ঙাক-শেল মন্ত্রালয় (এম.ও.দি.)গী দিপার্তমেন্ত ওফ দিফেন্স প্রদক্সন (দি.দি.পি.)গী হাই লেভেল ওফিসিএল কম্মিতী (ঐচ.এল.ও.সি.)না ঙরাং ওর্দিনেন্স ফেক্তরী বোর্দ (ও.এফ.বি.)পু কোর্পোরেৎ ওনবগী মরী লৈনবা হীরমশিং খন্ননবা মসিদা থবক তৌরিবা থৌমীশিংগী লুপকা ৱাফম কয়া খন্নখ্রে। মসি মে ১৬, ২০২০দা লাউথোকখিবা আত্মানির্ভর ভারত পেকেজকী শরুক অমনি অমসুং থৌওং অসিনা ওর্দিনেন্স সপ্লাই তৌবদা ওতোনোমী, একাউন্তেবিলিতী অমসুং ইফিসেন্সী হেনগৎহনগনি হায়রি।

ৱাফম অসি হেক লাউথোকখিবগা জুন ৫, ২০২০দা বিভাগ অসিগী এদিস্নেল সেক্রেতরীনা লুচিংবা কম্মিতী অসিনা অতোপ্পা আর্মীগী সেনিয়র ওফিসিএলশিংগা লোয়ননা থৌমীশিংগী লুপকা ৱারী শানবা হৌখি। ঐচ.এল.ও.সি.না ভিদিও কনফরেন্সিংগী খুত্থাংদা ও.এফ.বি.গী থৌমীশিংগী লুপকা মীফম পাংথোক্তুনা লাক্লি।

অসিগুম্বা ঐচ.এল.ও.সি.গী অহুমশুবা মীফম অমা অতোপ্পা লুপ অহুম, ওল ইন্দিয়া এসোসিএসন ওফ নন-গেজেতেদ ওফিসার্স (এ.আই.এ.এন.জি.ও.শিং) ওফ ওর্দিনেন্স এন্দ ইক্বিপমেন্ত ফেক্তরী এন্দ ক্বালিতী এস্যুরেন্স ওর্গানাইজেসন; ওল ইন্দিয়া এসোসিএসন ওফ ক্লরিকেল ইমপ্লোয়ীস ওফ ওর্দিনেন্স ফেক্তরীস (এ.আই.এ.সি.ই.ও.এফ.) অমসুং ইন্দিয়ন ওর্দিনেন্স ফেক্তরীস নন-তেক্নিকেল সুপর্বাইজরী স্তাফ এসোসিএসন (আই.ও.এফ.এন.তি.এস.এস.এ.)গা জুন ২৫, ২০২০দা পাংথোকখি অমসুং মসিদা সরকারনা হায়রিবা ৱারেপ অসি মরী লৈনবা স্তেকহোলদরশিং য়াওদুনা থবক ওইনা পাংথোকপগী অনিংবা ফোংদোকখি অমসুং ও.এফ.বি.বু চাদা ১ নত্ত্রগা ১দগী হেন্না সরকারনা মপু ওইবা এন্তাইতী অমা ওন্থোক্নবা হোৎনরিবা অসিদা লুপ অসিগী মেম্বরশিংদগী খুৎশুমন, তোলোব, রিতায়রমেন্ত বেনেফিৎ, হেলথ ফেসিলিতী অমসুং অতোপ্পা সর্বিসকী হীরমশিংগী তেক্ত কায়দনা লৈহন্নবা পাউতাক কয়া পীরক্নবা হায়খি।

অনৌবা কোর্পোরেৎ এন্তাইতী অসিগীদমক্তা তুংদা লাক্কদৌরিবা ওর্দরশিং অমসুং সরকারদগী পীহন্নিংবা শেলগী তেংবাংগী মরমদসু পাউতাক পীরক্নবা হায়খি। মমাংদা ঐচ.এল.ও.সি.না লুপ অহুম, মিং ওইনা পল্লবদা কনফেদেরেসন ওফ দিফেন্স রিকগ্নাইজদ এসোসিএসন (সি.দি.আর.এ.), ইন্দিয়ন ওর্দিনেন্স ফেক্তরী গেজেতেদ ওফিসার্স এসোসিএসন (আই.ও.এফ.জি.ও.এ.) অমসুং নেস্নেল দিফেন্স গ্রুপ-বি. গেজেতেদ ওফিসার্স এসোসিএসন (এন.দি.জি.বি.জি.ও.এ.)গা জুন ৫, ২০২০দা উন্নখি অমসুং জুন ১৬, ২০২০দা লুপ অনি, মিং ওইনা পল্লবদা ইন্দিয়ন ওর্দিনেন্স ফেক্তরীস সর্বিস ওফিসার্স এসোসিএসন (আই.ও.এফ.এস.ও.এ.) অমসুং ওর্দিনেন্স ফেক্তরীস দোক্তরস এসোসিএসন (ও.এফ.দি.এ.)গা ৱা খন্নখি।

মীফম অদুদা য়াম্না ইং তপ্পা মওংদা ৱারী শানখি। লুপশিং অসিনা মখোয়গা খরা তোয়না ৱা তান্ননিংবগী হায়জরকপা অদুবু শ্রী ভি.এল. কান্থা রাও, এদিস্নেল সেক্রেতরী, দি.দি.পি., এম.ও.পি.না লুচিংবা কম্মিতীনা য়াখিবগা লোয়ননা লুপশিং অসিগা লোয়ননা চৎমিন্নগনি হায়বগী থাজবসু পীখি।

থৌমীশিংগী লুপ অসি আই.ও.এফ.এন.তি.এস.এস.এ.গী জেনেরেল সেক্রেতরী শ্রী এম. জোহনসন অমসুং একজেক্যুতিব মেম্বর শ্রী পি. এলিয়াহ; এ.আই.এ.এন.জি.ও.গী জেনেরেল সেক্রেতরী শ্রী এস.কে. সচন অমসুং ওর্গানাইজিং সেক্রেতরী শ্রী অজয় অমসুং এ.আই.এ.সি.ই.ও.এফ.কী প্রসিদেন্ত শ্রী দি.কে. ভর্মা অমসুং জেনেরেল সেক্রেতরী শ্রী ঐচ.কে. অগ্নিহোত্রিনা মীহুৎ শিনখি।

*****