রিপব্লিক ওব মালিনা পাৱর মন্ত্রালয়গী মখাদা কেন্দ্রগী পি.এস.য়ু. অমস ওইরিবা এন.তি.পি.সি.দা মেগা ৱাৎ ৫০০গী সোলার পার্ক অমা শেমগৎপগীদমক প্রোজেক্ত মেনেজমেন্ত কন্সলতেন্সীগী মনা পীখ্রে। জুন ২৪, ২০২০দা পাঙথোকখিবা, পাৱরগী রাজ্যগী মন্ত্রী, এন.আর.ই., স্কিল দিবেলপমেন্ত অমসুং ইন্তর্নেসনেল সোলার এলাইএন্সকী প্রসিদেন্ত শ্রী আর.কে. সিংহ অমসুং মালিগী এম্বাসেদর হিজ এক্সিলেন্সী সেকৌ কাসেনা ময়াই তাংবল লৌখিবা থৌরম অমদা প্রোজেক্ত মেনেজমেন্ত কন্সলতেন্সী মনাগী চেদু সি.এম.দি. এন.তি.পি.সি. শ্রী গুরদীপ সিংহদা রিপব্লিক ওব মালিদা মেগা ৱাৎ ৫০০গী সোলার পার্ক অমা শেগৎপগীদমক খুৎশিন্নখি।

আই.এস.এ. অসি ইন্তর্নেসনেল, ইন্তর-গবর্নমেন্তেল ঐবা ভারত্তা লৈবা প্রধান মন্ত্রী শ্রী নরেন্দ্র মোদীগী লুচিং অমসুং মীৎয়েং মখাদা শেমগৎখিবনি অমসুং ফ্রান্সকী রাস্ত্রপতিগা লোইননা ২০১৫দা পেরিস্তা পাঙথোকখিবা কোপ২১গী মনুংদা লাউথোকখি। আই.এস.এ.গী মীৎয়েং অসি সোলার রিবোলুসন্দা কা হেন্না চাউবা পান্দম থম্বনি, সাইন্স অমসুং ইকোনোমিক রিসোর্সশিং শীজিন্নবা য়ানবা মালেমগী ওইবা ইকোসিস্তেম অমা শেমগৎপা, তেক্নোলোজী অমসুং কেপিতেল অচঙবা হন্থহনবা, মমল হন্থহনবা অমসুং স্তোরেজ তেক্নোলোজী অমসুং ইন্নোবেসন পীন্নবনি। মসিগী স্কেল অমসুং ওথোরিতেতিব অন্দর্স্তেন্দিংগা লোইননা তোঙান-তোঙানবা ইকোনোমীগী খুৎশিন্নবগী খুদোংচাবা ফংনবগীদমক, আই.এস.এ.না মালেমদা খ্বাইদগী মকোক থোংবা ইনর্জী ত্রাঞ্জিসন কেতালিস্ত অমা ওইনা ইনর্জী পোবর্তীদগী ইনর্জী ইম্পাৱর্মেন্ততা ওন্থোক্লগনি।

থৌরম অদু রিন্যুএবল ইনর্জী মন্ত্রালয়, নই দিল্লীদা আই.এস.এ.না থৌরম মপু ওইখি অমসুং মশক নাইরবা কয়াগী মরক্তা আই.এস.এগী দিরেক্তর জেনরেল হিজ এক্সিলেন্সী উপেন্দ্র ত্রিপাথী, সেক্রেতরী (পাৱর)- শ্রী সঞ্জীব নন্দন সহাই অমসুং সেক্রেতরী (এম.এন.আর.ই.)- শ্রী ইন্দু শেখর চতুর্বেদি অমসুং সেক্রেতরী (ইকোনোন্মিক রিলেসন্স) শ্রী রাহুল ছাব্রাগা লোইননা অতোপ্পা কয়ানা থৌরমদুদা শরুক য়াখি।

রিপব্লিক ওব মালিনা লৈবাক অসিগী ইনর্জী সেক্যুরিতীগী ওইবা থৌরাং কয়া অমা লৌখৎলি, মরুওইনা সোলার পাৱর অমসুং মসিবু শীজিন্নবদা মীৎয়েং থম্লদুনা লৈবাক অসিগী মীয়ামদা মৈ ফংহনবগী চাং ৱাংখৎহনবনি। মালিদা সোলার প্রোজেক্তশিং চাউখৎহনবনা মালিগী সমাজ অমসুং শেন্মিৎলোন্দা অচৌবা খুমাং চাউশিনবা পুরক্কনি।

ভারত সরকারগী ইন্তর্প্রাজ অমসুং মেগা ৱাৎ ৬২,১১০গী ইন্সতোল্দ কেপাসিতী লৈবা মালেমগী থাক্তা মকোক চিংলিবা পাৱর কম্পেনী অমা ওইরিবা এন.তি.পি.সি.না সোলার প্রোজেক্তশিং লিংখৎপদা অমসুং ভারত্তা নেসনেল সোলার মিসনগুম্বা তোঙান-তোঙানবা সোলার মিসন কয়া পায়বদা হৈশিং শিংলবনি। মেম্বর ওইরিবা লৈবাকশিংনা এন.তি.পি.সি.গী সর্বিস লৌনবা হোৎনরিবসিদা কৃক-কৃক ইন্ননা ২০১৯দা, আই.এস.এ.না এন.তি.পি.সি.বু প্রোজেক্ত মেনেজমেন্ত কন্সুলতেন্ত ওইনা লৌখৎখি। মমাঙদা রিপব্লিক ওব তোগোনা মেগা ৱাৎ ২৮৫গী সোলার পার্ক অমা মসিগা মান্নবা পি.এন.সি.না শেমগৎনবা এন.তি.পি.সি.দা লিংখৎহনখি। মথংগী চহী অনীসিদা এন.তি.পি.সি.না আই.এস.এ.গী মেম্বর ওইরিবা লৈবাকশিংদা মেগা ৱাৎ ১০,০০০গী সোলার পার্ক লিংখৎনবা পান্দম থম্লি। ভারত্তা অনৌবা ৱাখল্লোন অমা ওইনা সোলার পার্ক কয়া হৌদোক্তুনা সোলার পার্কশিং অসিনা খ্বাইদগী ফবা থবক অমা ওইরি অমসুং হৌজিকফাওবদা প্রোজেক্ত কয়া অমা কাইথখ্রে, মসিনা সোলার ইনর্জীগী মমল হন্থহল্লদুনা, ইনভেস্তমেন্ত হেনগৎহল্লদুনা মসিগী থবক অসি পায়খৎপা মতমদা মী কয়া অমদা থবক পীরি অমসুং অকোইবদা কান্নবা পীরি।

*****