লোকস্ত কন্ত্রোল ওপরেসনশিং রাজাস্থান, মধ্য প্রদেশ, পঞ্জাব, গুজরাত, উত্তর প্রদেশ অমসুং হরিয়ানাগী লম হেক্তর ১,৩২,৭৭৭দা লোকস্ত সর্কল ওফিসশিং (লে.সি.ও.শিং)না এপ্রিল ১১, ২০২০দগী হৌদুনা জুলাই ২, ২০২০ ফাওবা চত্থখি। জুল ২-৩, ২০২০গী লোন্নবা অহিংদা রাজাস্থানগী জিলা ৭ মদুদি জেসলমার, বার্মর, জোধপুর, নাগোর, সিকার, জাইপুর অমসুং আলৱার হায়রিবশিংগী মফম ১৯দা অমসুং মধ্য প্রদেশকী তিকামগর জিলাগী মফম ২দা এল.সি.ও.শিংনা কন্ত্রোল ওপরেসনশিং চত্থখি।

স্তেৎ সরকারশিংনা লোকস্ত কন্ত্রোল ওপরেসনশিং মথং-মথং চত্থখ্রে। জুলাই ২, ২০২০ ফাওবদা, রাজাস্থান, মধ্য প্রদেশ, পঞ্জাব, গুজরাত, উত্তর প্রদেশ, মহারাস্ত্র, ছত্তিসগর, হরিয়ানা অমসুং বিহার স্তেৎশিং অসিগী লম হেক্তর ১,১৩,০০৩দা স্তেৎ সরকারশিংনা কন্ত্রোল ওপরেসন চত্থখ্রে। রাজাস্থানগী স্তেৎকী লৌউ-শিংউ বিভাগনা কারোলি, সাৱাই, মোধোপুর, পালি অমসুং ধোলপুর জিলাগী মফম ৪দা মশিং য়াম্নদবা অমদি চাইথোক্লিগা লৈবা কৌজেংশিংদা জুলাই ২-৩, ২০২০গী লোন্নবা অহিংদা কন্ত্রোল ওপরেসনশিং চত্থখি।

রাজাস্থান, জোধপুর- শেরগরদা দ্রোন ওপরেসন

রাজাস্থান, জোধপুর- দেচুদা লোকস্ত কন্ত্রোল ওপরেসন

হৌজিক রাজাস্থান, গুজরাত, মধ্য প্রদেশ অমসুং উ্তর প্রদেশদা স্প্রে য়াওবা গারিগা লোয়ননা কন্ত্রোল তীম ৬০ মথৌ তৌরি; কেন্দ্র সরকারগী পর্সনেল ২০০ হেন্না লোকস্ত কন্ত্রোল ওপরেসনশিংদা শীজিন্নরি। মখা তাবা ওইনা, অৱাংবা উ-পাম্বীশিং অমসুং চংবদা খুদোংচাদবা মফমশিংদা কৌজেংশিং মপুং ফানা লাকশিন্নবা তিলহীদাকশিং কাপথোক্নবা রাজাস্থানগী বার্মর, জেসলমর, বিকানের, নাগোর অমসুং ফালোদিদা দ্রোন ১২গা লোয়ননা কম্পনি ৫ দিপ্লোই তৌখ্রে।

গুজরাত, উত্তর প্রদেশ, মধ্য প্রদেশ, মহারাস্ত্র, ছত্তিসগরদা মহৈ মরোং থোইদোক্না অমাং অতা থোকপগী পাউ লৈতে। অদুম ওইনমক রাজাস্থানগী জিলা খরদা মহৈ-মরোং খরা অমাং অতা থোকপগী পাউ লাক্লি।

ঙসি (০৩.০৭.২০২০)দা রাজাস্থানগী জেসলমার, বার্মর, জোধপুর, নাগোর, সিকার, জাইপুর অমসুং আলৱার অমসুং মধ্য প্রদেশকী তিকামগরগী মফমদা মপুং ফাদ্রিবা লৈ মচুগী কৌজেং অমসুং মপুং ফারবা হঙ্গাম মপালগী কৌজেংগী শঙ্গু লাকখি।

ফুদ এন্দ এগ্রিকলচর ওর্গনাইজেসনগী ২৭.০৬.২০২০গী লোকস্ত স্তেতস অপদেৎকী মতুং ইন্না, সোমালিয়াদগী কালেনগী মরুম কোক্না মফম থীদুনা ইন্দো-পাকিস্তান ঙমখৈরোমদা শঙ্গুশিং লাকপা য়ানা লৈ। পাকিস্তানগী সিন্ধগী খা নোংপোক থংবা ভারতকী ঙমখৈ মনাক্তা শঙ্গু খরনা মরুম কোকপা হৌখ্রে অমরোমদা খাইবর পখতুনখৱাদা হোপ্পর বেনদশিংগী শঙ্গু শেম্বা হৌখ্রে। ভারত্তা মপুং ফাদ্রিবা অপিকপা কাংলুপশিং উত্তর প্রদেশকী নোংপোক থংবা শরুক্তগী থোইদোক্না অকায়বা পীদনা শন্দোকরপা য়ানা লৈরি।

খা-নোংচুপ এসিয়াগী লৈবাকশিংগী (অফগানিস্তান, ভারত, ইরান অমসুং পাকিস্তান) দেজর্ত লোকস্তকী চয়োলগী ওইবা ভর্চ্যুল মীফম এফ.এ.ও.না শীল্লি। হৌজিক ফাওবদা খা-নোংচুপ এসিয়াগী লৈবাকশিংগী ভর্চ্যুল মীফম ১৫ পাঙথোকখ্রে।

***