কেন্দ্রগী হ্যুমেন রিসোর্স দেভেলপমেন্ত মন্ত্রী শ্রী রামেশ পোখ্রিয়াল ‘নিসঙ্ক’ অমসুং স্পোর্ত্স এন্দ য়ুথ এফ্যার্স মন্ত্রী অমদি মাইনোরিতী এফ্যার্স মন্ত্রী শ্রী কিরেন রিজিজুনা ঙসি মফমসিদা ভারত লৈঙাক্কী ফিত ইন্দিয়া কেম্পেনগী মখাদা অঙাঙশিংগা ৱারী ৱাতায় শান্নখ্রে‍। ওলিম্পিক মেদল ফংখ্রবা বেদমিন্তন শান্নরোই মিস পি. ভি. সিন্ধু অমদি ভারতকী ফুতবোল তীম কেপ্তেন শ্রী সুনিল ছেত্রিসু ফিত ইন্দিয়া কেম্পেনগী মখাদা পাঙথোকখিবা “ফিত হে তো হিত হে ইন্দিয়া” থৌরমদুদা শরুক য়াখি‍। লাইভ ইন্তরেক্সন অদুদা শরুক য়াখিবা খুদিংমক্না হকচাং ফনা লৈবগী মতাংদা মচা খায়না ঙাঙখি অমদি হকচাঙ ফবগী মরুওইবশিংগী মতাংদসু তাকখি‍। ফিত ইন্দিয়া তোল্ক সেসনশিং অসি স্পোর্ত্স ওথোরিতী ওফ ইন্দিয়া অমদি হ্যুমেন রিসোর্স দেভেলপমেন্ত মন্ত্রালয়না খুৎশম্নরগা পাঙথোকপনি‍।

'Fit Hai to Hit Hai India' webinar - Interacting with students @KirenRijiju @Pvsindhu1 @chetrisunil11 #FitIndiaTalks @HRDMinistry @IndiaSports @FitIndiaOff https://t.co/t0CawlG9k5

— Dr. Ramesh Pokhriyal Nishank (@DrRPNishank) July 3, 2020

থৌরমদুদা ৱা ঙাঙলদুনা শ্রী পোখ্রিয়ালনা তেল্লবা মতমসিদা ভারত লৈঙাক্না হৌদোকপা ফিত ইন্দিয়া কেম্পেন অসিদা মীওই মশিং য়াম্না শরুক য়ারক্লে হায়না হায়খি‍। প্রধান মন্ত্রী শ্রী নরেন্দ্র মোদীনা থমখিবা ৱাফমগী তুং ইন্দুনা মীয়াম্না হকচাং ফবগী মিসন অসি মখোয়গী নুংতিগী পুন্সিগী শরুক অমা ওইহল্লে‍। সেন্ত্রেল বোর্দ ওফ সেকেন্দরী ইদুকেসন (সি.বি.এস.ই.)নসু কেম্পেন অসিগী মখাদা স্কুল চৎলিবা অঙাঙশিংগীদমক্তা ফিত ইন্দিয়া এক্তিব দে প্রোগ্রামগী শরুক অমা ওইনা অনৌবা তাংকক নাইবা থৌরম অমা হৌদোক্লগনি হায়না এপ্রিল থাদা লাউথোকখ্রে হায়নসু মন্ত্রীনা পাউদমখি‍। সি.বি.এস.ই.গী মখাদা এফিলিএত তৌবা স্কুল ১১,৮৬৮না তোঙান তোঙানবা ফিত ইন্দিয়া কেম্পেনগী মখাদা শরুক য়াখ্রে অমদি স্কুল ১১৬৮২না ফিত ইন্দিয়া ফিরাল ফংখ্রে‍। শ্রী পোখ্রিয়ালনা হায়খিবদা লাইচৎ মনুংসিদা ঐখোয় হকচাঙ ফনা লৈবা অমদি মহৈরোয়শিংদা মশা ফনা লৈননবা পুক্নীং থৌগৎপা য়াম্না মরুওই অমসুং লায়নাসিগী মায়োক্তা চঙশিল্লিবা লান অসি হকচাঙ ফনা লৈবখক্তনা মায় পাকপা ঙমগনি‍। মশা ফবা মীওই অমগী ইম্ম্যুনিতীনা লায়না মখল খুদিংমক্তগী লাপ্না থম্মী‍। লৈবাক শিনবা থুংবা মফমদগী মহৈরোয়শিংনা হকচাঙ ফবা অমদি অফবা হৈনবীশিং মখোয় মখোয়গী পুন্সিগী শরুক অমা ওইহল্লক্কনি থাজৈ হায়না মন্ত্রীনা ফোঙদোকখি‍।

অখন্নবা ৱারী ৱাতায় অদুদা মহৈরোয়শিংদা ৱা ঙাঙলদুনা, শ্রী রিজিজুনা হায়খিবদা ঐখোয়গী প্রধান মন্ত্রী শ্রী নরেন্দ্র মোদীনা মতম পুম্নমক্তা লৈবাক মীয়ামবু মশা ফনা লৈননবা পুক্নীং থৌগৎলি‍। ভারতনা মশা ফনা লৈরবা মতমদখক্তদা ভারতনা মাঙলোমদা চঙশিনবা ঙমগনি হায়বা ৱাফমসিদা থাজবা থমদুনা লাক্লি‍। মায়কৈ অসিদা, মখোয়না ফিত ইন্দিয়া কেম্পেন হৌদোকপখক নত্তনা মালেমদা য়োগগী মরুওইবসু তাক্লি‍। লৈঙাকসিনা অঙাঙশিংবু মশা মউ ফবগা নকশিন্নহনবা হৌরে হায়না মন্ত্রীনা পাউদমখি‍। অঙাঙশিংনা ঐখোয়গী লৈবাকসিগী তুংগী য়ুম্বীনি অদুগা কেম্পেন অসিগী খুত্থাঙদা ঐখোয়না মখোয়বু ৱাখল অমদি হকচাঙ অনিমক ফনা থম্নবা হোৎনরি‍।

মালেমগী মমীং লৈরবা বেদমিন্তন শান্নরোয় অমদি ওলিম্পিক মেদল ফংলবা মিস পি.ভি. সিন্ধু অমসুং ভারতকী ফুতবোল তীম কেপ্তেন শ্রী সুনিল ছেত্রিনসু থৌরমদুদা মহৈরোয়শিংদা মশা ফনা লৈনবগী পাউতাকশিং পীখি অমদি মশা ফনা লৈবগী কান্নবশিং তমদুনা মখোয়বু পুক্নীং থৌগৎখি‍।

****