চহি ২০২০-২১দগীনা ২০২৫-২৬কী ওইবা রিকমেন্দেসনশিং শেম্নবগীদমক, কম্মিসন অসিনা ঙসি পঞ্চায়তী রাজ মন্ত্রালয় (এম.ও.পি.আর.)গা লোইননা কেন্দ্রগী খুঙ্গং চাউখৎ থৌরাং, লৌউ-শিংউ অমসুং লৌমীশিংগী য়াইফথৌরাং অমসুং পঞ্চায়তী রাজ মন্ত্রী শ্রী নরেন্দ্র সিংহ তোমারনা লুচিংদুনা মীফম অমা পাঙথোকখ্রে। কম্মিসনগী মহুৎ শিন্দুনা চেয়র্মেন ওইরিবা শ্রী এন.কে. সিংহনা খন্ন-নৈনবদু পাঙথোকখি।

১৫শুবা ফাইনান্স কম্মিসনগী তার্মস ওব রিফরেন্সনা "রাজ্য অমগী ফাইনান্স কম্মিসন্না পীরকপা পাউতাক্তা য়ুম্ফম ওইদুনা রাজ্য অদুগী পঞ্চায়ৎ অমসুং ম্যুনিসিপালিতীশিংগী রিসোর্সশিংদা মতেং পাংনবা রাজ্য অদুগী কন্সোলিদেতেদ ফন্দবু হেনগৎহন্নবা খোংথাং" লৌখৎপসি তঙাই ফদে হায়না পল্লি। কম্মিসন্না মখোয়গী ২০২০-২১গী ওইনা মসিগী থবক অসিবু লৌখৎপীদুনা অমসুং লোকেল বোদীশিংগীদমক মখোয়গী রিকমেন্দেসন থাজিনবীখ্রে অমসুং লেমহৌরিবা এৱার্দ পেরদকী ওইবা পাক চাউরবা তৌগদবশিং তাকখ্রে। পনবা য়াই, হন্দক্কী পেরদকী ওইনা আর.এল.বী.শিংগীদমক লুপা কোতি ৬০,৭৫০ তাংকক অনী থোক্না খাকখ্রেঃ বেসিক গ্রান্তস ৫০% অমসুং ফাইনেল গ্রান্তস্কীদমক ৫০%।

এম.ও.পি.আর.না এক্স.ভি. এফ.সি.না মখোয়গী এৱার্দ অদু ২০২১-২৬কী শেমদোক্লবা পেরদকীদমক লুপা কোতি লাখ ১০ খাক্নবা থাগৎখি। ২০২০-২১গী এক্স.ভি. এফ.সি. ইন্তরিম রিপোর্তকী মতুং ইন্না পি.আর.আই.শিংদা পীবা গ্রান্তশিং দিবোলুসন তৌবসু এৱার্দ পেরদ অদুগী চহি ৪ হায়বদি ২০২১-২৫ ফাওবগী ওইনা বেসিক সর্বিস শোইদনা পীনবা ৫০% ফাজিন্দনা থম্বা অমসুং থক্নবা ঈশিং অমসুং লুব-নানবগী ওইনা ৫০% অমা ফাজিনবা, মসিগী মতুংদা থক্নবা ঈশিং অমসুং লুবা নানবগী ওইনা ২৫% ফাজিনবা অমসুং খুঙ্গংগী মফমশিংদা থক্নবা ঈশিং পীনবা অমসুং লুব-নানবগী চাং হেনগৎলক্কনি খল্লগা থক্নবা ঈশিং পীনবগী অমসুং লুব-নানবগীদমক ৭৫% ফাজিন্দনা খাকপনি। ফাজিন্দনা পীগদবা গ্রান্তশিং অসিগী মনুংদগী, পি.আর.আই.শিংনা আউৎসোর্সিংশিং, কন্ত্রেক্ততা নত্ত্রগা সেল্ফ এঙ্গেজ ওইনা তঙাই ফদবা সর্বিসশিং পীবগী অয়াবা পীরি। মখোয়না গ্রান্তশিংবু থবক পায়খৎপগী, শেমজিন-শাজিনবগী, খুৎশুমল পীবগী, ইন্তর্নেত অমসুং তেলিফোনগী চৎকদবা শেল, থাউগী চৎকদবা, ভারা, খুদোংথীবা থোরকপা মতমদা কাইথোক্নবনচিংবা তোঙান-তোঙানবা রেবিন্যু/রিকরিং এক্সপেন্দিচরদা শীজিন্নবগী অয়াবা পীরি। মসিনা মখা তানা অহেনবা চঙগদবা গ্রান্ত ওইনা লুপা কোতি ১২,০০০সু চহি মঙাগী মতম, ২০২১-২৬ ফাওবগী ওইনা রাজ্যশিংনা গ্রাম পঞ্চায়ৎ ভাবন লৈতবা গ্রাম পঞ্চায়ৎশিংদা অকক্নবা মতমদা শানবা পল্লি। মসিদগী হেন্না, খুঙ্গংগী মফমশিং অমত্তা ওইনা চাউখৎনবগীদমক গ্রাম পঞ্চায়ৎ খুদিংমক্তা মলতি পর্পোস কম্ম্যুনিতী হোল/সেন্তর শাবগী তঙাইফদবদুসু য়াওরি।

