ইকুই কুইদনা সিক্যুর প্লেতফোর্মগী খুত্থাঙদা ওনলাইন কম্ম্যুনিকেসন লৈহন্নবগীদমক গৃহ মন্ত্রালয়না পীখিবা পাউতাক ৱারোলদা কোবিদ-১৯না নুংতিগী থৌওং অয়ামবা ভর্চুএল ৱর্ল্দসিদা তাশিন্দুনা লৈবনা ভর্চুএল ৱর্ল্দসিদা সিক্যুরিতী মতিক চানা লৈহন্নবা থৌরাংশিং হেনগৎহনবা মথৌ তাই হায়না ফোঙদোকখিবা লৈখ্রে‍।

ইন্ফোর্মেসন ত্রান্সফর প্রোতোকোল অমা হেক্তগী সিক্যুর ওইবা শরুক অসি থরিবা মেসেজশিং অদু এনক্রিপ্ত অমদি দিক্রিপ্ত তৌবদা শীজিন্নরিবা কি দিসস্ত্রিব্যুত তৌবা অসিনা ওইরি‍। হৌজিক চৎনরিবা অসিগুম্বা কি দিস্ত্রিব্যুসন স্কিমশিং অসি মহৌশানা প্রোব্লেমশিং মেথমেতিক্সকী মতেংনা রিজোল্ভ তৌবদা য়ুম্ফম ওইবা মরম্না অল্গোরিদমিক ব্রিকথ্রু অমদি পুথোক্নরক্লিবা ক্বান্তম কম্প্যুতরশিংদা অনৌবা কোদশিং রন তৌরকপা য়াবগী ওইথোকপা লৈ‍। কি ত্রান্সফর তৌবগী থৌওংদা চেকশিনবা ফীভম পুরক্নবগী পাম্বৈ অসি লোন্না চত্থরমবা থৌওংশিংগী খুদম চাংদম থম্লমগদবা অমদি ইরায় লায়না থেংনগদবা মওংদা ক্বান্তম ফীজিক্সকী লো শীজিন্নবনা ওইগনি‍। হায়রিবা অসি ক্বান্তম কি দিস্ত্রিব্যুসন নৎত্রগা ক্যু.কে.দি. শীজিন্নদুনা ফংবা ঙম্লে‍।

হায়রিবা শীংনবা অসি লাকশিন্নবগীদমক ভারত লৈঙাক্কী দিপার্তমেন্ত ওফ সাইন্স এন্দ তেক্নোলোজী (দি.এস.তি.)কী মখাদা লৈবা মরোমদোম লেপচবা ইনস্তিত্যুৎ অমা ওইরিবা রমন রিছর্চ ইনস্তিত্যুৎ (আর.আর.আই.)গী থিজিল্লোয় খরনা তোঙান তোঙানবা মখাথাবা তেক্নোলোজীশিং শীজিন্নদুনা মখল কয়াগী চৎন-কাংলোনশিংদা শেমদোকপা য়াগদবা মোদুলর প্রিন্সিপলদা য়ুম্ফম ওইবা ‘qkdSim’ কৌবা এন্দ-তু-এন্দ ক্যু.কে.দি. সাইমলেসনগী তোপ তোপ্পা সাইমলেসন তুলকিত অমা পুথোক্লে‍। প্রোফেসর উর্বসি সিন্হা অমদি মহাক্কী কাঙবুনা য়ুনিভর্সিতী ওফ কলগরী, কেনাদাগী প্রোফেসর বেরী সেন্দরসকা খুৎশম্নরগা চত্থবা রিছর্চ অসি ইন্দিয়ন স্পেস রিছর্চ ওর্গনাইজেসন (আই.এস.আর.ও.)না ঙাক্লৌ পীবা ভারতকী খ্বাইদগী অহানবা সেতলাইত্তা য়ুম্ফম ওইবা ক্বান্তম কম্ম্যুনিকেসনগী খোঙথাঙ অমা ওইরিবা ক্বান্তম এক্সপরিমেন্ত য়ুজিং সেত্তলাইত তেক্নোলোজী (কুএস্ত) প্রোজেক্তকী শরুক অমনি‍। রিপোর্ত অসি ফীজিকেল রিভিউ এপ্লাইদ (প্রেসতা লৈরিবা) চেফোঙ অসিদা য়াওরক্লগনি‍।

