ঙসি জুন ২৪, ২০২০দা রেলৱেজ মন্ত্রালয়না ভিদিও কনফরেন্সকী মীফমগী খুত্থাংদা জোনেল রেলৱেজ অমসুং রেলৱেজকী পি.এস.য়ু.শিংগা লোয়ননা গরীব কাল্যন রোজগার অভিয়ানগী থবক থৌরমগী ফীভম য়েংশিনখ্রে।

ইকাইখুম্নরিবা প্রধান মন্ত্রীনা জুন ২০দা শঙগাখিবা গরীব কাল্যন রোজগার অভিয়ান অসি স্তেৎ তরুক মদুদি উত্তর প্রদেশ, বিহার, রাজাস্থান, মধ্য প্রদেশ, ওরিশা অমসুং ঝার্খন অসিগী খন্দোক্লবা দিস্ত্রিক্ত ১১৬দা চৎনবা হৌখ্রে।

এস.য়ু.শিংগী জেনরেল মেনেগরশিং (জি.এম.শিং) অমসুং দিবিজনেল রেলৱেজ মেনেজরশিং (দি.আর.এম.শিং) অমসুং মেনেজিং দিরেক্তরশিং (এম.দি.শিং)গা লোয়ননা গরীব কাল্যন রোজগার অভিয়ানগী থবক থৌরমগী ফীভমগী মতাংদা রেলৱেস বোর্দকী চেয়রমেন, শ্রী ভিনোদ কুমার য়াদাবনা ঙসি ভিদিও কনফরেন্সকী মীফম অমা ফমখ্রে।

মীফম অদুদা ৱাং ঙাংলদুনা, জোনেল রেলৱেজশিংনা দিস্ত্রিক্ত খুদিংগী লোয়ননা স্তেৎশিংদা নোদেল ওফিসরশিং খন্দুনা স্তেৎ সরকারগা লোয়ননা পুন্না চৎমিন্ননবা শ্রী য়াদাবনা য়াথং পীখি। জোনেলগী থাক্তা রেলৱেস এদমিনিস্ত্রেসননা মাইগ্রেন্তশিং প্রোজেক্তশিংদা য়াওহন্দুনা শেম পীনবা কন্না হোৎননবা শ্রী য়াদাবনা খঙহনখি।

খন্দোক্লবা দিস্ত্রিক্তশিং অসিগী হৌজিক চৎথরিবা ইনফ্রাস্ত্রকচরগী থবক থৌরম পুম্নমক খোংজেল য়াংশিন্নবা জোনেল রেলৱেশিংদা খঙহনখি। খোংজেল য়াংশিন্নবা ইনফ্রাস্ত্রকচরগী থবক থৌরম ১৬০রোম খন্দোকখ্রে। হায়রিবা অসিনা শিন্মী লিশিং কয়া থবক পীরগনি অমসুং ওক্তোবর ২০২০গী লোয়রকপা ফাওবদা চাওরাক্না নোংমগী থবক মীওই লাখ ৮দা পীবা ঙম্লগনি। দিস্ত্রিক্তশিং অসিদা লুপা কোতি ১৮০০ রোম থাদগদৌরি।

