হনী য়েরবা মনাদগী খায়দোক্লগা শেমবা অমদি নন-কেলোরিক নেচরেল স্বীত্নর, স্তেভিওসাইদ (এস.তি.ই.)না ঐখোয়গী পুন্সিদা লম্বী অমদগী হেন্না অথুমবা মহাউ পীবা ঙমগনি হায়না সাইন্তিস্তশিংনা হায়রি‍।

ভারত লৈঙাক্কী দিপার্তমেন্ত ওফ সাইন্স এন্দ তেক্নোলোজীগী মনীং তমবা ইনস্তিত্যুৎ অমা ওইরিবা ইনস্তিত্যুৎ ওফ নেনো সাইন্স এন্দ তেক্নোলোজী (আই.এন.এস.তি.)গী থিজিল্লোয়শিংনা ইকুই কুইদ্রিঙৈদা পাঙথোকখিবা স্তদী অমদা হনী য়েরবা (‘স্তেভিয়া রেবোদিয়ানা স্তেভিওসাইদ’)কী মনাদা য়াওবা মহৌশাগী মনা-মশীংদা য়ুম্ফম ওইবা গ্লাইকোসাইদ স্তেভিওসাইদ অসিদা নেনো পার্তিকলশিং কোত তৌশিনবা মতমদা মেগ্নেতিক হাইপরথর্মিয়া-মেদিএতেদ কেন্সর থেরাপী (এম.ঐচ.সি.তি.)বু হেন্না মতিং লৈহনবা ঙমই হায়বা ফংবা ঙমখ্রে‍।

এম.ঐচ.সি.তি.গী থৌওংনা চত্থবা কেন্সর লায়েং পথাপ অসি রুতিন ওইনা শীজিন্নবা সর্ফেক্তেন্ত মোএতীজ (ওলিএক এসিদ অমসুং পোলিসোর্বেত-৮০)গী মহুত্তা মেগ্নেতিক নেনোপার্তিকলশিং শীজিন্নদুনা ত্যুমর তিসুদা মৈশা পীশিন্দুনা চত্থবনি অমদি মসি মেগ্নেতিক নেনোপার্তিকলশিং য়াওরবা এ.এম.এফ. (অল্তরনেতিং মেক্নেতিক ফিল্দ)দা এক্সপোজর পীদুনা ত্যুমর মফম খন্দোক্লগা মৈশা পীশিনবগী থৌওংদা য়ুম্ফম ওইবনি‍।

রুবী গুপ্তা অমসুং দীপিকা শর্ম্মনা ইন্তরনেসনেল জর্নেল ওফ হাইপোথর্মিয়াদা ফোঙখিবা মখোয়গী রিছর্চতা বাইওসর্ফেক্তেন্ত অমা ওইরিবা স্তেভিওসাইদদা কেনোপার্তিকলশিং কোত তৌশিনবনা গ্লাইওমা সি৬ কেন্সর সেলশিংদা (গ্লাইএল কেন্সর সেলগী খ্বাইদগী য়াম্না ফংবা অমদি শাথিবা মওং অমা) নেনো-মেগ্নেত চুপশিনবগী চাং হেনগৎহনবতা নত্তনা ফাজিন্দুনা থম্বগী মতমসু হেনগৎহল্লি‍। থিজিল্লোইশিংদুনা স্তেভিওসাইদ স্ত্রকচরবু মেগ্নেতিক নেনোক্লস্তর সিন্থেসাইজকীদমক হেন্না ফবা বাইওসর্ফেক্তেন্ত ওইহন্নবগীদমক লেবতা শেমদোকপনি‍। থৌওংসিগা মরী লৈনবা ৱারোলশিং জর্নেল ওফ এ.সি.এস. মোলিক্যুলর ফার্মাসিউতিক্সতা থাজিনখ্রে‍।

স্তেভিওসাইদ কোতিং তৌবনা মেগ্নেতিক নেনোপার্তিকলশিংগী পার্তিকল সাইজ হন্থহন্দুনা কেলোরিমেত্রিক হাইপরথর্মিয়া থৌওংদা মশক থোক্না হেনগৎহনবগী মওং উত্তুনা মেগ্নেতিক হাইপপরথর্মিয়া-মেদিএতেদ কেন্সর থেরাপী হেন্না কনশিনহল্লি‍। মেগ্নেতিক নেনোপার্তিকলশিং অল্তরনেতিং মেগ্নেতিক ফিল্দদা এক্সোজর পীবনাশাবগী চাং ৩৭দগী ৪২-২৫^০ সেলসিয়সতা হেনগৎহনবগা লোয়ননা অকক্নবা ইন্ত্রাসেলুলর অমসুং এক্সত্রাসেলুলর দিগ্রেদেসনগী থৌওং এক্তিভেত তৌদুনা ত্যুমর সেলশিং শিহল্লি‍।

