শুন্দ্রংগী বিভাগ

কোবিদ-১৯ লাইচৎনা ভারতকী অহানবা হুমেন স্পেস মিসন “গগানয়ান” অকায়বা থোকহল্লোই : দোক্তর জিতেন্দ্র সিংহ

Posted On: 29 JUN 2020 5:44PM by PIB Imphal

দোনর, পি.এম.ও, পর্সোনেল, পব্লিক গ্রিভান্সেস, পেন্সন্স, এতোমিক ইনর্জি অমসুং স্পেসকী রাজ্য মন্ত্রী দোক্তর জিতেন্দ্র সিংহনা ঙসি হায়খি মদুদি কোবিদ-১৯ লাইচৎনা ভারতকী অহানবা হুমেন স্পেস মিসন “গগানয়ান” অকায়বা থোকহল্লোই অমসুং অচুম্বা মাইকৈদা শেম-শাবগী থবক পায়খৎলি ।

হৌখিবা চহিদা ইন্দিয়ান স্পেস রিছর্স ওর্গনাইজেসন অমসুং স্পেস দিপার্তমেন্তগী মরুওইবা মাইপাকপশিংগী মতাংদা মহাক্না হায়খি কোবিদ-১৯ লাইচৎনা মরম ওইদুনা রুসিয়াদা ভারতকী এস্ত্রোনোত মরি ত্রেনিং চৎথরিবা অসি লেপ্লবসু , ইসরোগী চেয়রমেনগী মতুংইন্না ত্রেনিং অমসুং থাগৎপগী মতমদা অকায়বা লৈহল্লোই হায়রি । মমাংদা লেপ্নখিবগী মতুংইন্না, ২০২২দা ভারতকী ৭৫শুবা নিংতম্বা থৌরম মমাংদা থাগৎনবা হৌজিক এস্ত্রোনোতশিংগী ত্রেনিং অমুক হৌরে ।

দোক্তর জিতেন্দ্রনা হায়খি ইন্দিয়ান নেসনেল স্পেস প্রোমোসন এন্দ ওথোরাইজেসন সেন্তর(ইন-স্পেস) কৌবা চৎন-কাংলোন শেম্নবা বোদি অমা লিংখৎলগনি । মসিনা লনাই কম্পেনশিং শরুক য়াবদা মতেং পাংগনি অমসুং পুক্নিং থৌগৎকনি ।

মহাক্না হায়খি, ঐখোয়গী স্পেসকী মিসনশিংগী তৌবা ঙম্বশিং হেনগৎহনবগী মথক্তা, লনাই কম্পেনশিং শরুক য়াবা য়াহনবা অসিনা স্পেস সাইন্তিস্তশিং অমসুং অখঙ-অহৈশিং ভারত্তগী অতোপ্পা লৈবাকশিংদা থবক থিবা চৎখিবা অদু কনবা ঙমগনি ।

চন্দ্রয়ান-৩ লুনার মিসনগী মতাংদা দোক্তর জিতেন্দ্রনা হায়খি মিসন অসি মথং চহিদা থাগৎনবা থৌরাং তৌরে । মিসন অসিদা লেন্দর অমা, রোভর অমা অমসুং মোদুলশিং পুনবা প্রোপুলসন সিস্তেম অমা য়াওগনি, অদুগা মমাংগী ওর্বিতর অদু থবক তৌরিবা মরম্না মিসন অসিদা ওর্বিতর য়াওররোই ।

*****



(Release ID: 1635199) Visitor Counter : 24