: জ্যোতী সিংহ

বাইওদগী পুথোরকপা ফ্যুএলশিং অসি মালেম অসিগী সাইন্তিফিক কম্ম্যুনিতিশিংগী মরক্তা পাক-চাওনা ৱাখল চিংশিল্লক্লি। বাইও ফ্যুএলশিংগী থবক অসি ফোসিল ফ্যুএলশিং শিজিন্নবগা মরী লৈনবা কার্বোন থোরকপা অসি হন্থহন্নবগীদমক্তা মালেমসিনা কৌরকপদা পীরকপা পাওখুম ওইনা পাংথোকপনি। ভারত্তসু বাইওফ্যুএলশিং অসিনা রিসর্স তৌরিবশিংনা ৱাখল শাগৎপা অদু ফংবা ঙমখ্রে।

খুদম ওইনা হায়রবদা, ইন্দিয়ন ইন্সতিত্যুত ওফ তেক্নোলোজী(আই.আই.তি.) হাইদ্রবাদকী রিসর্স তৌরিবশিংনা ভারত্তা লৈরিবা বাইও ফ্যুএলশিংগী সেক্তরদা লৈরিবা ফেক্তরশিং অমসুং অপনবশিং অসি খংদোক্নবগীদমক্তা কম্প্যুতেস্নেল ওইবা থৌওংশিং শিজিন্নবা হৌখ্রে।

থবক অসিগী তোপ-তোপ্পা মতিক-ময়াইদি ফ্রেমৱর্ক অসিনা রিভিন্যু থোকহল্লক্লিবা অসি ফ্যুএলশিং য়োনবগী আওতকম অমা ওইনা লৌনদবদা নত্তনা মসিগী মনুংদা অপুনবা প্রোজেক্কী লাইফসাইকল অসিদা গ্রীন হাউসতগী থোরকপা গ্যাসশিং অসি হন্থহন্দুনা কার্বোন ক্রেদিৎশিংবুসু য়াওহনখি।

মোদেল অসিনা বাইওইথানোল অসি মেনস্ত্রীমগী ফ্যুএলগা পুনশিন্নবা মতমদা ওইরক্কদবা মমলশিং অদু মখাদা পীরিঃ

পোত্থোক পুথোকপগী মমলনা চাদা ৪৩, ইম্পোর্ত তৌবগীনা চাদা ১৭, ইনফ্রাস্ত্রকচরগীনা চাদা ১৫ অমসুং ইনভেন্তরিগীনা চাদা ০.৪৩নি। মোদেল অসিনা দিমান্দ তৌরকপা য়াবগী চাং অদু মপুং ফাহন্নবগীদমক য়ামদ্রবদা চাদা ৪০গী মঙমগীদমক্তা ফীদ লৈহনবগী মথৌ তাই।

কপিল গুমতে অমসুং দা.কৃষ্ণ মিত্র

আই.আই.তি হাইদ্রবাদকী কেমিকেল ইঞ্জিনীয়রিং বিভাগকী রিসর্স অসিবু লমজিংলিবা দা. কিশলে মিত্রনা হায়খি, “ভারত্তা চিঞ্জাক্কি নত্তবা রিসোর্সেসশিংদগী পুথোরকপা বাইওফ্যুএলশিং অসি কার্বোন-ন্যুত্রেল রিন্যুএবল খ্বাইদগী ফগৎলক্কদৌরিবা সোর্সনি। মসিগী অনিশুবা য়াওলগী সোর্সশিং অসিদা চরু, ই অমসুং উগুম্বা অতোপ্পা চিঞ্জাকশিংগী মতাংদা করিসু খল্লুদবা লৌউ-শিংউগী অরেম-অখাকশিং য়াওরি। ”

তীম অসিনা লৈবাক অসিগী জোন কয়াদা পুথোরক্নবগীদমক্তা লৈরিবা তেক্নেলোজীশিংগী মতাংদা খন্নখি অমসুং ভারত সরকারনা ফোংখিবা অমনা অমগী মরক্তা সপ্লাই তৌরিবশিং, ত্রান্সপোর্ত, স্তোরেজ অমসুং পোত্থোক পুথোকপগী দেতা শিজিন্নদুনা পুমথুং-থুংনা চৎনবা য়াবা মওংদা নৈনৈ।

রিসর্স অসিগী মতাংদা শন্দোক্না হায়রদুনা আই.আই.তি হাইদ্রবাদকী রিসর্স স্কোলর কপিল গুমতেনা হায়খি, “বাইওফ্যুএলশিংগী সপ্লাই চেনগী নেতৱর্ক অসি খংনবা হোৎনবদা মেছিন লর্নি তেক্নিকশিং শিজিন্নৈ। মেছিন লর্নিং অসি কম্প্যুতরনা লৈরিবা দেতাশিং অসিদগী মওংশিং তম্বগী অমসুং সিস্তেম অদুগা য়ান্ননা পুথোরক্নবা মশা মথন্তা অপদেৎশিং তৌবা অমসুং তুংদা করি ওইরক্কদগে হায়বা ঙম্বা আর্তিফিসিএল ইন্তিলিজেন্সকী মশা অমনি। ”

“কন্ত্রী-ৱাইদ মল্তি লেয়র্দতা তেক্নো-ইকোনোমিক-এনভাইরোন্মেন্তেল সপ্লাই চেন নেৎৱর্ক এনালাইসিস তৌবা অমসুং মেছিন লর্নিং এপ অসি শিজিন্নবা অসিনা লৈরক্কদবা দিমান্দশিং অমসুং সপ্লাইগী চেন পেরামিতরশিং অমদি তুং কোইনা পাংথোক্লিবা থবক পাংথোকপগী ওইবা অমসুং দিজাইনশিংগী ৱারেপশিংদা মখোয়গী শাফু অদুগী মওং লেপ্পা ঙমদবা অদু খংবা ঙম্বদা মতেং পাংগনি,” হায়না দা.মিত্রনা হায়খি।

থবক অসিগী ফলশিং অসি ক্লিনর প্রদক্সনগী জর্নেলদা ফোংখ্রে।

*****