এ.এম.এফ.গী মখাদা চুনবা মৈশা ফংনবগীদমক্তা পার্তিকল সাইজকী খুত্থাঙদা নেন,পার্তিকল অমগী মেগ্নেতিক প্রোপরতিশিং নীংথিনা কন্ত্রোল তৌবা অসি মেগ্নেতিক হাইপরথর্মিয়া-মেদিএতেদ কেন্সর থেরাপীগী মরুওইবা তাঙ্কক অমনি‍। স্তেভিওসাইদবু কান্নরবা বাইওসর্ফেক্তেন্ত অমা ওইনা শীজিন্নবনা পার্তিকল সাইজ কন্ত্রোল তৌদুনা এফ.ই_৩ও_৪ নেনোপার্তিকলশিংগী মেগ্নেতিক প্রোপরতীশিং কন্ত্রোল তৌই হায়বা ৱাফমসি আই.এন.এস.তি.কী কাঙবু অদুনা উৎখ্রে‍।

স্তেভিওসাইদ-কোতেদ নেনোপার্তিকলশিংগী, মেগ্নেতিক কন্তেন্তকী য়ুনিত মাস অমনা থাদোরকপা পৱার (দব্লিউ/জি) হায়না শক্তাকপা, স্পেসিফিক এবজোর্পসন রেত (এস.এ.আর.)গী খুজিংদা ওনবা হাইপরথর্মিয়া আউতপুত অসি, হান্না লৈরিবা নেনোসিস্তেমগী ফিল্দ স্ত্রেঙ্গথ ৪০৫ কিলোহর্জ অমসুং ১৬৮ ও.ই.দগী মশক থোক্না ৱাংনা ৩৯১৩.৫৫ দব্লিউ/জি এফ.ই.গী চাংদা ফংবা ঙমখি‍। স্তেভিওসাইদ কোতিং তৌবনা থর্মেল ফ্লকচুএসন হেনগৎহন্দুনা সিন্থেসাইজ তৌরবা নেনোমেতরিলগী মেগ্নেতিক স্পিনগী স্বিতচিং স্পীদ হেনগৎহল্লি অমদি অতৈ নেনোসিস্তেমগা য়েংনবদা হেন্না ৱাংবা মৈশা পুথোকই‍।

নেনো-মেগ্নেতকী হাইপরথর্মিয়া আউতপুত অসি নেনোপার্তিকলশিং এগ্গ্লেমেরেত তৌবদা শাথিনা হন্থহল্লি‍। মরম অসিনা আই.এন.এস.তি. কাঙবু অদুনা ক্লিনিকেল এপ্লিকেসনদা নেনোতেক্নোলোজীদা য়ুম্ফম ওইবা থৌওং শীজিন্নবা – শীজিন্নরিবা পোৎচাকশিংগী বাইওকম্পেতিবিলিতী অমসুং হায়রিবা নেনো-সিস্তেমসিগী লায়েংবদা ফংবা মহৈগী মতাংদা লৈরিবা মরুওইবা খুদোংচাদবা অনি কোকহন্নবা বাইওমোলিক্যুল অমা য়াওবা ঈশিংদা য়ুম্ফম ওইবা নেনোমেতরিএল সর্ফেক্তেন্ত ওইনা শেমগৎখি‍। স্তেভিওসাইদ অসি এন্তিহাইপরগ্লাইসেমিক, ইম্ম্যুনোমোদুলেতরী, অমসুং এন্তিত্যুমর এক্সন উত্থোকপগীদমক ময়ামদগী তোঙান্না শকখঙনৈ‍। মরম অসিনা স্তেভিওসাইদ শীজিন্নদুনা মেগ্নেতাইত নেনোপার্তিকলশিংগী সর্ফেস মোদিফিকেসসন তৌবনা কেন্সর সেলশিংদা মায়কৈ অনিদা হায়বদি মেগ্নেতাইততা য়ুম্ফম ওইবা কেন্সর লায়েং অমসুং পার্তিকলশিংদা স্তেভিওসাইদ কোতিং তৌবনা পীবা এন্তিত্যুমর ইফেক্ততা তার্গেত তৌবা ঙমবা য়াই‍।

স্তেভিওসাইদ-কোতেদ নেনোপার্তিমলশিং অসিনা গ্লাইওমা সেলশিংগী মনুংদা চুপশিনবগী অমদি সেলুলর পর্সিস্তেন্স খ্বাইদগী ৱাংনা পুং ৭২ চুপ্না লৈবগী ফীভম মায় পাক্না উৎলে‍। মরমু অদুনা রিছর্চ অসিনা তাক্লিবদি নেনো-মেগ্নেতশিং সেল মনুংদা মতম কুইনা (পুং ৭২ ফাওবা) লৈবা ঙমদুনা মদুগী মনুংদা কেন্সর থেরাপীগী মখাতাবা থৌওংশিং মেনোমেতরিএলশিং শীজিন্নদনা চত্থবা য়াহল্লি হায়বসিনি‍।

পব্লিকেসন:

[পব্লিকেসন লিঙ্ক:

https://www.tandfonline.com/doi/full/10.1080/02656736.2019.1565787

DOI:10.1080/02656736.2019.1565787.

মখাতাবা অকুপ্পা ৱারোলগীদমক দীপিকা শর্ম্মগা (deepika@inst.ac.in) পাও ফাওনবা য়াগনি‍।]

*****