন মিসন (জে.জে.এম.) অসি ইমপ্লিমেন্ত তৌনবা থবক পাইখৎলি। মিসন অসিগী পান্দমদি মীপুম খুদিংদা য়ৌহনবা অসিনি মদুদি খুঙ্গংগী ইমুং খুদিংমক মখোয়গী য়ুমথোংদা তোতি ইশিং ফংহনবনি।

স্তেৎ অসিগী য়ুমথোং খুদিংদা তোতি ঈশিং ফংহন্নবা পান্দম অসি ২০২৪ ফাওবদা ১০০% য়ৌহনবা ঙম্নবা অসমনা থৌরাং তৌরি। হীরম অসিদা কেন্দ্রগী মন্ত্রীনা স্তেৎ অসিগী সি.এম.গা লোয়ননা মিসন অসিগী থবক থৌরমগী মতাংনা কুপনা খন্নখ্রে। অককনবা মতমগী মনুংদা খুঙ্গংগী মফমশিংদা য়ুমগী তোতি ঈশিং পীনবা পান্দমদা সি.এম.না মিসন অসি ইমপ্লিমেন্ত তৌবগী খোংজেল য়াংশিন্নবা থাজবা পীখ্রে।

খুঙ্গংগী মীয়ামগী পুন্সি ফগৎনবা মিসন অসিগী কান্নবা অদুগী মতাংদা শ্রী শেখৱতনা হৌজিক লৈরিবা ৱাতর সপ্লাই স্কিমশিং অসিগী শেমজিন-শাজিনবা অমসুং চাওথোকনবা অমসুং থবক অসি কেম্পেন মোদতা পাইখৎতুনা হৌজিক লৈরিবা পব্লিক স্তেন্দ-পোস্তশিংদগী য়ুমথোংদা তোতি ঈশিং পীনবা খঙহনখি। রিতর্নী মাইগ্রেন্তশিংদা থবক পীনবা ৱাতর সপ্লাইগী ধবক-থৌরমশিং পাইখৎপা হৌনবা মহাক্না মখা তানা হায়রকখি। ২০২০ দিসেম্বর ফাওবদা স্তেৎ অসিগী অর্সেনিক অমসুং ফ্লোরাইদনা শোকহল্লবা মফম ৩,৮৮১দা থক্নবা অফবা ঈশিং পীনবা মীৎয়েং চংনবা মহাক্না সি.এম.দা হায়খি। জে.ই./এ.ই.এস.না শোকহল্লবা জিলা ১০গী খুঙ্গং ১৪,৭২৫তা পাইপকী ৱাতর সপ্লাই পীনবসু হায়খি।

শ্রী শেখৱতনা কেন্দ্র সরকারনা পান্দম অসি ফংবা ঙম্নবা স্তেৎ অসিদা মতেং পুম্নমক পীগনি হায়না নৌহৌনা নিংশিংখি। জল জীবন মিসনগী ওইনা ভারত সরকারনা তোতি ঈশিং পীবা অমসুং কেন্দ্রগী অমদি স্তেৎকী মেতচিং সিয়রগী লৈরিবা ফন্দশিং অদু শীজিন্নবগী ফমশিংদা য়ুম্ফম ওইরগা ফন্দশিং অসি পীথৈ। স্তেৎ অসি ‘১০০% এফ.ঐচ.তি.সি.শিং’ ওইরবা স্তেৎ অমা ওইহন্নবা অসমগী সি.এম.দা মহাক্কী অঙম্বা মতেং পীগনি হায়না জল শক্তিগী মন্ত্রীনা থাজবা পীরকখি।

অসমগী স্তেৎকী খুঙ্গংগী য়ুমথোং লাখ ৬৩.৩৫কী মনুংদা, লাখ ১.৭২ খক্তদা তোতি ঈশিং ফংহল্লি। অসমনা ২০২০-২১গী মনুংদা য়ুম,থোং লাখ ১৩.১৫দা তোতি ঈশিং পীনবা থৌরাংশিং তৌরি।

-২১দা লুপা কোতি ১,৪০৭ কায়থখি অমসুং স্তেৎকী সিয়র য়াওরগা লুপা কোতি ২,০৭২ লৈরগনি। থবক শুবা অমদি শেল শীজিন্নবগী মখা পোন্না স্তেৎ অসিদা অহেনবা শেল কায়থগনি। অসমদা পি.আর.আই.শিংগী ১৫শুবা ফাইনান্স কম্মিসন গ্রান্তগী মখাদা লুপা কোতি ১,৬০৪ এল্লোকেৎ তৌখ্রে অমসুং মসিগী ৫০% অসি ৱাতর সপ্লাই অমসুং সেনিতেসনগী থবক থৌরমদা শীজিন্নগদবনি, খুঙ্গংগী ৱাতর সপ্লাই, গ্রে ৱাতর মেনেজমেন্ত অমসুং মরু ওইনা মতম শাংনা চল্লাইনবা অমদি ৱাতর সপ্লাই স্কিমশিং য়েংশিন্নবদা মসিগী ফন্দশিং অসি শীজিন্ননবা সি.এম.না থৌরাং তৌনবা কেন্দ্রগী মন্ত্রীনা খঙহল্লকখ্রে।

খুঙ্গংগী ৱাতর সপ্লাই সিস্তেমশিংগী প্লানিং তৌবা, ইমপ্লেমেন্ত তৌবা, শীল-লাংবা, চল্লাইবা অমসুং য়েংশিনবগী থৌদাং লৌনবা য়ামদ্রবদা নুপীগী মীহুৎ ৫০% য়াওবগা লোয়ননা ভিলেজ এক্সন প্লানশিং অমদি ভিলেজ ৱাতর অমসুং সেনিতেসন কম্মিতি/পানি সমিতি শেম্নবা কেন্দ্রগী মন্ত্রীনা সি.এম.দা হায়খ্রে। থক্নবা ঈশিং পীরিবশিং, ৱাতর সপ্লাই সিস্তেমশিং, গ্রে-ৱাতর অমুক হন্না শীজিন্নবা অমসুং চল্লাইবা অমদি মচাক-মথুমশিং শেমগৎপা/চাওথোকপা মরু ওইনা য়াওবা খুঙ্গং পুম্নমক্না ভিলেজ এক্সন প্লান (ভি.এ.পি.) শেম্নবসু হায়রকখি। খুঙ্গং পুম্নমক্তা, জল জীবন মিসন অসি তশেংবা মীয়ামগী ইহৌ অমা ওইহন্নবা মীয়াম মোবিলাইজেসন তৌবগা লোয়ননা আই.ই.সি. কেম্পেন তৌবা মথৌ তারি।

কোবিদ-১৯ লায়চৎ মনুংদা খুঙ্গংগী মীয়ামনা মীয়ামগী ঈশিং শোকফমদা চৎতুনা ঈশিং শোকপগী অৱাবা কোকনবা খুঙ্গংগী য়ুমথোংশিংদা তোতি ঈশিং ফংহনবা খুদোংচাবা পীদুনা হোৎনবা অসি সরকারগী পান্দমনি।

***