লৌউ-শিংউ মন্ত্রালয়

মেক ইন ইন্দিয়া থৌরাংগী মখাদা লোকস্ত লাকশিন্নবগীদমক অজমের অমসুং বিকানেরদা য়ু.এল.ভি. চাইথোক্নবা হাপ্পবা গারী মায় পাক্না চাংয়েং তৌখ্রে; কম্মরসিএল ওইনা হৌদোক্নবগীদমক অয়াবা পীনবগী থবক লৌখৎলি

রাজস্থানগী বার্মের, জৈসলমের, বিকানের, নাগোরে, অমসুং জোধপুর জিল্লাদা চঙবদা খুদোংচাদবা মদমশিংদা অমসুং অৱাংবা উশিংদা লোকস্ত লাকশিন্নবা দ্রোন শীজিন্নদুনা তিলহাৎ হিদাক কাপ্পগী থবক কন্না চত্থরি

য়ুনাইতেদ নেসন্স ফুদ এন্দ এগ্রিকলচর ওর্গনাইজেসন্না ভারতপু লৈকংলাগী লোকস্ত দ্রোন শীজিন্নদুনা লাকশিন্নবা হোৎনবা অহানবা লৈবাক ওইরে হায়দুনা থাগৎপা ফোংদোকখ্রে

Posted On: 23 JUN 2020 6:22PM by PIB Imphal

মপান্দগী খুৎলাই পুশিল্লকপদা অৱাৎপা লৈরিবসি কোক্নবগীদমক এগ্রিকলচর বিভাগ, কোওপরেসন এন্দ ফারমর্স ৱেলফিয়র (দি.এ.সি. এন্দ এফ.দব্ল্যু.)না মেক ইন ইন্দিয়া থৌরাংগী মখাদা লোকস্ত লাকশিন্নবগীদমক্তা য়ু.এল.ভি. স্প্রেয়র হাপ্পবা গারী পুথোক্নবা খোংথাং অমা লৌখৎখ্রে। থৌরাং অসিবু লুচিংলদুনা, ভারত্তা লৈবা মেন্যুফেকচরর অমগী খুথাংদা প্রেয়রগী প্রোতোতাইপ অমা (দি.এ.সি. এন্দ এফ.দব্ল্যু.)গী মেকানাইজেসন অমসুং তেক্নোলোজী দিবিজন্না পুথোকখ্রে। স্প্রেয়র অসিগী চাংয়েং অমা রাজস্থানগী অজমের অমসুং বিকানের জিল্লাদা পাঙথোকখ্রে। কম্মর্সিএল ওইনা পুথোক্নবগী অয়াবা লৌনবা অতোপ্পা তঙাইফদবশিং তান্নরি। মসিনা লোকস্ত লাকশিন্নবা হোৎনবদা চঙবা মরুওইবা খুৎলাইশিং মপান্দগী পুশিনলকপদা তাংজবদু লেপহন্দুনা অচৌবা খোংথাং অমা ওইরগনি।

হৌজিক্কী ওইনা, স্প্রেয়র হাপ্পবা গারী সপ্লাই তৌরিবসি এম/এস মাইক্রোন স্প্রেয়র, য়ুক.কে. খক্তনি। ফার্ম অসিদা ফেব্রুৱারীদা ওর্দর তৌখিবা স্প্রেয়র মশীং অসি ৬০নি। মপান থৌরম পুবা মন্ত্রালয় অমসুং কম্মর্স অমসুং ইন্দস্ত্রী মন্ত্রালয়না মসিগী খুৎলাইশিং অসি সপ্লাই তৌবা য়াহন্নবা হোৎনরিবনি। য়ু.কে.দা লৈবা ভারতকী হায় কম্মিসন্না ফার্ম অসিগা চাং নাইনা পাউ ফাওনরি অমসুং স্প্রেয়র অসিবু ঙন্না সপ্লাই তৌনবা হোৎনরি। হৌজিক ফাওবদা স্প্রেয়র ১৫ ফংলে। লেমহৌরিবা মশীং ৪৫ অসিনা থা অমগী মনুংদা লোইশিন্নবা হোৎনরি।

অদুমওইনমক, মখাদগী শীজিন্নগদবা স্প্রেয়র য়াওরবা লোকস্ত লাকশিন্নবা হোৎনরিবসিনা ফিৎ ২৫-৩০ ফাওবগী অৱাংবখক্তদা শীজিন্নবা ঙম্লি। ত্রেক্তরদা হাপ্পা স্প্রেয়রশিং অসিসু অৱাংবা উ অমসুং চঙবদা খুদোংচাদবা মফমশিংদদি চঙবা অমসুং শীজিন্নবা য়াদ্রি। মরম অসিদগী মথক্তগী চাইবা য়াবা মওং অমা তঙাই ফরক্তবনি।

