কেন্দ্রগী মন্ত্রী দোক্তর জিতেন্দ্রা সিংহনা উদমপুর, কথুৱা, দোদাদা কোবিদ লায়চৎকী মতুংদা মফম অদুগী মখল কয়াগী নেস্নেল প্রোজেক্তশিংগী ফীভম য়াওনবা কেন্দ্র অসিগী চাওখৎ থৌরাংগী থবক-থৌরমশিং ঙসি য়েংশিনখ্রে।

দিপুতি কম্মিসনরশিং অমসুং মকোক থোংবা ওফিসিএলশিংগা লোয়ননা পাঙথোকখিবা ভর্চ্যুল মীফম অমদা দোক্তর জিতেন্দ্রা সিংহনা কথুৱা, উদমপুর, রিয়াসি, রামবান, দোদা অমসুং কিস্তৱার জিলা তুরুক্কী হৌজিক পাইখৎলিবা মখল কয়াগী প্রোজেক্তশিংগী খোংজেলগী মতাংদা খন্নখি। লমদম অদুদা হৌজিক চৎথরিবা মখল কয়াগী অচৌবা প্রোজেক্তশিং অমগী মথংদা অমা য়েংশিনখি অমসুং মখোয়গী খোংজেম য়অইশিন্নবা ৱাফম থমখি।

কথুৱা জিলাগী ওইনা খ্বাইদগী অহানবা ওইরিবা সীদ প্রোসেসিং প্লান্তগী থবক মপুং ফনা লোইরে অমসুং চয়োল খরগী মনুংদা চল্লাইবা হৌরগনি। মসিগা লোয়ননা কোবিদনা মরম ওইদুনা থেংথখ্রবা অৱাং থংবা ভারতকী খ্বাইদগী অহানবা বাইও-তেক ইন্দস্ত্রিএল পার্ক অসিসু লোইশিনবা তৌরি অমসুং অথুবদা চল্লাইবা হৌনবা ফীভমদা লৈরে। অদুম ওইনমক, পাথানকোৎ-জম্মু নেসনল হাইৱেজ লেন মরিদগীলেন তরুক্তা পাকথোক্নবা লৌখৎলিবা সর্ভেনা মরম ওইরগা খুঙ্গংগী হাইৱেজগী থবক মতম খরা লেপখি। মরক অসিদা কাত্রা- দিল্লী এক্সপ্রেস রোদ কোরিদোরগী থবক-থৌরম হৌখ্রে অমসুং লম লৌশিনবগী থবক হৌনবা তৌরি।

কোবিদকী লায়চৎনা মরম ওইদুনা তঙাইফদনবা থেংথরুরবা মতুংদা দেবিকা তুরেলগী প্রোজেক্ত অসি অমুক হন্না হৌখ্রে অমসুং চহি অমা মখায়গী মনুংদা লোইশিন্নবা মতম থারি হায়না উদমপুরগী দিপুতি কম্মিসনরনা মন্ত্রীদা হায়খ্রে। লোয়ননা মরু ওইরিবা দেবিকা থোং অসি শঙগাবদা মীয়াম্না য়াম্না হরাও নুঙাইবা ফোঙদোখি হায়নসু মহাক্না পাউদম্লকখি।

দোক্তর জিতেন্দ্রা সিংহনা বাশোলিগী দাৱালাচক লম্বীগী অমসুং রামনগরগী মাজাল্তা থোংগী থবক থুজিন্নবা অমসুং উদমপুরগী প্রপোজ তৌখিবা ইন্দস্ত্রিএল ইস্তেৎতা ইনবেসমেন্ত তৌনবা প্রপোজেল প্লানিংগীদমক য়াথং পীখ্রে। দিপুতি কম্মিসনরনা ৱাতর সপ্লাই স্কিম অমসুং প্রপোজ তৌখিবা বস স্তেন্দগী মতাংদসু পাউদমখি।

উদমপুর অমসুং কথুৱাগী দিস্ত্রিক্ত এদমিনিস্ত্রেসনশিংদসু কালেন থা লাকপগা ইরোইননা মীয়াম্না পাম্লিবা হেন্দ পম্পশিং হেনগৎনবা খঙহনখ্রে।

প্রপোজ তৌখিবা কেন্দ্রিয়া বিদিয়লয়াগী মতাংদা পাউদমলদুনা রিয়াসিগী দিপুতি কম্মিসনরনা হায় মরী লৈনবা চে চাংশিং লৌবা লোইশিনখ্রে। তোল প্লাজাগী খুদোংচাদবগী মরমদা অমসুং নোংমগী চরা তাল্লিবা মীওইশিংগি মতেং ওইনবা তোঙান তোঙানবা খুদোংচাবশিংগী অকুপ্পা ৱারোল পীরক্নবা মাঙোন্দা মন্ত্রীনা খঙহনখি।

কিস্তৱারগী দিপুতি কম্মিসনর অমসুং মকোক থোংবা ওফিসিএলশিংদা কেন্দগী লৌউ-শিংউ মন্ত্রালয়না সেফ্রোন পার্ককী অয়াবা পীরক্লে হায়না দোক্তর জিতেন্দ্রা সিংহনা হায়খি অদুবু চপ চাবা মফম ফংদবনা মরম ওইরগা উরেপ উয়ুং তম্বগী থৌরম তৌগনি তৌরম্বা অদু তোকখি। প্রোজেক্ত অসি অথুবদা হৌনবা সিভিল সোসাইতিগী মীহুৎশিংগা লোয়ননা খন্ননবা মন্ত্রীনা কথুৱাগী দি.সি.দা হায়খি।

রামবানগী দিপুতি কম্মিসনরনা নেসনল হাইৱেজকী থবক-থৌরমগী মরমদা পাউদমখি। সেন্ত্রেল রোদ ফন্দ (সি.আর.এফ.)কী খুত্থাংদা শেন্থং কায়থখ্রবা তাত্নিতোপতগী সনাসর ফাওবগী লম্বী শেমগৎপা অসিদা থেংথবা অসিগী মতাংদা মরমশিং অথুবদা খঙদোক্নবা মন্ত্রীনা মাঙোন্দা হায়খি।

অমরোমদা, দোদাগী দিপুতি কম্মিসনরনা কোবিদ লায়চৎনা মরম ওইরগা অপনবশিং পীরবসু গভর্মেন্ত মেদিকেল কলেজ দোদা অমসুং ভসদের্ৱাহগী নেসনল হাই এল্তিত্যুদ মেদিসিন প্লান্ত শাবগী থবক মহৌশাগুম মখা চৎথরি হায়না পাউদমখি।

*****