হ্যুমেন রিসোর্স দিভেলপমেন্তকী কেন্দ্র মন্ত্রী শ্রী রমেশ পোখ্রিয়াল ‘নিশঙ্ক’না মহৈগী অৱাংবা থাক্কী মহৈলোয়শংশিংদা লল্লোন-ইতিক্কা মরি লৈনবা থবক পাংথোকপগী মঙম অমসুং ইনক্যুবেতেদ স্তার্তএপকা মরি লৈনবা ই-পাওশিংগীদমক্তা নিংথিজনা লৈহন্নবদা তেংবাং ফংহন্নবগীদমক ঙসি ‘য়ুক্তি ২.০’গী থৌরাং হৌদোকখ্রে। ঐচ.আর.দি.গী রাজ্য মন্ত্রী শ্রী সঞ্জয় শর্মা ধোত্রে, এদিস্নেল সেক্রতরী(হায়র এদজুকেসন) শ্রী রাকেশ রাজন, এ.আই.সি.তি.ই.গী চেয়রমেন প্রোফেসর অনীল সহাশ্রাবুদ্ধে, এ.আই.সি.তি.ই.গী মেম্বর সেক্রতরী দা. রাজিব কুমার অমসুং এম.ঐচ.আর.দি.গী ইন্নোভেসন সেলগী চীফ ইন্নোভেসন ওফিসর দা.অভয়জেরেসু ওনলাইন্দা পাংথোকখিবা থৌরম অদুদা য়াওখি।

Launch of YUKTI 2.0 https://t.co/8EK9oN22NR

— Dr Ramesh Pokhriyal Nishank (@DrRPNishank) June 23, 2020

হান্ননা, য়ুক্তি (লৌশি-জ্ঞান, তেক্নোলোজী অমসুং ইনৌ-নৌনা পাংথোকপা থবকশিংগা লোয়ননা কোবিদপু লান্থেংনরিবা ভারতকী নহাশিং)গী ৱেব পোর্তেল অসি এপ্রীল, ২০২০দা মন্ত্রালয় অসিনা হৌদোকখি। ঐচ.আর.দি. মন্ত্রালয় অসিনা কোরোনাভাইরস অসিগী খল্লগা পোর্তেল অমসু হৌদোকখ্রে। পোর্তেল অসিনা তোঙান-তোঙানবা মায়কৈদা কোবিদ-১৯না থেংনগদৌরিবশিং অসি য়াম্না শেংনা অমদি অকনবা মওংদা থুংনা পাংথোকপা পাম্লি। পোর্তেল অসিদগী হ্যুমেন রিসোর্স দিবেলপমেন্ত মন্ত্রালয়না মহৈরোইশিং, ওজাশিং অমসুং থীজিনবগী থবক তৌরিবশিংনা অৱাংবা থাক্কী মহৈলোয়শংশিংদা মখোয়গী তেক্নোলোজীশিং অমসুং ইনৌ-নৌনা পায়খৎকদবা থবকশিং হেন্না চাওখৎহন্নবগীদমক চপ চাবা তেংবাং ফংহন্নবা হোৎনগনি।

শ্রী পোখ্রিয়ালনা মহাক্কী ৱাফম অদু ফোংদোকপা মতমদা য়ুক্তি ২.০ অসি এম.ঐচ.আর.দি.গী থৌরাং ‘য়ুক্তি’ অসি কোবিদকী লায়চৎ অসিগা মরি লৈনবা ৱাখল্লোনশিংবু মশক খংদোক্নবা হান্নগী ভর্জন অসি শন্দোরকপা মওংনি। হান্নগী ‘য়ুক্তি’গী ভর্জনগী আওতকম পুম্নমক অসি অথুবা মতমদা ফোংলগনি।

মন্ত্রীনা থবক অসিবু থাগৎখি অমসুং ঐখোয়গী প্রধান মন্ত্রীনা ভারত অসিবু ‘আত্মনির্ভর’ ওইনবা মিশন অসি পীরিরে অমসুং য়ুক্তি ২.০ অসি মায়কৈ অসিগীদা য়াম্না মরু ওইবা খোংথাং অমনি হায়না ফোদোকখি। ঐখোয়গী নহারোলশিং অসি ইনৌ-নৌবা মওংদা য়াম্না ৱাখল খনবা ঙম্মি অমসুং মখোয়গী ৱাখল্লোনশিং অদু ইন্তর্প্রাইজেশিংগী মওংদা ওন্থোক্নবা তৌবদা ঐখোয়না পাংবা য়াবা মতেং পাংগনি হায়না ফোংদোকখি। হেন্না মরু ওইবা মওংদা, য়ুক্তি ২.০ গুম্বা থবক-থৌরাং অসিনা ঐখোয়গী মহৈ-মশিংগী লোয়শংশিংদা ইনৌ-নৌবা থবকশিং অমসুং ইন্তর্প্রিন্যুরশিপকী নাৎ অসি খুমাং চাওশিন্নবা তচৌবদা মতেং পাংগনি হায়না ফোংদোকখি।

