ফুদ প্রোসেসিং ইন্দস্ত্রীজগী কেন্দ্র মন্ত্রী রামেশ্বর তেলিনা পি.এম.-এফ.এম.ই.(পি.এম. ফোর্মেলাইজেসন ওফ মাইক্রো ফুদ প্রোসেসিং ইন্তর্প্রাইজেজ) স্কীম অসিনা অৱাং-নোংপোক্কী রাজ্যশিংদা কান্নরবা ওর্গানিক ওইবা চিঞ্জাক্কী পোত্থোকশিংগী খুদোংচাবা লৌরগা লম অসিদা ফুদ প্রোসেসিংগী ইন্দস্ত্রীদা হায়নিংঙাই লৈতনা কান্নবা ফংহল্লগনি হায়বা ৱাফম ফোংদোকখ্রে। ‘সপনোং কী উরান’ হায়বা এপ অসি ভর্চুএল ওইনা হৌদোকপগী ৱা ঙাংবদা শ্রী তেলিনা পি.এম.-এফ.এম.ই. স্কীম অমসুং অত্মনির্ভর ভারত অভিয়ান্দগী এক্সতেন্দেদ ওপরেসন গ্রীন হাউস স্কীম হৌদোকপা অসিনা ভারতকী শেন্মিৎলোন্দা অখন্নবা থৌদাং লৌরিবা লৌমী অমসুং মাইক্রো ইন্তর্প্রাইজেজশিংদা হকথেংননা কান্নবা ফংহল্লগনি। ফুদ প্রোসেসিং ইন্দস্ত্রী অসিনা খুঙ্গংদা মফমশিংদা লৈবা মীওই লাক্ষ ৫৫রোমদা থবক ফংহল্লগনি অমসুং মরুওইনা কোবিদ-১৯ থোক্লকপদগী ময়ুম-ময়ুমদা হল্লকখিবা খুঙ্গংগী মীশিংদা অসাগী মঙাল ফংহল্লগনি হায়না মহাক্না মখা তানা ফোংদোকখি। এস.ঐচ. তেলিনা সরকার অসিনা নিংথিবা মওংদা লিংখৎত্রিবা ফুদ প্রোসেসিং য়ুনিৎশিংবু মেনস্ত্রীমগা শমজিন্নহন্নবগী পান্দম থম্লি হায়নসু ফোংদোকখি।

উহৈ-ৱাহৈশিং অমসুং এঞ্জাং-নাপীশিংগী চবুনশিংদা গোদাউন, কোল্দ স্তোরেজ, মার্কেতিং অমসুং ব্রান্দিংগী খুদোংচাবা ফংহল্লগনি হায়না মহাক্না মখা তানা ফোংদোকখি। স্কীম অসিনা অৱাং-নোংপোক্তা, নুপীশিংদা, এস.সি.শিংদা. এস.তি.শিংদা অমদি থবক তৌনিংবগী ইথিল পীবা জীলাশিংদা পান্দম থমগনি হায়না মহাক্না ফোংদোককি। অৱাং-নোংপোক অসি অৱাং-নোংপোক্কা লমশিংদা মরাং কাইনা ফংলিবা ওর্গানিকক্কী পোত্থোকশিং, কিহোম, লফোই, য়াইঙং, শিং, কোংলা, চাকহাও, ৱা অমসুং অতৈ পোত্থোকশিংগীদমক্তা ময়াম্না খংনরবা মফম্নি। ফার্মদগী পুথোকরকপা পোত্থোকশিং প্রোসেসিং তৌবা অসি হেনগৎহনবদা মথৌ তারিবশিং অসি আত্মনির্ভর ভারত অভিয়ানগী মখাদা হৌদোকপা অনৌবা স্কীমশিং অসিনা পাংথোকপা য়ারগনি হায়না এস.ঐচ. তেলিনা ফোংদোকখি।

স্কীম অদুগী মতাংদা মরিক চুম্না হায়রদুনা এক্সতেন্দেদ ওপরেসন গ্রীন্স স্কীম অসিগী মখাদা উহৈশিং অমসুং এঞ্জাং-নাপীশিংগী তোঙান-তোঙানবা মখলশিং অসি য়াওরে হায়না এস.ঐচয় তেলিনা ফোংদোকখি। মসিগী স্কীম অসিনা লৌমীশিংদা মমল নিংথিনা ফংবনা অমদি নিংথিনা মমল হঞ্জিল্লকপদা মতেং পাংলগনি। মহাক্না মখা তানা স্কীম অসিগী মখাদা উহৈসিং অমসুং এঞ্জাং-নাপীশিং অসি পুথোক-পুশিন তৌবগী চাদা ৫০গী সবসিদি পীগনি হায়না ফোংদোকখি। এম.এফ.পি.আই.গী স্কীম অনিসিনা থবক লৈহল্লকপদা, ফার্মগী পোত্থোকশিং ৱাংহনবা হন্থহনবদা, মাইক্রো য়ুনিৎশিং শেম্বদা অমসুং নিংথিজনা শেল হঞ্জিল্লকহনবদা অখন্নবা মওংদা থৌদাং লৌরগনি হায়রদুনা ৱারোল অদু লোইশিনখি।

*****