সিবিল সর্বিসেসনা ২০২০দা তশেংনা পান-ইন্দিয়নগী শক্লোন অমা লৌরি মরমদি হৌখিবা চহি খরা অসিদা অয়াম্বা স্তেৎ অমসুং য়ু.তি. পুম্নমক্কী শক্তাক্লি হায়না ঙসি কেন্দ্রগী মিনিস্তর ওফ স্তেৎ (ইন্দিপেন্দেন্ত চার্জ) দিবেলপমেন্ত ওফ নোর্থ ইস্তর্ন রিজন (দোনর), এম.ও.এস. পি.এম.ও., পর্সনেল, পব্লিক গ্রীভান্সেস, পেন্সনস, এতোমিক ইনর্জি অমসুং স্পেস, দা. জিতেন্দ্র সিংহনা ফোঙদোকখ্রে। মহাক্না হায়রি ভারতগুম্বা মখল কয়ানা খুন্দাবা লৈবাক অমগী ওইনদি মসি অচৌবা লন অমনি অমসুং ভারতকী সিবিল সর্বিসেস হৌদোক্লবা মপানি হায়রিবা সার্দর পতেলগী আশাগা চান্নরে। ভিদিও কনফরেন্সকী খুত্থাংদা মুসোরীগী লাল বহাদুর শাস্ত্রি নেসনল একাদেমি ওফ এদমিনিস্ত্রেসনগী আই.এ.এস. প্রোফেস্নেল কোর্স ফেস- II (২০১৮ বেচ) হৌদোক্লবা মতুংদা মহাক্না ৱা ঙাংখি।

দা. জিতেন্দ্র সিংহনা হায়খি ওফিসরশিং অসি প্রধান মন্ত্রী শ্রী নরেন্দ্রা মোদীনা হৌদোকখিবা ন্যু ইন্দিয়া অসিগী আর্কিতেক ওইবগী খুদোংচাবা অমা ফংলগনি। মহাক্না হায় নিংখা তাম্বগী ৭৩শুবা চহি অসিদা ভারতনা চাওথোক্না ইচং থৌনা লেপ্লি অমসুং আশা কয়া অমদি তৌবা ঙম্বা কয়াগা লোয়ননা তুংলমচৎকীদমক লেপ্লি। প্রজাশিংগী অপাম্বা সরকারনা খঙনবা হোৎনবা, ৱাখলদা চাওখৎপগী পান্দম থম্বগা লোয়ননা মখোয়গা পুন্না চংশিন্মিনবা অমসুং লৈরিবা লম খুদিংদা মাই পাক্নবা মখোয়বু ইথিল পীবা পুম্নমক অসিগী মতেংনা জাতি মখল কয়ানা খুন্দারিবা ঐখোয়গী লৈবাক অসি ওইথোকপনি।

দা. জিতেন্দ্র সিংহনা হায় মদুদি হৌখিবা চয়োল ১০রোমদা কোরোনাগী অৱাবা মায়োক্নরবসু ভারতনা লায়চৎ লাক্ত্রিঙৈ মমাংগুম্না হৌজিকসু থবক থৌরম অদুমক চৎথবা ঙম্মী হায়বা মালেমদা উৎলি। ওনলাইনদা হৌদোকপা খ্বাইদগী অহানবা আই.এ.এস. প্রোফেস্নেল কোর্স অসি পল্লদুনা মহাক্না হায় শরুক য়ারিবা ১৮৫কী মনুংদা ১২৫ রোমদি ইঞ্জিনীয়রিং অমসুং অতোপ্পা লমশিংদগী ওইবা অসিদা অপেনবা পোকই অমসুং ভারতনা অনৌবা মতমগী চাওখৎলকপগী শীঙনবশিং অসি থেংনবদা মসিনা কান্নবা পুক্লগনি হায়না মহাক্না ফোঙদোকখি। শ্রীবেচ অসিদা নুপী ওফিসর ৫০ য়াওবা অসিনা নরেন্দ্রা মোদী সরকারনা থৌগৎলিবা মন্ত্রা “নুপীবু থৌনা হাপ্পা” হায়বা অসিগী তশেংবা শাখি ওইরে হায়নসু মহাক্না খঙহনখি।

