পতঞ্জালি অয়ুর্বেদা লিমিতেৎ, হরিদ্বার(উত্তরখান্দ)না কোবিদ-১৯ লায়েংনবা অয়ুর্বেদগী হিদাকশিং পুথোক্লে হায়না মেদিয়াদা লাউথোকখিবা পাউ অদু অয়ুস মিনিস্ত্রিনা খঙলে। হায়রিবা ৱাফমশিং অদুগী অকুপ্পা মরোলশিং অমসুং সাইন্তিফিক ওইবা ৱাফমশিং মিনিস্ত্রিনা খঙদ্রি।

অয়ুর্বেদগী হিদাক পুথোক্লিবা কম্পেনি অদুদা খঙহনখ্রে মদুদি অসিগুম্বা অয়ুর্বেদগী হিদাকশিংগী এদভরতাইজমেন্তশিং অসি দ্রগস এন্দ মেজিক রিমেদিজ(ওবজেক্সন্নেবল এদভরতাইজমেন্ত)এক্ত, ১৯৫৪গী প্রোবিজনশিংগী মখাদা লৈগদবনি অমসুং কোবিদ লাইচৎ লাকপদগী কেন্দ্র সরকারনা থোকপা দিরেক্তিবশিং অমসুং রুলশিংগী মখাদা লৈগদবনি। কোবিদ-১৯গী মতাংদা অয়ুসকা মরী লৈনবা লায়েং অমসুং হিদাকশিং পুথোক্নবগী মতাংদা ২০২০গী এপ্রিল ২১দা মিনিস্ত্রীনা গেজেত নোতিফিকেসন অমা নম্বর এল.১১০১১/৮/২০২০/এ এস থোকখ্রে।

মথক্তা পল্লিবা পাউ অদুগী মতাংদা অচুম্বা ৱাফমশিং খঙদোক্নবা কোবিদ-১৯ ফহনবা ঙম্লে হায়রিবা হিদাকশিং মমিং অমসুং মচল; কোবিদ-১৯গী মতাংদা থিজিনখিবা মফম/হোস্পিতাল; প্রোতোগোল, সেম্পল সাইজ, ইন্সতিতুসনেল ইথিক্স কমিতিগী ক্লিয়ারেন্স, সি তি আর আই রেজিস্ত্রেসন অমসুং থিজিনবদগী ফংলকপা দেতাশিং য়াওবা অকুপ্পা মরোলশিং পীখৎলক্নবা পতঞ্জালি অয়ুর্বেদ লিমিতেৎতা খঙহনখ্রে। ৱাফম অসি কুপ্না থিজিনবা লোইদ্রি ফাওবা এদভরতাইজমেন্ত ফোংদনবা খঙহনখ্রে। কোবিদ-১৯ লায়েংবা ঙমলে হায়রিবা অয়ুর্বেদগী হিদাক অদুগী অকুপ্পা মরোলশিং অমসুং উত্তরখান্দ সরকারগী মরী লৈনবা ওথোরিতিনা পীবা লাইসেন্সকী কপিশিং পীখৎলক্না মিনিস্ত্রিনা খঙহনখ্রে।

*****