য়ুক্তিগী পোরেতেল অসি হৌদোকপদা মন্ত্রীনা নুংঙাইবা ফোংদোকখি। মহাক্না অৱাংবা থাক্কী মহৈলোয়শংশিংগী মহৈরোইশিং, ফেকল্তীগী মীহুৎশিং, স্তার্তঅপশিং অমসুং অতৈ স্তেকহোলদরশিংদা য়ুক্তি পোর্তেল অসিদা রেজিস্তর তৌনবা অমসুং মখোয়গী তেক্নোলোজীশিং অমসুং ইনৌ-নৌবা থবশিং অদু থম্লক্নবা হায়খি।

শ্রী পোখ্রিয়ালনা মসিগী দেতাবেজ অসিনা ঐখোয়গী অৱাংবা থাক্কী মহৈ-মশিংগী ইনৌ-নৌবা ইকোসিস্তেমগী মওংগী শেংলবা শক্তম অমা ফংহল্লগনি হায়না ফোংদোকখি। মসিনা সরকারনা খুদোংচাদবশিং অসি মশক খংদোক্তুনা লৈবাক অসিদা ইনৌ নৌবা থবক্কী ইকোসিস্তেম অসিবু মপাঙ্গল কনখৎহন্নবা চপ চান্নবা পোলিসিশিং অসি শেম্নবা মতেং পাংগনি। মন্ত্রালয় অসিনা খুন্নাই অসিদা চাওনা মতেং পাংনবা মশক থোকপা ইনৌ-নৌবা থবকশিং অমসুং তেক্নোলোজীশিংগী তেংবাং পীনবা পাংবা য়াবা মতেংশিং পাংগনি হায়না ফোংদোকখি। পোর্তেল অসিনা অৱাংবা থাক্কী মহৈ-মশিংদা ইনৌ-নৌবা থবকশিং অমসুং ইন্তর্প্রিন্যুরশিপকী নাৎপু শৌগৎপদা অমসুং নহারোবলশিং য়াওনা লৈবাক অসিবু শেমগৎপদা মাইলস্তোন অমনি হায়না তাক্কনি হায়বগী ৱাখল্লোন থম্লি।

ঐচ.আর.দি.গী রাজ্য মন্ত্রী শ্রী সঞ্জয় ধোত্রেনা মসিগী য়াম্না অখন্নবা খোংথাং অসিগীদমক এম.ঐচ.আর.দি.গী ইন্নোভেসন সেল অমসুং এ.আই.সি.তি.ই.গী তীমদা য়াওরিবশিং পুম্নমকপু থাগৎপা ফোংদোকখি। মহাক্না হায়খি, “ ইঞ্জিনীয়রশিংনা মেদিকেলগী লমদা ইনৌ নৌনা পায়খৎপা থবকশিংগী মহৈনা কায়গনবা মওংগী তেক্নোলোজীশিং শেমগৎখ্রে। ‘য়ুক্তি ২.০’ অসিনসু অৱাংবা থাক্কী অমসুং তেক্নিকেলগী লোয়শংশিংদা সোলুসনশিং হেন্না খংদোকপদা মতেং পাংগনি হায়বগী মন্ত্রীনা ৱাখল্লোন থম্লি।”

এ.আই.সি.তি.ই.গী চেয়রমেন প্রোফোসর অনীল সহাশ্রাবুদ্ধেনা অসিগুম্বা প্লেৎফোর্ম অসিগী মথৌ তাবগী মতাংদা ফোংদোকখি অমসুং মহৈ-মশিংশিংগা কোন্ননা মখোয়গী স্তার্তঅপশিংবু খুমাং চাওখৎহনবা পাম্বা মহৈরোই ইন্তর্প্রিন্যুরশিংবু তেংবাং পীবগী মথৌ তাবগী মতাংদা ৱা লুম্না থমখি অদুগা এম.ঐচ.আর.দি.গী এদিস্নেল সেক্রতরী শ্রী রাকেশ রাজন্না য়ুক্তি ২.০ অসি ইনৌ-নৌবা তেক্নোলোজীশিং অসি লল্লোন-ইতিক্কী মায়কৈরোমদা চংশিহন্নবা ইনভেস্তরশিংগা ইনৌ-নৌনা থবক পায়খৎলিবশিংগা শম্ননবা কৈথেলগী মফমশিংগা পুনশিন্নরকপগী মথৌ তাই হায়না ফোংদকখি।

অতৌ মরিক চুম্বা ৱারোলশিংগীদমক্তা ৱেবসাইত অসিদা য়েংবিয়ু: www.mind.mic.gov.in.

*****