স্পেসকী থবক থৌরম পুম্নমক্তা লনাই সেক্তর য়াওশিনবা হেনগৎহন্নবগী পান্দমদা প্রধান মন্ত্রী শ্রী নরেন্দ্রা মোদীনা চেয়র লৌদুনা কেন্দ্রগী কেবিনেৎনা স্পেসকী সেক্তরদা অহোংবশিং পুরকপদা অয়াবা পীখ্রে। ভারত্তা অওনবা পুরকপা অমসুং লৈবাক অসি মরোমদোম লেপ্পা ঙমহনবা অমসুং তেক্নোলোজীদা চাউখৎপা পুরক্নবগী প্রধান মন্ত্রীগী তুংকোইনা চৎকদবা মিৎয়েং অসিগা লোয়ননা ৱারেপশিং অসিগা চান্নরি।

স্পেস সেক্তরদা থৌদোক হেন্দোকনা মাংজিল থারিবা লৈবাক খরগী মনুংদা ভারতসু অমনি। অহোংবশিং অসিগা লোয়ননা, সেক্তর অসিনা অনৌবা থৌনা অমসুং লিংজেল লৈহন্দুনা লৈবাক অসি স্পেসকী থবক থৌরমশিংগী মথংগী থক্তা য়ৌবা ঙমহল্লগনি।

মসিনা মরম ওইরগা সেক্তর অসিগী গ্রোথ অসিদা খোংজেল য়াংশিনহনবদা নত্তনা ভারতকী ইন্দস্ত্রী অসি মালেমগী স্পেসকী শেন্মিৎলোনদা অচৌবা শরুক অমা য়াবা ঙমহল্লগনি। মসিগা লোয়ননা, তেক্নোলোজী সেক্তরদা মশিং য়াম্না থবক পীবা ঙম্লগনি অমসুং ভারত অসি মালেমগী তেক্নোলোজীগী পাৱরহাউস অমা ওইবা ঙমহল্লগনি।

মরু ওইবা কান্নবশিং:

ঐখোয়গী ইন্দস্ত্রিএল বেজগী তেক্নোলোজী চাউখৎহনবা অমসুং চাউথোকহনবদা স্পেস সেক্তরনা মরু ওইবা থৌদাং অমা লৌরি। প্রপোজ তৌখ্রিবা অহোংবশিং অসিনা স্পেসকী এসেৎশিং, দেতা অমসুং ফেসিলিতীশিংগী খুত্থাংদা ফগৎহনবগী য়াওনা স্পেসকী এসেৎশিং অমসুং থবক থৌরমশিং সোসিও-ইকনোমিক্তা শিজিন্নবা হেনগৎহল্লগনি।

নৌনা শেমখ্রবা ইন্দিয়ন নেস্নেলন স্পেস প্রমোসন এন্দ ওথোরাইজেসন সেন্তর (আই.এন.-এস.পি.এ.সি.ই.) অসিনা লনাই কম্পনীশিংনা ইন্দিয়ন স্পেস ইনফ্রাস্ত্রকচর শিজিন্নহন্নবা ফম্বাক অমা পীরগনি। মসিনা স্পেসকী থবক থৌরমশিংদা লনাই ইন্দস্ত্রীশিং অসি অফবা পোলিসীশিং অমসুং কান্নবা পীররিবা চৎনা কাংলোনশিংগী খুত্থাংদা লমজিংগনি, চাউখৎহনগনি অমসুং তাকপী তম্বীগনি।

পব্লিক সেক্তর এন্তর্প্রাইস ‘ন্যু স্পেস ইন্দিয়া লিমিতেদ (এন.এস.আই.এল.)’না ‘সপ্লাইনা চল্লাইবা’ মোদেল অমদগী ‘দিমান্দনা চল্লাইবা’ মোদেল অমদা স্পেসকী থবক থৌরমশিং অসি ওন্থোহল্লগনি, অসুম তৌনা ঐখোয়গী স্পেসকী এসেৎশিং অসি খ্বাইদগী ফগদবা মওংদা শিজিন্নহনগনি।

মসিগী অহোংবশিং অসিনা ইসরোনা রিসর্স অমসুং চাউখৎ থৌরাংগী থবকশিং, অনৌবা তেক্নোলোজীশিং, থীবা হুম্বগী মিসনশিং অমসুং হ্যুমেন স্পেসফ্লাইৎ প্রোগ্রামশিংদা অহেনবা মিৎয়েং চংবা য়াহল্লগনি। ‘খুদোংচাবা পীবা’ মেকানিজম অমগী খুথাংদা গ্রহগী থীবা হুম্বগী মিসন খরসু লনাইগী সেক্তরদা হাংদোক্লগনি।

***