রক্সা মন্ত্রী শ্রী রাজনাথ সিংহনা গৃহ মন্ত্রী শ্রী অমিৎ শাহ অমসুং হকশেল অমসুং য়াইফ য়ুম্বাল মন্ত্রী শ্রী হর্শ ভর্ধনগা লোয়ননা ঙসি ইন্তেন্সিব কেয়র য়ুনিৎ (আই.সি.য়ু.) ফমুং ২৫০গা লোয়ননা ফমুং ১,০০০ থাবা সর্দার বলভভাই পতেল কোবিদ হোস্পিতালদা চৎখ্রে। খুদোংচাবা অসি অতেনবা মতম নুমিৎ ১২দা দিফেন্স রিসর্স অমসুং দিবেলপমেন্ত ওর্গনাইজেসন (দি.আর.দি.ও.)না হোম এফিয়র্স মন্ত্রালয় (এম.ঐচ.এ.), হকশেল অমসুং য়াইফ-য়ুম্বাল মন্ত্রালয় (এম.ও.ঐ.এফ.দবল্যু.) আর্ম ফোর্সেস, তাতা সন্স অমসুং ইন্দস্ত্রী প্লেয়রশিংগা লোয়ননা খুদোল তমখিবনি। রক্সা মন্ত্রী অসি দিল্লীগী মুখ্য মন্ত্রী শ্রী অর্বিন্দ কেজ্রিৱাল অমসুং হোমগী মিনিস্তর ওফ স্তেৎ শ্রী জি. কিশন রেদ্দিগা লোয়ননখি।

শ্রী রাজনাথ সিংহনা হোস্পিতাল অদুদা চৎলুরা মতুংদা অপেনবা ফোঙদোকখি। অতেনবা মতম অসিদা অসিগুম্বা খুদোংচাবশিং অসি শেমগৎপগী স্তেকহোল্দরশিংনা হোৎনখিবা অদুবু মহাক্না থাগৎপা ফোঙদোকখি। লৈবাক্কী কোনুং অসি অনা লায়েং মথৌ তাবা অনাবশিংগা লোয়ননা হৌজিক কোবিদ-১৯ অনাবা মশিং হেনগৎপা থেংনরিবনি। কোবিদ-১৯ অনাবশিংগী দিল্লীগী হোস্পপিতালশিংগী হৌজিক লৈরিবা ফমুংগী মশিং অসি অথুবা মতমদা হেনগৎনবা নুমিৎ ১৪দগী অতেনবা মতমগী মনুংদা ফমুং ১,০০০ অমা লৈবা হোস্পিতাল অমা পীনবা এম.ঐচ. এ. অমসুং এম.ও.দি. অনিগী মরক্তা খনখি। দি.আর.দি.ও.দা হোস্পিতাল অসি শেমগৎনবা খংহনখি।

মসি লানগী ওইবা মওংদা দিজাইন, দিবেলপ অমসুং চল্লাইবা অদুগুম্না শাখি। ইন্দিয়ন এয়র ফোর্স (আই.এ.এফ.)তগী অয়াবা লৌরবা মতুংদা ন্যু দিল্লী দোমেস্তিক এয়রপোর্ত তর্মিনল তি.১.গী মনাক্তা লৈবা লম অসি লৌখৎখি অমসুং কন্ত্রোল্লর জেনেরল ওফ দিফেন্স একাউন্তস (সি.জি.দি.এ.) হেদক্বাতর্সকা থংনবা উলান বতার রোদতা লৈবা মফম অসিদা জুন ২৩দগী দি.আর.দি.ও.না শেমগৎপগী থবক হৌখি।

হোস্পিতাল অসি আর্ম ফোর্সেস মেদিকেল সর্ভিসেস (এ.এফ.এম.এস.)গী দোক্তরশিং, নর্সশিং অমসুং মতেং পাংনবা স্তাফকী মেদিকেল তীমনা চল্লাইগনি অদুগা ফেসিলিতি অসিবুনা দি.আর.দি.ও.না য়েংশিনগনি। অহেনবা ওইনা অনাবশিংগী পুক্নিং ৱাখল নুংঙাইনা লৈহন্নবা হোস্পিতাল অসিদা দি.আর.দি.ও.না চল্লাইবা সাইকোলোজিকেল কাউন্সিলিং সেন্তর অমসু থমখ্রে।

দিস্ত্রিক্ত এদমিনিস্ত্রেসননা রিফর তৌরকপা কোবিদ-১৯গী অনবশিং ফেসিলিতি অসিদা এদমিৎ তৌদুনা অমদি শেল তিংদনা লেম্না লাইয়েংগনি। ফীম লুবা কেসশিংনা ওল ইন্দিয়া ইন্সতত্যুৎ ওফ মেদিকেল সাইন্সেস (এমস), ন্যু দিল্লীদা রিফর তৌগনি।

প্রোজেক্ত অসিগী ফন্দগী অচৌবা শরুক্তি তাতা সন্সনা থাদরি। অতোপ্পা ফন্দ অসিদা শরুক তম্লকপশিং অদুদি ভারত ইলেক্ত্রোনিক্স লিমিতেদ (বেল), ভারত দাইনমিক্স লিমিতেদ (বি.দি.এল.), অস্ত্রা মাইক্রোৱেফ প্রদক্তস লিমিতেদ (এ.এম.পি.এল.), শ্রী ভেঙ্কতেস্বরা ইঞ্জিনীরস, ব্রাহমোস প্রাইবেৎ লিমিতেদ, ভারত ফোর্জ অমসুং দি.আর.দি..গী এমপ্লোইয়ীশিংনা মশানা তলপকী নোংমগী শেল অদু কৎলকখি।

