কেন্দ্রগী জল শক্তি মন্ত্রী শ্রী গজেন্দ্রা সিং শেখাৱতনা হিমাচল প্রদেশকী চীফ মিনিস্তর শ্রী জাইরাম থাকুরগা জল জীবন মিসন ইমপ্লিমেন্ত তৌবগী মতাংদা ঙসি ভিদিও কনফরেন্সকী খুত্থাংদা খন্নখ্রে। লৈবাক অসিগী খুঙ্গংগী মফমশিংদা লৈরিবা মীয়ামগী পুন্সি মহিং ফগৎনবা পান্দমগা লোয়ননা ভারত সরকারনা মরু ওইবা তঙাই ফদবা সর্ভিসশিং পীনবা হোৎনরি। থক্নবা ঈশিং ফংহনবা হায়বা অসি সর্ভিস দেলিবরি অমনি, মসিদা পীরিবা ঈশিংগী চাং অমদি ক্বালিতি অমসুং চাং নাইনা ঈশিং পীবা ঙম্নবা জল জীবন মিসন (জে.জে.এম.) অসি ইমপ্লিমেন্ত তৌরি। মিসন অসিগী পান্দমদি মীপুম খুদিংদা য়ৌহনবনি অমসুং ‘মীচং-মীখাই নাইদনা অমসুং মফম খুদিংদা য়ৌহনবা’ হায়বা অসিদা মীৎয়েং থম্লি মদুদি খুঙ্গংগী ইমুং খুদিংমক্তা তোতি ঈশিং ফংহনবা অমসুং অমত্তা চিত্থদবা হায়বনি।

লৈবাকনা থম্লিবঅ ২০২৪ ফাওবা হায়বা পান্দমগী মমাংদা হিমাচল প্রদেশনা ২০২২ ওগস্ত ফাওবা তোতি ঈশিং য়ুমথোং পুম্নমক্তা ১০০% ফংহন্নবা থৌরাং তৌরি। অসুম তৌদুনা, খুঙ্গংগী য়ুমথোং খুদিংদা তোতি ঈশিং পীবগী অচৌবা পান্দম অসি ফংবা ঙম্বগী মাংজিল থারিবা স্তেৎশিংগী মরক্তা হিমাচল পরদেশসু অমা ওইরগনি। হীরম অসিগী মতাংদা কেন্দ্রগী মন্‌রীনা স্তেৎ অসিগী সি.এম.গা লোয়ননা ৱারী শাখি অমসুং পীরিবা মতম অসিগী মনুংদা থম্লিবা পান্দম ফংবা ঙম্নবা স্তেৎকী খুঙ্গংশিংগী থক্নবা ঈশিং ফংহন্নবা থবকশিং খোংজেল য়াংশিল্লগনি হায়না সি.এম.না থাজবা পীখ্রে।

স্তেৎ অসিদা হৌজিক ফাওবদা য়ুমথোংদা তোতি ঈশিং ফংহনবগী থবক্কী ফীভম অসিবু থাগৎলদুনা, খুঙ্গংগী ৱাতর সপ্লাই সিস্তেমশিং মচাক-মথুমশিংগী প্লানিং তৌবা, ইমপ্লেমেন্ত তৌবা, শীল-লাংবা, চল্লাইবা অমসুং য়েংশিনবগী থৌদাং লৌনবা ভিলেজ এক্সন প্লানশিং শেম্বা লোয়ননা য়ামদ্রবদা নুপীগী মীহুৎ ৫০% য়াওবগা লোয়ননা ভিলেজ ৱাতর অমসুং সেনিতেসন কম্মিতি/পানি সমিতি শেম্নবা কেন্দ্রগী মন্ত্রীনা থম্লকখ্রে। থক্নবা ঈশিং পীরিবশিং, ৱাতর সপ্লাই সিস্তেমশিং, গ্রে-ৱাতর অমুক হন্না শীজিন্নবা অমসুং চল্লাইবা অমদি মচাক-মথুমশিং শেমগৎপা/চাওথোকপা মরু ওইনা য়াওবা খুঙ্গং পুম্নমক্না ভিলেজ এক্সন প্লান (ভি.এ.পি.) শেম্নবসু হায়রকখি।