তুলকিত অসিগী অনৌবা মশক মওং অসি মসিদা য়াওরিবা য়াম্লবা মখল কয়াগী এক্সপরিমেন্তেল ইম্পর্ফেক্সনশিং, দিভাইস-বেজ অমদি প্রোসেস বেজ অনিমক্না তাক্লি‍। মরম অসিনা মখোয়গী সাইমলেসনগী মহৈ অসিগা তশেংবা এক্সপরিমেন্তেল ইম্প্লিমেন্তেসনগী মহৈগা অতোপ্পা হান্না লৈরিবা তুলকিতশিংদগী হেন্না নকশিন্ননা ফংগনি অমদি মসিনা ক্যু.কে.দি. এক্সপরিমেন্ত তৌবা মীওই অমগী খ্বাইদগী চান্নবা মরূপ ওইগনি‍।

ক্যু.কে.দি. অসি একাদমিক্তা, ইন্দস্ত্রীদা, লৈঙাক্তা অমদি দিফেন্স লেবোরেতরীশিংদা শীজিন্নবগী চাং পাক শন্না হেনগৎলকপনা তোপ তোপ্না দিজাইন তৌরিবা বি৯২ এক্সপরিমেন্তদা ইস্ত্রক্তিব এপ্প্লিকেসন য়াওরবা নৌনা শেমগৎপা সাইমলেসন তুলকিত অসি য়াম্না ইন্ফ্লুএনসিএল ওইগনি‍। বি৯২ অসি চপ চাবা সিক্যুরিতী পীননবগীদমক সিঙ্গল ফোতোন অমদি অনসর্তেন্তী প্রিন্সিপল অমদি নো-ক্লোনিং থিওরেমগুমবা ফীজিক্সকী মরী লৈনবা লোশিং শীজিন্নবা ক্যু.কে.দি. প্রোতোকোল অমনি‍।

“সিক্যুর ওইবা, শোয়বা লৈতবা কম্ম্যুনিকেসন প্রোতোকোল অসি য়াম্না মরূওইবা অমা ওইনা লৌনরক্লি অমদি ক্রিপ্তোগ্রাফিক প্রোতোকোল শীজিন্নরিবা ক্বান্তম কি দিস্ত্রিব্যুসন (ক্যু.কে.দি.) অসিনা পাম্নবা পাম্বৈ অমা ওইরি‍। পাউ ফাওনরিবা কাঙবুদুখক্তা খঙনবা সেয়র্দ রেন্দম সেক্রেত কি অমা মেসেজশিংদু এনক্রিপ্ত অমদি দিক্রিপ্ত তৌনবা শীজিন্নৈ‍। ক্বান্তম কি দিস্ত্রিব্যুসনগী তোপ তোপ্পা মতিক ময়াই অমা হায়রগদি কাংলোন কায়না লিৎশিল্লক্নবা হোৎনবা খুদিংমক খুদক্তা থেংনবা ঙম্মী‍। মসিগী মরমদি ক্বান্তম সিস্তেম অমা মিজর তৌবগী থৌওং খুদিংমক্না খঙবা ঙমবা থৌওংশিং উৎথোকহল্লি,” হায়না দি.এস.তি. সেক্রেতরী প্রোফেসর অশুতোস শর্ম্মনা হায়খি‍।