এম.জি.এন.আর.জি.জি.এস.কী খুত্থাংদা তৌবা য়ানা রেলৱেগী থবক মশিং কয়া রেলৱেনা খন্দোকখ্রে। থবকশিং অসিগা মরী লৈনবশিং অদুদি (i) লেবেল ক্রোসিংশিংগী শেমগৎকদবা লম্বীশিং শাবা অমসুং শেমজিনবা, (ii) ত্রেক্তা লোয়ননা লৈবা ফুনজিল্লবা ঈরম খোংলমশিং অমসুং নাল্লাশিং শেমজিনবা অমসুং শেংদোকপা, (iii) লৱে স্তেসনশিং তাগদবা শেমগৎকদবা লম্বী শাবা অমসুং শেমজিনবা, (iv) রেলৱেগী হৌজিক লৈরিবা এমবেঙ্কমেন্তশিং/কত্তিংশিং শেমজিনবা অমসুং চাওথোকহনবা, (v) রেলৱেগী লমগী ঙমখৈদা উ-পাম্বীশিং থাবা অমসুং (vi) হৌজিক লৈরিবা এমবেঙ্কমেন্তশিং/কত্তিংশিং/থোংশিং অসি ঙাকশেন্নবা থবকশিং। এম.জি.এন.আর.জি.জি.এস.গী মখাদা তৌগদবা থব-/কশিংগী সেঙ্কসন তৌনবা জোনেল রেলৱেশিংদা য়াথং পীখ্রে। জোনেল রেলৱেশিংনা থবকশিং অসি নুমিৎ খুদিংগী য়েংশিনগনি অমসুং মন্ত্রালয়দা ইরাই খুদিংগী ওক্তোবর ২০২০গী অরোইবা ফাওবা রিপোর্ত পীখৎকনি।

অমাং অতা থোকহল্লিবা কোবিদ-১৯না শোকহল্লবা মশিং য়াম্লবা মাইগ্রেন্ত শিন্মীশিং হল্লক্লিবা মফমশিং/খুঙ্গংশিংদা থৌনা হাপনবা অমসুং হিংনবগী পাম্বৈশিংগী খুদোংচাবা পীনবা গরীব কাল্যন রোজগার অভিয়ান কৌবা থবক পীবা-লোয়ননা-খুঙ্গংগী পব্লিক ৱার্কশিংগী ওইবা অচৌবা কেম্পেন অমা জুন ২০, ২০২০দা ইকাইখুম্নরিবা প্রধান মন্ত্রী শ্রী নরেন্দ্রা মোদীনা হৌদোকখি। গরীব কাল্যন রোজগার অভিয়ানগী মখাদা কুইনা চৎকদবা খুঙ্গংগী ইনফ্রাস্ত্রকচর শানবা লুপা কোতি ৫০,০০০গী শেনফম প্রধান মন্ত্রীনা লাউথোকখ্রে।

রিতর্নী মাইগ্রেন্ত শিন্মী য়াম্না লৈবা স্তেৎ ৬, বিহার, উত্তর প্রদেশ, মধ্য প্রদেশ, রাজাস্থান, ঝার্খন অমসুং ওরিশা অসিদা মিসন মোদতা থবক তৌদুনা নুমিৎ ১২৫গী অভিয়ান অসিনা দিস্ত্রিক্ত ১১৬দা থবক থৌরমশিং অসিগী মখল ২৫ লৌখৎনবা মীৎয়েং থম্লি। কেম্পেন অসিগী মনুংদা লৌখৎকদৌরিবা পব্লিক ৱার্কশিং অসিদা লুপা কোতি ৫০,০০০ থাদগদৌরি।

অভিয়ান অসি তোঙান তোঙানবা মন্ত্রালয়/বিভাগ ১২ মমিং ওইনা পল্লবদা; খুঙ্গং চাউখৎ থৌরাং, পঞ্চায়তী রাজ, রোদ ত্রান্সপোর্ত অমসুং হাইৱেজ, মাইনস, থক্নবা ঈশিং অমসুং সেনিতেসন, ইনভাইরনমেন্ত, রেলৱেজ, পেত্রোলিয়ম অমসুং নেচরেল গ্যাস, ন্যু অমসুং রিন্যুএবল ইনর্জি, বোর্দর রোদস, তেলিকোম অমসুং লৌউ-শিংউগী পব্লিক ইনফ্রাস্ত্রকচর ৱার্ক ২৫ ইমপ্লিমেন্ত তৌনবা অমসুং হিংনবগী পাম্বৈশিং পীনবা খুদোংচাবশিং হেনগৎনবা মরী লৈনবা থবকশিংগী খোংজেল য়াংশিন্নবা পুন্না হৌনরগনি।

*****