ঙসিগী খন্না নৈনবদুদা মরুওইনা খন্নখিবা ৱাফমশিংদিঃ

• রাজ্য-রাজ্যগী ওইনা ফন্দ, ফংসন অমসুং ফংসনরীশিং আর.এল.বি.শিংদা, সংবিধানগী তরামাথোইশুবা সেদ্যুলদা পল্লিবা ফংসন ২৯গী মতুং ইন্না দিবোলুসন তৌবগী ফিবম, অমসুং চাউখৎলিবশিং অসি মতমগী মতুং ইন্না এফ.সি.গী গ্রান্তশিং হেনগৎলক্লিবসিদা চান্নরিব্রা হায়বদুগী ফিবম।
• স্তেত ফাইনান্স কম্মিসন (এস.এফ.সি.) শেম্বগী ফিবম, খ্বাইদগী নৌবা এস.এফ.সি.গী রিকমেন্দেসন অমসুং থবক থৌরমশিং, রাজ্যগী ওইনা এফ.সি. অমসুং এস.এফ.সি. রাজ্য অমগী মনুংদা য়েন্থোকপগী ক্রাইতরিয়াশিং।
• রাজ্যনা প্রোপর্তী তেক্স বোর্দ শেম্বা
• আর.এল.বি.শিংনা ২০১১-১২দগী হৌদুনা পুথোকখিবা রাজ্য-রাজ্যগী ওইবা 'মশাগী রিসোর্স'কী পেতর্ন অমসুং ফি.এস.তি.না আর.এল.বি.শিংগী কারকপা শেনফমদা পীবা শাফু।
• রাজ্যশিংদা পরফোর্মেন্স গ্রান্ত থাদোকপা।
• আর.এল.বি.শিংনা কন্দিসনশিং থুংহন্দুনা পরফোর্মেন্স গ্রান্তশিং লৌবা য়ারবা রাজ্যশিংগী অকুপ্পা মরোল।
• লোকেল বোদীশিংগী মথৌ মতম চুপ্পগী ওইনা ফগৎহন্দুনা কন্দিসনশিং মপুং ফানা ইল্লবা মতুংদা পি.জি. লৌদুনা কান্নবা মতীক চানা ফংলবা রাজ্যশিং খঙদোকপা।

