গঙ্গা অমুক হিঙ্গৎহন্নবা হোৎনরিবা নমামি গঙ্গে শৌগৎনবা লোন অমা পীনবা ঙসি ভারত সরকার অমসুং ৱাল্দ বেঙ্ক য়ানচে অমা খুৎয়েক পীনখ্রে। অনিসুবা নেসনেল গঙ্গা রিভর বেসিন প্রোজেক অসিনা তুরেল অসি মোৎপদগী কন্নবা অমসুং মীওই মিল্লিয়ন ৫০০ হেন্না খুন্দারিবা তুরেল অসিগী মপান শেমজিন-শাজিনবগী থবকশিং মতেং পাংগনি।

দোল্লর মিল্লিয়ন অসিদা দোল্লর মিল্লিন ৩৮১গী লোন অমা অমসুং দোল্লর মিল্লিয়ন ১৯গী গরেন্তি অমা য়াওরি। দোল্লর মিল্লিয়ন ৩৮১গী লোন অদু ভারত সরকারগী মাইকৈদগী ফাইনান্স মিনিস্ত্রিগী ইকোনোমিক এফেয়ার্স দিপার্তমেন্তগী এদিসনেল সেক্রেতরি সমির কুমার খারে অমসুং ৱাল্দ বেঙ্কগী মাইকৈদগী এক্তিং কন্ত্রি দিরেক্তর(ভারত) ক্বাইসর খান্না খুৎয়েক পীনখি। গরেন্তিগী শরুক অদু তোখাইনা খুৎয়েক পীনগনি হায়রি।

শ্রী খারেনা হায়খি গঙ্গা অসি ভারতকী কলচর, শেন-থুম অমসুং অকোয়বগী য়াম্না মরুওইবা লন অমনি অমসুং তুরেল অসিগী অমোৎপা লৈতবা , অফবা ফিবম অমদা থম্নবা সরকারগী নামামি গঙ্গে প্রোগ্রাম্না থবক পায়খৎলি। অনানবা অমসুং অফবা গঙ্গা অমা ওইহন্নবা লৈবাক্কী অচৌবা থৌরাং অসিদা ভারত সরকার অমসুং ৱাল্দ বেঙ্কগী য়ানচে অসিনা মতেং পাংলগনি।

হৌজিক পায়খৎলিবা নেসনেল গঙ্গা রিভর বেসিন প্রোজেক্কী মখাদা ২০১১দগী সরকারগী থবকশিং ৱাল্দ বেঙ্কনা মতেং পাংদুনা লাক্লি অমসুং তুরেল অসি ফগৎহনবগী থবকশিং নেসনেল মিসন ফোর ক্লিন গঙ্গানা নোদেল এজেন্সি ওইদুনা লাক্লি।

নেসনেল মিসন ফোর ক্লিন গঙ্গাগী দিরেক্তর জেনেরেল রজিব রঞ্জন্না হায়খি অনিসুবা নেসনেল গঙ্গা রিভর বেসিন প্রোজেক্না মখা তানা মতেং পাংলিবা অসিনা অহানবা ৱাল্দ বেঙ্কগী প্রোজেক অসিগী থবক কনখৎহল্লগনি অমসুং তুরেল অমুক হিঙ্গৎহন্নবগী মতাংদা মালেমগী খ্বাইদগী ফবা থবকশিং পাংথোকপদা নেসনেল মিসন ফোর ক্লিন গঙ্গাগী মতেং পাংলগনি।

ভারত্তা লৈবা ৱাল্দ বেঙ্ক কন্ত্রি দিরেক্তর, জুনাইদ অহমদনা হায়খি অহানবা ৱাল্দ বেঙ্ক প্রোজেক্না তুরেল মপান্দা লৈবা সহর ২০দা অমোৎপশিং লোইশিন্নবা মচাক-মথুমশিং শেমগৎপদা মতেং পাংখ্রে অমসুং প্রোজেক অসিনা গঙ্গাগী মশা ওইরিবা তুরেলশিং ফাওবা শেমগৎপদা মতেং পাংখি।