ৱাতর সপ্লাই সিস্তেমশিং চল্লাইবা অমসুং য়েংশিনবগী তোঙান তোঙানবা হীরমশিং অমসুং মফম অদুগী মীয়াম্না লৌগদবা থৌদাংগী মরমদা শ্রী শেখাৱতকা খন্নখি। মহাক্না সি.এম.দা গ্রেবিতিদা য়ুম্ফম ওইবা অমসুং লোক লৈবা মফমদা য়ুম্ফম ওইবা ঈশিং ফংহন্নবা সিস্তেম মরম শাংনা চৎনবা থৌরাং তৌ হায়না সি.এম.দা খঙহল্লকখি। খুঙ্গং খুদিংদা মীওই ৫ মরু ওইনা নু্পী ৫বু ফিল্দ তেস্ত কিত্তা বেজ তৌবা খুঙ্গংগী থাক্তা পীরিবা ঈশিং তেস্ত তৌনবা অসি শীজিন্ননবা ত্রেন তৌনবা মখা তানা খঙহল্লকখি।

হিমাচল প্রদেশ স্তেৎকী খুঙ্গংগী য়ুমথোং লাখ ১৭.০৪গী মনুংদা য়ুমথোং লাখ ৯.৫২ (৫৫.৮৭%) এফ.ঐচ.তি.সি.শিং ফংহনখ্রে। ২০২০-২১গী মনুংদা, লেমহৌরিবা য়ুমথোং লাখ ৭.৫২গী মনুংদা য়ুমথোং লাখ ২.৪৪তা হিমাচল প্রদেশনা তোতি ঈশিং ফংহন্নবা থৌরাং তৌরি। চৎলিবা চহি অসিদা স্তেৎ অসিদা লৈরিবা খুঙ্গং ১৭,২৫০গী মনুংদা খুঙ্গং ৪,৩১৩তা তোতি ঈশিং ফংহন্নবা স্তেৎনা থৌরাং তৌরি।

২০২০-২১দা লুপা কোতি ৩২৬.২০ কায়থরকখ্রে অমসুং স্তেৎকী শরুক্কা লোয়ননা লুপা কোতি ৩৭১ লৈরগনি। স্তেৎনা থবক শুবা অমসুং শেল শীজিন্নবগী মখা পোন্না অহেনবা কায়থবগী অয়াবা পীগনি। হিমাচল প্রদেশতা পি.আর.আই.শিংগী ১৫শুবা ফাইনান্স কম্মিসন গ্রান্তগী মখাদা লুপা কোতি ৪২৯ কায়থখ্রে অমসুং মসিগী ৫০% অসি ৱাতর সপ্লাই অমসুং সেনিতেসনগী থবক থৌরমদা শীজিন্নগদবনি, খুঙ্গংগী ৱাতর সপ্লাই, গ্রে ৱাতর ত্রীৎমেন্ত অমদি অমুক হন্না শীজিন্ননবা অমসুং মরু ওইনা মতম শাংনা চল্লাইনবা অমদি ৱাতর সপ্লাই য়েংশিন্নবদা মসিগী ফন্দশিং অসি শীজিন্ননবা সি.এম.না থৌরাং তৌনবা কেন্দ্রগী মন্ত্রীনা খঙহল্লকখ্রে।

কোবিদ-১৯ লায়চৎনা ওইহল্লিবা ফীভম অসিগী মনুংদা খুঙ্গংগী মীয়াম্না মীয়ামগী ঈশিং শোকফমদগী ঈশিং শোকপগী অৱাবা কোকহন্নবা খুঙ্গংগী মফমশিংদা খুদোংচাবা পীদুনা তোতি ঈশিং য়ুমথোংদা ফংহনবা হোৎনবা অসি সরকারগী পান্দমনি।

***