য়েংশিন মীফম অমদা, কেন্দ্রগী লৌউ-শিংউ অমসুং লৌমীশিংগী য়াইফ থৌরাং মন্ত্রী, শ্রী নরেন্দ্র সিংহ তোমারনা লোকস্ত লাকশিন্নবগীদমক দ্রোন শীজিন্নবা য়াব্রা য়েংগদবনি হায়না য়াথং পীখি। হৌজিক লৈরিবা সিবিল এবিএসন মন্ত্রালয়গী পোলিসীনদি দ্রোনশিংদা পেস্তিসাইদশিং হাপতুনা শীজিন্নবা য়াদবনা দি.এ.সি. এন্দ এফ.দব্ল্যু.না সিবিল এবিএসন মন্ত্রালয়দা অয়াবা পীবীনবা হায়জবগী মতুং ইন্না, সিবিল এবিএসন মন্ত্রালয়না সরকারগী ওইবা থবক হায়বদি দিরেক্তোরেৎ ওব প্লান্ত প্রোতেক্সন, ক্বারেন্তিন এন্দ স্তোরেজ, ফরিদবাদ (দি.পি.পি.ক্যু. এন্দ এস.)বু তাং ২১.০৫.২০২০দা লোকস্ত লাকশিন্নবগী থবক থৌরমদা দ্রোন শীজিন্নবগী অয়াবা পীখি। মসিগী মথক্তা, তাং ২২.০৫.২০২০দা মথক্তগী দ্রোন, প্লেন অমসুং হেলিকোপ্তর শীজিন্নদুনা ইন্সেক্তিসাইদ চাইবগী স্তেন্দার্দ ওপরেতিং প্রোতোকোলসু সেন্ত্রেল ইন্সেক্তিসাইদ বোর্দনা লোকস্ত লাকশিন্নবগীদমক শীজিন্নবদা অয়াবা পীখ্রে।

এম.ও.সি.এ.না অকক্নবা মওংদা অয়াবা পীরকপগী মতুং ইন্না, লোকস্ত লাকশিন্নবগীদমক্তা পেস্তিসাইদ চাইবগী দ্রোন সর্বিস তৌনবা ফার্ম অনীগী মমিং লৌখৎলে। মসিগী ফার্মশিং অসিনা জয়পুর (রাজস্থান) অমসুং শিবপুরি (মধ্য প্রদেশ)তা চাংয়েং খরা পাঙথোকখ্রে। তাং ২৭.০৫.২০২০দা অৱাংবা থাক্তা পাঙথোকখিবা য়েংশিন মীফম অসিগী মখা তারকপা ওইনা, এগ্রিকলচর, কোওপরেসন এন্দ ফারমর্স ৱেলফিয়র সেক্রেতরী, সিবিল এবিএসন মন্ত্রালয়গী সেক্রেতরী, এন.দি.এম.এ. অমসুং পৱন হন্সকী সেক্রেতরীগা লোইননা হায়রিবা নুমিত্তুমক্তদা মীফম অমা পাঙথোকখি। স্প্রে ইক্বিপমেন্ত য়াওবা হেলিকোপ্তর/এয়রক্রাফ লৈবা-লৈতবগী সমশ্যা অমসুং লোকস্ত লাকশিনবদা দ্রোন শীজিন্নবগী থৌরাং লোখৎনবা খোংথাংশিং নৈনখি। সি.এ.সি. এন্দ এফ.দব্ল্যু.গী এদিসনেল সেক্রেতরীনা লুচিংবা এম.ও.সি.এ., পৱন হন্স, দি.জি.সি.এ., এয়র ইন্দিয়া অমসুং সি.এ.সি. এন্দ এফ.দব্ল্যু.গী ওফিসরশিংনা মেম্বর ওইদুনা দ্রোন, এয়রক্রাফ অমসুং হেলিকোপ্তর শীজিন্নদুনা পেস্তিসাইদ চাইথোক্নবগী পোৎলমশিং অমসুং সর্বিসশিং লৈশিনবা হৌননবগীদমক এম্পাৱরমেন্ত কম্মিতী অমা শেমখ্রে।

মসিগী মতুংদা, এম্পাৱর্দ কম্মিতী অসিনা পাউতাক পীরকপগী মতুং ইন্না কম্পেনী মঙাদগী দ্রোন (কম্পেনী অমদগী দ্রোন ৫-৫) শীজিন্ননবা ৱার্ক ওর্দর অমা থোকখ্রে। হায়রিবা দ্রোন সর্বিস পীরিবশিং অসিনা রাজস্থানগী বার্মের, জৈসলমের, বিকানের, নাগোরে অমসুং ফালোদি (জোধপুর) জিল্লাদা হৌজিক ফাওবদা দ্রোন ১২ শীজিন্নদুনা ফেজ নাইনা থবক হৌখ্রে। চঙবদা খুদোংচাদবা মফমশিংদা অমসুং অৱাংবা মফমশিংদা দ্রোন শীজিন্নবগী হৈ-শিংবশিং অপেনবা পোক্নিংঙাই ওইরি। দ্রোন শীজিন্নবা অসিনা লৈকংলাগী লোকস্তশিং লাকশিন্নবা হোৎনরিবা লোকস্ত সার্কল ওফিসশিংনা তৌবা থবকশিংদা অহেনবা খুদোংচাবা অমা পীরে। য়ুনাইতেদ নেসন্সকী ফুদ এন্দ এরিকলচর ওর্গনাইজেসন (এফ.এ.ও.)না ভারতপু লৈকংলাগী লোকস্ত লাকশিন্নবা হোৎনবদা দ্রোন শীজিন্নবা অহানবা লৈবাক ওইরে হায়দুনা থাগৎপা ফোংদোকখি।

*****



(Release ID: 1633856) Visitor Counter : 24