গঙ্গা তুরেলনা ভারতকী অপুনবা ঈশিং লৈবা লৈমায়গী শরুক অহুমগী শরুক অমা ওইরি অমসুং ভারত্তা ঈশিং ফংহনবদা অমসুং চীঞ্জাক ফংহনবদা মরুওইবা ওইরি। ভারতকী জি.দি.পিগী চাদা ৪০ মী কুংনা থাবা তুরেল মপান অসিনা পুথোক্লি। অদুবু হৌজিক গঙ্গা তুরেল অসি মীওইবা অমসুং শেন-থুমগী থবকশিংনা চৈথেং পীবদগী মসিগী ঈশিংগী ফিবম অমসুং ইচেলদা অকায়বা পীরে।

লিদ ৱাতর এন্দ সেনিতেসন স্পিসিএলিস্ত জেবিয়র চৌবোত দে বিউচেনে অমসুং ৱাতর অমসুং সেনিতেসন স্পিসিএলিস্ত উপনিত সিংহনা হায়খি প্রোজেক অসিনা গঙ্গা তুরেল মপানদা অমোৎপা লোইশিন্নবা মচাক-মথুমশিং শেমগৎপদা মতেং পাংগনি। মসিনা তুরেল মপান শেম-শাজিন্নবা খ্বাইদগী নৌবা খুৎলায়শিং শেমগৎপদা নেসনেল মিসন ফোর ক্লিন গঙ্গা মতেং পাংগনি।

গঙ্গাদা থারক্লিবা অমোৎপশিংগী চাদা ৮০ হেন্না তুরেল মপানদা লৈরিবা সহরশিংদগী থাদরকপা অমোৎপা ইমুং-মনুংগী ফত্তবা ঈশিংনি। প্রোজেক অসিনা অখন্নবা সহরগী মফম খরদা সিৱেজ নেতৱার্কশিং শেমগৎপা অমসুং অমোৎপা শেংদোক্নবা প্লান্তশিং শেমগৎপদা মতেং পাংগনি। হায়রিবা মচাকশিং অসিগী শেন থাদবা অমসুং থবক পীবদা কোবিদ-১৯না মরম ওইদুনা ফিবম শোক্লবা ভারতকী শেন-থুমগী ফিবম ফগৎহনবদা মতেং পাংগনি।

হায়রিবা মচাক-মথুমশিং অসি ফজনা মথৌ পাংথোক্নবা অমসুং শীজিন্ননবা প্রোজেক অসি হায়ব্রিদ এন্নুইতি মোদেল(হাম)গী পব্লিক প্রাইবেদ পার্তনরশিপগী মখাদা পায়খৎকনি অমসুং সিৱেজ ত্রিৎমেন্ত প্লান্ত অমা শেমগৎপদা চঙবা অপুনবা শেনফমগী চাদা ৪০ সরকারনা প্রাইবেত ওপরেতরশিংদা পীগনি অমসুং লেমহৌরিবা চাদা ৬০ অদুনা চহি ১৫ হেন্না ওপরেতর অদুনা প্লান্ত অদু ফজনা থবক তৌবগী মতুংইন্না মখোয়গী থবক য়েংলগা পীগনি।

দোল্লর মিল্লিয়ন ৪০০গী শেনফম অসিগী মনুংদা, গঙ্গাগী ত্রিবুতরিশিংদা পায়খৎকদবা হায়ব্রিদ এন্নুইতি মোদেল(হাম)গী পব্লিক প্রাইবেদ পার্তনরশিপ অহুমদা সরকারনা পীগদবা দোল্লর মিল্লিয়ন ১৯গী গরেতন্তি অমা য়াওরি।

দোল্লর মিল্লিয়ন ৩৮১গী লোন অসি অহেনবা চহি ৫গী মতম য়াওনা চহি ১৮.৫ চঙনা শিংগনি। দোল্লর মিল্লিয়ন ১৯গী গরেন্তি অসি চৎনখিবা হৌখিবা নুমিৎতগী চহি ১৮ চৎনগনি।

****