এক ভারত শ্রেস্থ ভারতকী মখাদা হিমাচল প্রদেশ অমসুং কেরলাগী কলচর অমসুং হেরিতেচ উৎনবা আই অমসুং বি মিনিস্ত্রিগী পি আই বি রিজনেল ওফিস, চান্দিগরনা এক ভারত শ্রেস্থ ভারতকী ৱেবিনার অমা শীনখ্রে । ৱেবিনার অদু পি.আই.বি.গী এ.দি.জি., শ্রীমতি দেবপ্রিত সিংহনা মোদরেতর ওইখি । ৱেবিনার অদুদা মহাক্না হায়খি মনুং হুঞ্জিনবা রাজ্যশিংগী মীয়াম শম্নহন্দুনা লৈবাক্কী অপুনবা শক্তম অমুক হিঙ্গৎহন্নবা ভারত সরকারগী “এক ভারত শ্রেস্থ ভারত”না পান্দম থম্লি । খুন্নাই অসিগী মান্নদবা মশকশিং অসিনা লৈবাক অসিগী অমতা ওইনা পুনশিল্লি অমসুং মসি লৈবাক্কী অপুনবা শক্তম অমা ওইরি ।

হিমাচল প্রদেশ সরকারগী কলচরগী এক্সপার্ত কমিতিগী মেম্বর সাইলাজা খান্ননা ইনাকখুল্লবা হিমাচল প্রদেশকী খুন্নুং ঈশৈ অমসুং মসিগী লোয়ন্নরিবা ঈশৈগী ইন্সত্রুমেন্তশিংগী মতাংদা পাউদমখি । মহাক্না হিমাচল প্রদেশকী নাতি জগোই, কলা, ক্রাফশিং, ঈশৈ অমসুং অতৈ জগোইশিংগী মতাংদা মহাক্না ফোংদোকখি ।

হিমাচল প্রদেশ সরকারগী লেঙ্গোইজ আর্ত অমসুং কলচরগী হান্নগী সেক্রেতরি দোক্তর পুর্নিমা চৌহান্না হায়খি রাজ্য অনি অসিদা মহৌশাগী ফজবা মরাংকাইনা লৈরি অমসুং অফবা মীওই কয়া পুথোকপদা মাংজিল থারি। হিমাচল প্রদেশ অসি বুধিস্ত অমসুং লোইলম লৈঙাক্কা শম্নবগী মমি তারি । রাজ্য অসিদা কঙ্গ্রা পেন্তিং অমসুং থাংকা পেন্তিংশিং য়াওনা তোঙান তোঙানবা মখলগী পহারি পেন্তিংশিং লৈরি ।

কেরলাগী রিছর্স তৌবী অমসুং ক্লাসিকেল জগোইশাবী দোক্তর নিনা প্রসাদনা কেরলাগী “কুতিয়াত্তম” অমসুং “মোহিনিয়াত্তম”গী মতাংদা শন্দোক্না তাকখি । কেরলাগী ইনাকখুল্লবা কলচরগী মতাংদা রাজ্য অসিগা অরাবশিং, পোর্তুগিজশিং, দচশিংগা লৈনবা পুৱারিগী ওইবা মরীশিং মহাক্না ফোংদোকখি ।

মহাক্না হায়খি কেরলা অসি লাইশঙশিংগী লৈবাক অমনি অমসুং লাইশঙশিং অসিগী মশাগী ওইবা কুম্মৈশিং পাংথোক্লি । ওনাম হায়রিবা লৌরোক কুম্মৈ অসি রাজ্য অসিদা খ্বাইদগী মমিং লৈবা খুন্নাইগী কাংলুপ খুদিংমক্না শরুক য়াবা কুম্মৈ অমনি । মহাক্না কেরলাগী মুরেল পেন্তিংশিং , শরিৎ-শারাৎ অমসুং ইন্সাং মথেলশিংগী মতাংদসু ফোংদোকখি ।

আই অমসুং বি মিনিস্ত্রিগী সাউথ জোনগী দিরেক্তর জেনেরেল এস. ভেনকাতেশ্বরনা হায়খি জুরা শেম্লিবা রাজ্য অনি অসিগী মীওইশিং চৎথোক-চৎশিন তৌনগদবনি অমসুং কলচরগী মান্নদবা মশকশিং খঙনবা হোৎনগদবনি । মহৈরোইশিংদা কান্নবা পীনবা চৎথোক-চৎশিন তৌনবগী থৌরমশিং পাংথোক্কদবনি ।

ৱেবিনার অদুদা হরিয়ানাগী জি দি গোয়েনকা ৱাল্দ স্কুলগী মহৈরোইশিং শরুক য়াখি । ৱাঙাংলোইশিংনা কান্নরবা ৱাফম কয়া ফোংদোকখিবা অদু মহৈরোইশিংনা থাগৎখি ।

লোইশিনবগী থৌরমদা রিজনেল আউদরিচ বিউরো, চান্দিগরগী দিরেক্তর অসিস গোয়ালনা শরুক য়াখিবশিং থাগৎখি ।

*****