জুন ১, ২০২০দা, এক্সপেন্দিচর দিপার্তমেন্তনা তরামঙাশুবা ফাইনান্স কম্মিসন (এফ.সি.-এক্স.ভি.) রিপোর্তকী ৫শুবা পন্দুপ (লোকেল বোদিজ গ্রান্তস)দা পল্লিবা রুরেল লোকেল বোদী (আর.এল.বি.) গ্রান্তশিংগী রিকমেন্দেসনশিং থবক ওইনা পায়খৎপগী ওপরেসনেল গাইদলাইন অমা ফোংখ্রে। শেল-থুম মন্ত্রালয়না জুন ১৭, ২০২০দা থোকখিবা কম্ম্যুনিকেসন অমগী মতুং ইন্না অহানবা ইন্সতোলমেন্তকী ওইনা লুপা কোতি ১৫১৭৭ (লুপা কোতি ৬০৭৫০গী ২৫%) খুঙ্গংগী লোকেল বোদীশিংদা শেনবা চহি ২০২০-২১ রিপোর্ত্তা পল্লিবা ব্রোদ প্রিন্সিপালদা য়ুম্ফম ওইরগা থাদোকখ্রে। নোতিফিকেসন অদুদা মসিমসু পল্লি মদুদি, রাজ্য সরকারনা শেনফম অসি পুপুলেসন ৱেতেজ ৯০% অমসুং এরিয়া ৱেতেজনা ১০% লৈবা এক্সক্লুদেদ এরিয়াশিংদা য়েন্থোক্কদবনি।

এম.ও.পি.আর.না কোবিদ লাইচৎ অসি য়েংদুনা থোক্লকপা খুদোংথীবা থৌদোকশিংদা পি.আর.আই.শিং চৎনবা য়ানবগীদমক আর.এল.বি.গী সপ্পোর্ত লৌনবা হোৎনরি। মন্ত্রালয় অসিনা মখা তানা হায়রি মদুদি, লাইচৎ অসিগী মনুংদা পঞ্চায়ৎশিংনা লাইচৎ অসিদগী ঙাকথোক্নবা, থিংননবা কান্নরবা থবক থৌরম কয়া অমা পায়খত্তুনা জাতিগী পঞ্চায়তী রাজ নুমিত্তা প্রধান মন্ত্রী, শ্রী নরেন্দ্র মোদীগী পুক্নিং চিংশিনখি। অদুমওইনমক, লাইচৎ অসিগী মনুংদা মরুওইনা থেংনখিবা খুদোংচাদবদি অতেনবা মতমদা অৱাবা তারবা মীয়ামদা থোংলবা চাক ইনশাং পীবা ঙমখিদবা অসিনি। মসিগীদমক্তা, এম.ও.পি.আর.না 'কম্ম্যুনিতী কিৎচন'গী ৱাখল্লোন অমসুং এস.ঐচ.জি.শিংদা পি.আর.আই.শিংগা পুন্দুনা 'কম্ম্যুনিতী কিৎচন' চৎনবা হৌনবা হৌদোকখিবনি। মন্ত্রালয় অসিনা এক্স.ভি.এফ.সি.শিংনা মতেং পাংদুনা খুঙ্গংগী সমাজদা চাউখৎপা পুরক্নবা পুক্নিং চিংশিল্লকখি।

এম.ও.পি.আর.না কম্মিসন্দা পাউদমখি মদুদি, মখোয়গী রিকমেন্দেসনগী মতুং ইন্না, মন্ত্রালয় অসিনা ওদিৎওনলাইন কৌবা সোফৱেয়র এপ্লিকেসন অমা পঞ্চায়ৎশিংগী ওদিতিংগী থবকশিং মতম চানা তৌনবা অজমসুং ফাইনান্সিএল দিসিপ্লিন ঙাক্নবা অমসুং ফাইনান্স কম্মিসন্না থাদখিবা শেনফমশিং মনুং মপান ফাওনা উনবা হৌদোকখ্রে।

কম্মিসন অসিনা মন্ত্রী অমসুং মহাক্কী কাংবুদা মখোয়না মতেং চপ চানা পাংগনি হায়না থাজবা পীখি।

*****