থিজিনবগী থবক অসি অনৌবা ওইবা অমদি থৌওং শেমগৎপগী মায়কৈ অনিদনি‍। নাকল অমদা মখোয়না ক্যু.কে.দি. কম্ম্যুনিতীদা লৈরমবা অচৌবা অহোবা অমা মেনশিল্লিবা সাইমলেসন তুলকিত অমা শেমগৎলে‍। অদুগা নাকল অমরোমদনা মখোয়না চপ মান্নবা থৌওং ইন্দুনা হান্না লৈরমবা থিজিনবগী থবকশিংদগী কি রেত হেন্না ৱাংবা অমদি হন্থবা ক্বান্তম বিত ইরর রেত লৈবা প্রিপ্যার এন্দ মিজর ক্যু.কে.দি. প্রোতোকোল (বি৯২) কৌবা অনৌবা ইম্প্লিমেন্তেসন অমা পুথোক্লে‍। তশেংবদি মসিনা ভারতকী খ্বাইদগী অহানবা এন্দ-তু-এন্দ ফ্রী স্পেস এক্সপরিমেন্তনি‍। মসিদা মালেমগী ওইনা চাংদম্নবা য়ারবা কি রেত অমদি ইরর রেত য়াওরি‍। আর.আর.আই. কাঙবু অসিনা মখা তানা চত্থদুনা ইন্তেঙ্গলমেন্ত বেজ ক্যু.কে.দি. প্রোতোকোলসু কোনশিন্দুনা মসিগী এক্সপরিমেন্তেল কম্পরিজন তৌদুনা qkdSim গী হৌজিক লৈরিবা স্কোপ হেন্না পাকথোক চাউথোকহন্নবা থৌরাং য়াৎলি‍।

মসিগুম্বা মখলগী প্রেক্তিকেল তুল অসি ক্যু.কে.দি. দেমোন্সত্রেৎ তৌনবগী এক্সপরিমেন্ত দিজাইন, সেত অপ, ওপ্তিমাইজ অমদি ইভালুএত তৌবদা কান্নবা ওইগনি অমদি সাইমলেসন তুল অসিগী শীজিন্নফম হেন্না পাকথোক চাউথোকহনবদা মখা তানা কান্নবা পীগনি‍। লাক্কদৌরিবা নেসনেল মিসন ওন ক্বান্তম তেক্নোলোজীজ এন্দ এপ্লিকেসন হৌদোকপগা লোয়ননা থিজিল্লবা অসিনা লৈবাকসিদা অসিগুম্বা লমদা চাওখৎপগী অকনবা য়ুম্ফম শেম্লে অমদি হেন্না কান্নবা ওইরগনি‍।

ফিগর: qkdSim লান্থোকপা: ক্যু.কে.দি. এক্সপরিমেন্তেলিস্ত অমগী খ্বাইদগী চান্নবা মরূপ‍। ক্যু.কে.দি. এক্সপরিমেন্তেলিস্ত অনিনা খ্বাইদগী মমল চঙদবা অমদি এক্সপরিমেন্ত অসিগী নীংথিবা দিজাইনবু য়েংলি‍। মখোয়না qkdSim শীজিন্নরি, অউবা দিভাইসকী অমদি প্রোসেসকী ইম্পরফেক্সন য়াওহল্লি অমদি ওইথোকপা য়ানা খ্বাইদগী ফবা কি রেত অমদি ওইথোকপা য়ানা খ্বাইদগী নেম্বা কি রেত ফংননবা মখোয়গী দিজাইনবু ওপ্তিমাইজ তৌরি‍।

(পব্লিকেসনগী অকুপ্পা ৱারোল:

R. Chatterjee, K. Joarder, S. Chatterjee, B. C. Sanders, and U. Sinha, "qkdSim: An experimenter's simulation toolkit for QKD with imperfections, and its performance analysis with a demonstration of the B92 protocol using heralded photons", arXiv:1912.10061v1 (2019). (In Press: Physical Review Applied)

অহেনবা অকুপ্পা ৱারোলশিংগীদমক প্রোফেসর উরবসি সিনহা (usinha@rri.res.in) তান্নবা য়াগনি‍।)

*****