তোপ-তোপ্পা কেন্দ্রগী ওইবা এয়র-কন্দিসন ওইবা মেদিকেল ফেসিলিতি অসি স্ক্যের মিতর ২৫,০০০ পাকই অমসুং আই.সি.য়ু. বেদ ২৫০ লৈ। আই.সি.য়ু. বেদ খুদিংমক মোনিতরিং ইক্বিপমেন্ত অমসুং ভেন্তিলেতর য়াওই। লাইনা শন্দোক্তুনা খুদোংথিহন্দনবা ইনফ্রাস্ত্রকচর অসি নেগেতিব ইন্তর্নেল প্রেসর গ্রেদিয়নগা লোয়ননা শাখি। ওক্তানোর্ম মোদ্যুলসতা য়ম্ফম ওইবা রেপিদ ফেব্রিকেসন তেক্নিক শীজি্নদুনা ফেসিলিতি অসি শাখি।

হোস্পিতাল অসিদা রিসেপসন লোয়ননা পেশেন্ত এদমিসন ব্লোক তোঙাননা লৈ, ফার্মাসি অমসুং লেবোরেতরি য়াওবা মেদিকেল ব্লোক, মথৌ তৌরিবা দোক্তরশিং অমসুং নর্সশিংগী লৈফ, অমসুং বেদ ২৫০-২৫০ থাবা মোদ্যুলর পেশেন্ত ব্লোক মরি লৈ। দোক্তরশিং অমদি স্তাফনা চত্থোক-চৎশিন তৌবগা অনাবা মীওইশিংনা চত্থোক-চৎশিন তৌফমগা তোঙান থম্নবা কোরিদোরগী নেৎৱারক লৈরি। অনাবা মীওইশিং অমসুং ফেসিলিতি অসিগী পর্সনেলনা লাইনা শীজিন্নবা য়ানবা সেনিতেসন ফেসিলিতিশিং অমদি তোইলেৎশিং অসি ব্লোকশিংগী মরক্তা থম্মী।

পেশেন্তশিংগী ব্লোকশিং অসি অনাবশিং অমদি মেদিকেল ক্যের স্তাফকী খুদোংচাবশিংগী অৱাৎপা লৈতে। অনাবাদা ফংহল্লিবা খুদোংচাবশিং অসিদা বেদ খুদিংদা ওক্সিজেন সপ্লাই য়াওবা, এক্স-রে, ইলেক্ত্রোকার্দিওগ্রাম (ই.সি.জি.), ঐমাতোলোজীকেল তেস্ত ফেসিলিতিশিং, ভেন্তিলেতরশিং, কোবিদ তেস্ত লেব, ৱিল চ্যেরশিং, স্ত্রেচরশিং অমসুং অতোপ্পা মেদিকেল ইক্বিপমেন্ত য়াওরি। সি.আর.দি.ও.না কোবিদ-১৯গী তেক্নোলোজীশিং দিবেলপ তৌদুনা ইন্দস্ত্রীনা থা ৩দা পুথোক্লিবা ভেন্তিলেতরশিং, দিকোন্তামিনেস তর্নেলশিং, পর্সনেল প্রোতেক্তিব ইক্বিপমেন্ত (পি.পি.ই.শিং), এন৯৫ মাস্কশিং, কন্তেক্ত-ফ্রী সেনিতাইজর দিসপেন্সরশিং, সেনিতাইজেসন চেম্বরশিং অমসুং মেদিকেল রোবোৎ ত্রোলীশিং অসিগুম্বা অসি ফেসিলিতি অসিদা শীজিন্নগনি।

ফেসিলিতি অসিদা সেক্যুরিতি স্তাফশিং, ক্লোস-সরকিৎ তেলিভিজন (সি.সি.তি.ভি.) সর্বিলেন্স অমসুং কন্ত্রোল সিস্তেমশিং লৈহনগনি। হোস্পিতাল অসিদা মৈহৌ লাংপোক্তগী ঙাকথোক্নবা চেকশিল থৌরাং অমসুং কন্ত্রোল সিস্তেম য়াওরি। মহৌশাদা খুদোংথিবা থোক্তনবা অমসুং ৱেস্ত দিস্পোজেলগী প্রোসেসশিং চল্লাইনবা মওংদা দিজাইন তৌদুনা শাখি। স্তাফ, মীয়াম, এমব্যুলেন্স অমসুং ফাইয়র ফাইত্তিং সের্ভিসেসকীদমক অচৌবা পার্কিংগী মফম অমসুং লৈরি।

হোস্পিতাল অসি নুমিৎ ১২দা শাদুনা ঙসিদগী চল্লাইবা হৌখ্রে। হোস্পিতাল অসি শীজিন্নবনা দিল্লীগী কোবিদ-১৯গী বেদ মশিংদা অহেনবা ওইনা চাদা ১১ হেনগৎহনখি, মসিনা হৌজিক ওইরিবা অরুবা ফীভম অসি মায়োকনবা ঙমহল্লগনি।

হোস্পিতাল অসি ইমর্জেন্সি অসি মায়োকনবা ঙম্নবা দি.আর.দি.ও., এম.ঐচ.এ., এম.ও.ঐচ.এফ.দবল্যু, আর্ম ফোর্সশিং, ইন্দস্ত্রী, সাউথ দিল্লী ম্যুনিসিপাল কোর্পরেসন (এস.দি.এম.সি.) অমসুং দিল্লী এদমিনিস্ত্রেসননা পুন্না হোৎনখিবগী ওইথোকপা ঙমহনবা তোপ-তোপ্পা হোৎনজমন অমনি। অথোইবা মীথুংলেনশিংদা দি.আর.দি.ও.গী চ্যেরমেন দোক্তর জি. সতিশ রেদীনা ফেসিলিতিশিং অসিগী মরমদা শুগাইনা তাকখি।

*****