দা. জিতেন্দ্র সিংহনা হৌখিবা চহি ৫দগী ৬ নিংশিংলদুনা হায় প্রধান মন্ত্রী নরেন্দ্রা মোদীনা লৌখৎপা অনৌবা ৱাখল্লোন কয়া অমনা ভারতকী ফমনাইবশিংদা অনৌবা অওনবা অমদি মায়োল অমদা পুরগনি। মহাক্না মরু ওইনা পন্দুনা হায় থা-অহুমগী কেন্দ্র সরকারগী আই.এ.এস. ওফিসরশিংগী এসিস্তেন্ত সেক্রেতরিশিং ওইনা মখোয়গী কেরিয়র হৌরকপগী চহি খরদা ওইরকপা অসিনা মখোয়গী মথৌনদা চাওনা কান্নবা পীরি। অসিগুম্না ২০১৮দা পুথোকখিবা প্রিবেন্সন ওফ করপসন এক্ত, ১৯৮৮না অচুম্বা চৎপা ওফিসরশিংবু অৱাবা পীবদগী ঙাকথোক্লি লোয়ননা অহানবা ওইনা শেল পীরিবা মীওই অদু এক্ত অসিনা চৈরাক ফংহনগনি। কোবিদ-১৯ লান্থেংনরিবা ফ্রন্তলাইন ৱার্করশিংগী মথৌ তাবা ত্রেনিং পীনবগী শেম্বা দি.ও.পি.তি.গী আই.জি.ও.তি.প্লেৎফোর্মদা হৌজিক ফাওবদা ওফিসর লাখ ২৫ হেনবনা রেজিস্তর তৌবা অসিদা মহাক্না অপেনবা পোকখি। মহাক্না হায় খোংথাং অসিনা আই.এ.এস. ওফিসরবু কোরোনাগী লান্মী অমা ওইনা ত্রেনিং পীবদা মতেং ওইরগনি। মরু ওইবা ইন্দিক্তেরদা য়ুম্ফম ওইবা এস্পিরেস্নেল দিস্ত্রিক্ত ১১৫গী ৱাখল্লোন অসি পুথোক্তুনা দা. জিতেন্দ্র সিংহনা ফঙদোকখি মদুদি সাইন্তিফিক ওইবা মওংদা শাবা মেকানিজম অমদা য়ুম্ফম ওইরগা এস্পিরেস্নেল দিস্ত্রিক্ত খুদিংমক্না মসিগী মরু ওইবা ইন্দিক্তেরশিং অসি ফগৎহনবদা মীৎয়েং থমগদবনি অমসুং পীরিবা ইন্দিক্তেরশিংদা স্তেৎকী ওইনা খ্বাইদগী মথৌ ফজনা তৌবা দিস্ত্রিক্ত অমসুং লৈবাক্কী ওইনা খ্বাইদগী মথৌ ফজনা তৌবা দিস্ত্রিক্তকী রেতিং হেনগৎনবা তৌগদবনি। মহাক্না হায় মসিগী দিস্ত্রিক্তশিং অসি চাওখৎত্রিবা ওইগনি হায়বা লৈতে অমসুং নহা ওইরিবা ওফিসরশিং মফম অসিদা থাদুনা ইন্দিক্তেরশিং অসিনা অওনবা থুনা পুরকপা ঙমগনি।

দা. সঞ্জীব চোপ্রা, এল.বি.এস.এন.এ.এ.গী দিরেক্তর ওইরিবা অসিনা মহাক্কী ৱারোলদা হায় ওনলাইন সেসনশিং তৌনবা ঞ্জান হায়না কৌবা লর্নিং মেনেজমেন্ত সিস্তেম (এল.এম.এস.) অসি এল.বি.এস.এন.এ.এ.দা শীজিন্নৈ। মসি শরুক য়ারিবশিংগী ৱান-পোইন্ত এক্সেস ওনলাইন প্লেৎফোর্ম অমনি। শরুক য়ারিবশিংনা লোগ ইন তৌবা য়াগনি অমসুং কোর্স অসিগা মরী লৈনবা অমা হেক্তা য়েংবা য়াগনি খুদম ওইনা পাৱর পোইন্তশিং, পানবা মেতরিএলশিং, লাইফ ক্লাসশিংগী ভিদিও, এসাইনমেন্তশিং, ক্ব্যিুসশিং, হৌখ্রবা ক্লাসশিং অসিনচিংবা।

চহি অসিগী ফেস IIগী ওইনা পার্তিসিপেন্ত ১৮৫ লৈ। মখোয় কাংলুপ অসিদা চল্লি।

১. ২০১৮ আই.এ.এস. বেচকী ওফিসর ১৭৯

২. ২০১৭ আই.এ.এস. বেচকী ওফিসর ৩ (মমাং চহিগী ফেস II য়াওবা ঙমহৌদবা)

৩. রোয়েল ভুতান সিবিল সর্বিসেসতগী ওফিসর ৩

***